HOSEA 9:4 - Edisana ñwed Abasi Ibom

⁴ Mmɔ idiŋwaŋake wine inɔ Jehovah, mme uwa mmɔ idinyuŋ inemke enye esit: eyetie nte uyo mme atua-eyet ye mmɔ, kpukpru owo eke etade enye eyedehe: koro uyo mmɔ enyenede mmɔ ke idem mmɔ: enye ididukke ke ufɔk Jehovah.

HOSEA 9:4 ပူးပေါင်းရင်းမြစ်များ

EXODUS 29:40

Ndien omer eti ndom-uyo kiet, eke etɔhɔde editim aran ke pint ye ubak, ye wine ke pint ye ubak, ke ediŋwɔŋ uwa, esaŋa ye eyen erɔŋ kiet.

EXODUS 40:23

Onyuŋ ɔdiɔŋ uyo odori ke esit, ke iso Jehovah; nte emi Jehovah eketemede Moses.

ISAIAH 57:6

Udeme fo odu ke ndɔnɔ (itiat) ebedeŋ; mmɔ mmɔ edi afia fo: afo ama aŋwaŋa ediŋwɔŋ uwa ɔnɔ mmɔ, awa inuak-udia. Nte ekeme ndisuk mi esit ke ŋkpɔ emi?

ISAIAH 66:3

Eke ɔyɔkde enaŋ owot owo; eke awade eyen erɔŋ atuak ebua itɔŋ; eke odoride inuak-udia osime iyip edi; eke ɔfɔpde incense ɔkɔm ibɔk. Mmɔ ememek usuŋ mmɔ ŋko, ŋkpɔ mbubiam mmɔ enyuŋ enem mmɔ esit.

JEREMIAH 16:7

Idinyuŋ ibuŋke uyo inɔ mmɔ ibaŋa ikpo, man edɔŋ mmɔ esit ebaŋa akpa-mkpa; idinyuŋ inɔŋɔ mmɔ cup ndɔŋesit ebaŋa ete mmɔ ye eka mmɔ.

JEREMIAH 6:20

Frankincense anam didie oto ke Sheba edi ke ɔtɔ mi, eti mbɔkɔk ke anyan idut ŋko? Ndifɔp uwa mbufo inemke nem, mme uwa emem mbufo inyuŋ idatke mi esit.

EZEKIEL 24:17

Seme ke ndop-uyo, kunam ntuaŋa mme akpa-mkpa; yara ŋkpɔ fo ke ibuot fo, nyuŋ sine ikpa-ukot ke ukot fo, kunyuŋ ufuk mkpɔk-inua, kunyuŋ uta uyo owo.

EZEKIEL 24:22

Ndien mbufo eyenam kpasuk nte ami nnamde: ekufuk ntaŋ-ebek, ekunyuŋ eta uyo owo.

DANIEL 1:8

Ndien Daniel aduak ke esit esie, ete ke imɔ idisabakede idem imɔ ke udia edidem ye ke wine emi enye ɔŋwɔŋde; enye onyuŋ ebeŋe etubom mme eunuch, ete ikusabare idem imɔ.

HOSEA 3:4

Koro nditɔ Israel eyebigi ediwak usen, ndien idinyeneke edidem, idinyuŋ inyeneke ɔbɔŋ, ye uwa, ye owo eto, ye ephod, ye terephim.

HOSEA 7:16

Mmɔ ifiakke itiene Ata Edikoŋ: mmɔ ebiet emik-utiga: mbɔŋ mmɔ eyeduɔŋɔ ke ofut ebaŋa emiom edeme mmɔ: emi edidi se edidade esak mmɔ ke isɔŋ Egypt.

HOSEA 8:13

Mmɔ ewa unam ke uwa emi enɔde mi, enyuŋ eta enye; mmɔ inemke Jehovah esit; ke emi ke enye editi idiɔk ido mmɔ, edinyuŋ ɔnɔ mmɔ ufen mme ukwaŋ-ŋkpɔ mmɔ: mmɔ eyefiak ke Egypt.

JOEL 1:13

Mbufo mme oku ebɔbɔ mbɔbɔ, enyuŋ etuaŋa: mbufo mme anam-ŋkpɔ itie-uwa eseme: mbufo mme anam-ŋkpɔ Abasi mi edi edina ke ɔfɔŋ-ikpo ke ofuri okoneyo: koro ebɔde ufɔk Abasi mbufo inuak-udia ye uwa ediŋwɔŋ-ŋkpɔ efep.

JOEL 1:9

Emesibe inuak-udia ye uwa ediŋwɔŋ-ŋkpɔ ke ufɔk Jehovah efep; mme oku, mme anam-ŋkpɔ Jehovah, eseme.

JOEL 2:14

Anie ɔfiɔk mme enye eyekabare onyuŋ atua mkpɔfiɔk, onyuŋ ɔkpɔŋ eti ŋkpɔ ke edem esie, kpa inuak-udia ye uwa ediŋwɔŋ-ŋkpɔ, ɔnɔ Jehovah Abasi mbufo?

LEVITICUS 17:11

Koro uwem unam odude ke iyip: ami mmonyuŋ nda enye, ndori ke itie-uwa nnɔ mbufo, ndisio isop nnɔ ukpɔŋ mbufo: koro edide iyip osio isop ɔnɔ ukpɔŋ.

LEVITICUS 21:17

ete, Owo ekededi ke otu ubon fo ke emana mmɔ, eke obiomode ndo okusaŋa ekpere ndiwa uwa uyo Abasi esie.

LEVITICUS 21:21

baba ofuri owo kiet eke obiomode ndo ke otu ubon Aaron oku okusaŋa ekpere ndiwa uwa ikaŋ Jehovah; enye obiomo ndo: enye okusaŋa ekpere ndiwa uwa Abasi esie.

LEVITICUS 21:6

Yak mmɔ edi edisana ikɔt Abasi mmɔ, ekunyuŋ ebiat enyiŋ Abasi mmɔ: koro edi mmɔ edi mme awa uwa ikaŋ Jehovah, ye uyo Abasi mmɔ: yak mmɔ edi edisana ndien.

LEVITICUS 21:8

Nam enye edi edisana ndien: koro edide enye edi awa uyo Abasi fo: nim enye ke edisana: koro ami Jehovah, emi nnamde mbufo esana, ndi edisana.

AMOS 5:22

Edieke mbufo ediwade ndifɔp uwa ye inuak-udia mbufo enɔ mi, ndibɔhɔ mmɔ: ndinyuŋ nsehe uwa emem eke etode ke ndisehe unam mbufo.

MALACHI 2:13

Ndien mbufo ke enam ŋkpɔ emi ŋko, ke eda mmɔŋeyet, ye mmum, ye eseme efuk itie-uwa Jehovah, ndien enye isehe aba inuak-udia, inyuŋ imaŋa aba ndibɔ mbufo ke ubɔk. Ndien mbufo edɔhɔ ete, Nsinam?

NUMBERS 19:11

Owo eke otukde okpo owo ekededi enyene ndidi edidehe ke ofuri usen itiaba.

NUMBERS 28:2

Mbufo etiŋ enyin ke ndida enɔ mi, kpa udia uwa ikaŋ mi, ke edinem utebe, nnɔ mi ke ekem ini esie.

NUMBERS 4:7

Ndien yak eda awawa ɔfɔŋ ebri ke okpokoro uyo-iso, enyuŋ eda bowl, ye pan, ye usan, ye cup ediŋwɔŋ uwa edori ke esit: yak nsinsi uyo onyuŋ odoro ke esit.

JOHN 6:51

Ami ndi odu uwem uyo emi okotode ke heaven ɔsuhɔre: edieke owo ekededi adiade uyo emi, enye eyedu uwem ke nsinsi: ndien uyo emi ndinɔde edi obukidem Mi, man ererimbot odu uwem.

DEUTERONOMY 26:14

ŋkadiaha ke esit ke ukut mi, ŋkoyuŋ nsioho ke esit nnɔ se idehede nnyuŋ nsioho ke esit nnɔ akpa-mkpa: mma ŋkop uyo Jehovah Abasi mi, nnyuŋ nnam kpukpru se afo okowukde mi.