HOSEA 9:3 - Edisana ñwed Abasi Ibom

³ Mmɔ ididuŋke ke isɔŋ Jehovah; edi Ephraim eyefiak ke Egypt, enyuŋ eta mbubiam ŋkpɔ ke Assyria.

HOSEA 9:3 ပူးပေါင်းရင်းမြစ်များ

1 NDIDEM 9:7

ndien nyesibe Israel mfep ke iso isɔŋ emi ŋkɔnɔde mmɔ; ndien ama edi ufɔk emi ŋkonimde nnɔ enyiŋ mi, nyemen enye ke iso mi mfep nduɔk; ndien Israel eyedi ŋkpɔ ikwɔ ye ufiet ke otu kpukpru owo;

2 NDIDEM 17:6

Ke ɔyɔhɔ isua Hoshea usukkiet, edidem Assyria ada Samaria, onyuŋ ataŋ Israel ɔnyɔŋ ke Assyria, okonim mmɔ ke Halah, ye ke Habor, ke mben akpa Gozan, ye ke mme obio nditɔ Media.

JEREMIAH 16:18

Ndien nyebem iso nsio usiene mme idiɔk ido mmɔ ye mme ukwaŋ-ŋkpɔ mmɔ utim ikaba; koro mmɔ esabarede isɔŋ mi; enyuŋ eda okpo ŋkpɔ ndek mmɔ, ye mbubiam ŋkpɔ mmɔ esin ke udeme mi eyɔhɔ.

JEREMIAH 2:7

Ndien ŋkada mbufo nduk ke isɔŋ enyene eti iŋwaŋ, nte edia mfri esie ye mfɔn esie: ndien mbufo eduk edisabare isɔŋ mi, enyuŋ enim udeme mi ke ŋkpɔ mbubiam.

ŊWED ESEME 5:6

Nnyin ikɔkɔŋɔ mfaŋ inɔ Egypt ye Assyria, man ita uyo iyuhɔ.

EZEKIEL 4:13

Ndien Jehovah ɔdɔhɔ ete, Ntem ke nditɔ Israel edita edidehe uyo mmɔ ke otu mme idut, eke ndibinde mmɔ nsin do.

DANIEL 1:8

Ndien Daniel aduak ke esit esie, ete ke imɔ idisabakede idem imɔ ke udia edidem ye ke wine emi enye ɔŋwɔŋde; enye onyuŋ ebeŋe etubom mme eunuch, ete ikusabare idem imɔ.

HOSEA 11:11

mmɔ eyeto ke isɔŋ Egypt esɔp itɔk nte ntarusuŋ, eyenyuŋ eto ke isɔŋ Assyria nte ibiom; ndien ami nyeyak mmɔ eduŋ ke mme ufɔk mmɔ. Uyo Jehovah edi emi.

HOSEA 11:5

Ndien enye idifiakke ke Egypt, edi Assyrian eyedi edidem esie, koro mmɔ minyimeke ndikabare.

HOSEA 7:11

Ndien Ephraim akabare ebiet ɔkɔi ibiom eke ananade ibuot: mmɔ efiori ekot Egypt, enyuŋ eka Assyria.

HOSEA 7:16

Mmɔ ifiakke itiene Ata Edikoŋ: mmɔ ebiet emik-utiga: mbɔŋ mmɔ eyeduɔŋɔ ke ofut ebaŋa emiom edeme mmɔ: emi edidi se edidade esak mmɔ ke isɔŋ Egypt.

HOSEA 8:13

Mmɔ ewa unam ke uwa emi enɔde mi, enyuŋ eta enye; mmɔ inemke Jehovah esit; ke emi ke enye editi idiɔk ido mmɔ, edinyuŋ ɔnɔ mmɔ ufen mme ukwaŋ-ŋkpɔ mmɔ: mmɔ eyefiak ke Egypt.

HOSEA 9:6

Koro, sese, mmɔ eyedaŋa ebak nsobo: Egypt eyetaŋ mmɔ obon, Memphis eyebuk mmɔ ke isɔŋ: ama edi ŋkpɔ silver emi mmɔ emade, nettle eyeda mmɔ, ŋkukim eyedu ke mme tent mmɔ.

LEVITICUS 18:28

mbak isɔŋ oro edikpɔhi mbufo efep, ke ini mbufo esabarede enye, kpa nte ɔkɔkpɔhide mme idut emi ekebemde mbufo iso efep.

LEVITICUS 20:22

Mbufo enim ndien kpukpru ewuhɔ mi, ye kpukpru item mi, enyuŋ enam mmɔ; mbak isɔŋ emi ami ndade mbufo nduk do nte eduŋ ke esit, edikpɔhi mbufo ɔduɔk.

LEVITICUS 25:23

Ekunyam isɔŋ ke tak-tak: koro isɔŋ edide okimmɔ; koro mbufo edide isen owo ye mme oduduŋ eke eduŋde ye ami.

AMOS 7:17

Mmɔdo ntem ke Jehovah ɔdɔhɔ, ete, Ŋwan fo eyedi akpara ke obio, nditɔ-iren fo ye nditɔ fo iban eyenyuŋ eduɔŋɔ ke ofut: ndien eyeda uruk edeme isɔŋ fo; afo eyenyuŋ akpa ke edidehe isɔŋ: eyenyuŋ etaŋ Israel ke idut mmɔ efep.

MICAH 2:10

Mbufo edaha ke enyɔŋ eka: koro midige ebiet nduɔk-odudu (mbufo) edi emi: koro enye edehede, eyesobo (mbufo), ndien nsobo oro eyediɔk eti-eti.

UTOM MME APOSTLE 10:14

Edi Peter ɔdɔhɔ ete, Baba, Ɔbɔŋ, koro akananam ntaha se misanake ye se ebetde ibet.

DEUTERONOMY 28:63

Ndien ama ekem, nte Jehovah akadatde esit abaŋa mbufo, ndifɔn ye mbufo, nnyuŋ nnam mbufo ewak; kpa ntre ke Jehovah edinyuŋ adat esit abaŋa mbufo ndibiat mbufo, nnyuŋ nsobo mbufo; ndien eyedibere mbufo efep ke isɔŋ emi mbufo ekade do ndida enye nnyene.

DEUTERONOMY 28:68

Ndien Jehovah eyenam fi afiak ke Egypt ke ubom mbakara ke usuŋ emi ŋkɔdɔhɔde fi mbaŋa, nte, Ke udukwe aba enye: ndien do ke edinyam mbufo enɔ mme asua mbufo ke ifin iren ye ifin iban, ndien owo eke edepde ididuhe.

DEUTERONOMY 4:26

mfin emi mmowuk enyɔŋ ye isɔŋ nte edi ntiense ebaŋa mbufo, nte mbufo eyewara ndibiara ke isɔŋ emi mbufo ebede Jordan eka do ndida enye nnyene; mbufo idibigike ke esit anyan ini; edi eyebiara tak-tak.

JOSHUA 23:15

Ndien ama ekem, kpa nte kpukpru nti ikɔ eke Jehovah Abasi mbufo ɔkɔdɔhɔde abaŋa mbufo, esude enɔ mbufo; kpasuk ntre ŋko ke Jehovah edinam kpukpru mme idiɔk ikɔ esu enɔ mbufo, tutu enye osobo mbufo efep ke eti isɔŋ emi Jehovah Abasi mbufo ɔnɔde mbufo.