HOSEA 8:8 - Edisana ñwed Abasi Ibom

⁸ Ememen Israel esin ke idibi: ke emi mmɔ eyedu ke otu mme idut nte mkpoduoho ufɔk eke baba inemesit miduhe ke esit.

HOSEA 8:8 ပူးပေါင်းရင်းမြစ်များ

2 NDIDEM 18:11

Ndien edidem Assyria ataŋ Israel ɔnyɔŋ ke Assyria, okonim mmɔ ke Halah, ye ke Habor, ke mben akpa Gozan; ye ke mme obio Media:

ISAIAH 30:14

Ndien ewuri enye nte abaŋ mme obot-eso owurede, anuaha; mbɔm iduhe du; ndien ikwe baba usiɔŋ kiet ke otu mbai esie, eke edade emen ikaŋ ke otuŋ, mme eda ekoi mmɔŋ ke idim.

JEREMIAH 22:28

Nte owo emi Coniah edi obukpo ibɔk eke asiahade? Nte enye edi ŋkpɔ ufɔk eke baba inem miduhe enye ke esit? Nsinam esiode enye ye nditɔ esie eduɔk? Nsinyuŋ inam edade mmɔ eduɔk ke idut eke mmɔ mifiɔkke?

JEREMIAH 25:34

Mbufo mme ekpemerɔŋ eseme enyuŋ efiori; mme etubom ufene, mbufo emiaŋa ke ntɔŋ: koro ekemde ke usen nte ewotde mbufo enyuŋ esuande mbufo; ndien mbufo eyeduɔŋɔ nte ŋkpɔ uto.

JEREMIAH 48:38

Ntuaŋa mmɔdo ke enyɔŋ kpukpru ɔkɔm ufɔk Moab, ye ke esit aŋwa esie: koro mmanuak Moab nte abaŋ eke minemke owo baba: uyo Jehovah edi emi.

JEREMIAH 50:17

Israel edi erɔŋ eke esuanade: mme lion emebin enye efep: edidem Assyria ama ebem iso adia enye; ndien ke emi Nebucha-drezzar edidem Babylon emi etiene edem obuŋ enye ɔkpɔ.

JEREMIAH 51:34

Nebuchadrezzar edidem Babylon ama adia mi, ama asuan mi, ama onim mi nte ukpɔk abaŋ, ama emen mi nte kukubarakpa, ama ada edinem udia mi esin ke idibi esie ɔyɔhɔ, ama ebin mi efep.

ŊWED ESEME 2:16

Kpukpru mme asua fo eŋwaŋade inua mmɔ ese fi; esi, enyuŋ eta edet: edɔhɔ ete, Nnyin imemen enye isin ke idibi; ŋkɔm emi edi usuŋ eke nnyin ibetde; nnyin imesime, imekut enye.

ŊWED ESEME 2:2

Ɔbɔŋ omosobo kpukpru mme iduŋ Jacob, inyuŋ ituaha owo mbɔm: enye omowuri mkpɔsɔŋ ebiet adiaha Judah ke ifuresit esie; anam mmɔ esim isɔŋ: enye asa-bare itie edidem esie ye mbɔŋ esie.

ŊWED ESEME 2:5

Ɔbɔŋ amakabare ebiet owo asua: omosobo Israel, omosobo kpukpru ikpɔ ufɔk esie; owuri mkpɔsɔŋ ebiet esie, omonyuŋ anam ubaha ye mfuhɔ ewak ke idem adiaha Judah.

ŊWED ESEME 4:2

Ndiye nditɔ-iren Zion emi ekemde ye ata eti gold, anam didie ebat mmɔ nte abaŋ mbat eso eke ubɔk obot-eso anamde!

ŊWED ESEME 5:2

Emekabare udeme nnyin enɔ isen owo, ekabare ufɔk nnyin enɔ mbon idut.

EZEKIEL 36:3

tiŋ ndien prophecy, nyuŋ dɔhɔ, Ntem ke Ɔbɔŋ Jehovah ɔdɔhɔ, ete, Koro, kpa koro mme mmɔ emi ekande ekuk ebiatde enyuŋ eŋwunede mbufo, ete mbufo edi se mme idut emi esuhɔde edade enyene; ndien mme ababara etoho mbufo ufiet, mbufo enyuŋ edi se kpukpru owo esuenede:

LEVITICUS 26:33

Nyenyuŋ nsuan mbufo ke otu mme idut, nnyuŋ ndabare ofut mbine mbufo; ndien isɔŋ mbufo eyedobo, mme obio mbufo eyenyuŋ ewure.

ŊWED MBON ROME 9:22

Edi ekpedi nte Abasi, emi onyimede ndiwut iyaresit Esie, ndiyuŋ nnam owo efiɔk odudu Esie, emede anyan ime ye mme eso iyaresit emi enade enɔ nsobo;

DEUTERONOMY 28:25

Jehovah eyenim fi ke iso mme usua fo, ete esuan fi: afo eyewɔrɔ aka ekɔŋ ye mmɔ ke usuŋ kierakiet, ndien eyefehe ke iso mmɔ ke usuŋ itiaba: ndien afo eyedi se kpukpru mme idut ererimbot enukde.

DEUTERONOMY 28:64

Ndien Jehovah eyesuan fi ke oto kpukpru mme idut, ɔtɔŋɔde ke utit ererimbot oko, tutu osim ke utit ererimbot eken; ndien do ke afo edinam ŋkpɔ mme abasi efen, eke afo ye mme usɔ mikɔfiɔkke, eke eto ye itiat.