HOSEA 8:7 - Edisana ñwed Abasi Ibom

⁷ Koro mmɔ eketɔde ofum ke isɔŋ, ndien mmɔ eyedɔk oyobio: etak iduhe ke esit: mbuŋwum esie idinamke ndom-uyo; ama anam, isen owo eyemen enye esin ke idibi.

HOSEA 8:7 ပူးပေါင်းရင်းမြစ်များ

GENESIS 41:23

Ndien, sese, mbuot itiaba eke ekpaŋade, minyuŋ idɔŋɔke, eke ikɔrabak okonyuŋ abiatde, etiene mmɔ edem etibe:

2 NDIDEM 15:19

Ekem Pul edidem Assyria edi ndiŋwana ekɔŋ ye idut oro: ndien Menahem ɔnɔ Pul tɔsin talent silver, man enye esin ubɔk anam ubɔŋ ɔsɔŋ ada enye ke ubɔk.

2 NDIDEM 15:29

Ke eyo Pekah edidem Israel, Tiglath-pileser edidem Assyria edi edida Ijon, ye Abel-beth-maacah, ye Janoah, ye Kedesh, ye Hazor, ye Gilead, ye Galilee, kpa ofuri isɔŋ Naphtali; onyuŋ ataŋ mmɔ ɔnyɔŋ ke Assyria.

ŊWED JOB 4:8

Kpa nte ŋkokutde, mmɔ eke efuŋde idiɔk-ŋkpɔ enyuŋ etɔde ibak, edɔk suk oro.

MME ŊKE 22:8

Owo eke ɔtɔde ibak (ke isɔŋ) eyedɔk ufen: ndien eto ifuresit esie eyebiara.

ECCLESIASTES 5:16

Emi ŋko onyuŋ edi ata akamba idiɔk-ŋkpɔ, emi enye edinyɔŋde kpasuk nte emi enye ekedide: ndien enye okut nso udori ke erinam ŋkpɔ mbɔ ofum?

ISAIAH 17:11

ke usen emi afo ɔtɔde ŋkpɔ, afo eyenam ɔkɔ akan enye okuk, ndien ke usen-ubɔk eyekut nte mkpasip otibede: edi ukpeŋe eyefehe ɔnyɔŋ ke usen udɔŋɔ ye eke idiɔk ndutuhɔ.

ISAIAH 55:2

Nsinam mbufo edomode silver enɔ ke se midige uyo? ye utom mbufo ke se miyuhɔke? Etim ekop uyo mi, enyuŋ edia se ifɔnde, yak ukpɔŋ mbufo onyuŋ enem esit ke isek.

ISAIAH 66:15

Koro, sese, Jehovah eyedi ke ikaŋ, mme chariot esie eyenyuŋ edi nte oyobio ndikabare iyaresit edi ifiopesit, nnyuŋ ŋkabare nduari esie edi edemikaŋ.

JEREMIAH 12:13

Mmɔ eketɔ wheat ke isɔŋ, ndien ekpeŋe mbarekpe: ekpa mba, edi idikwe udori: mmɔ eyekut but ebaŋa mbuŋwum mbufo, oto ke ikaŋ iyaresit Jehovah.

ŊWED ESEME 5:2

Emekabare udeme nnyin enɔ isen owo, ekabare ufɔk nnyin enɔ mbon idut.

HOSEA 2:9

Mmɔdo nyefiak nda ibokpot mi ke ekem ini esie, ye obufa wine mi ke ini esie ŋko, nnyuŋ mbɔ idet erɔŋ mi ye flax mi emi okpofukde enye iferi.

HOSEA 7:9

Isen owo edia odudu esie; ndien enye ifiɔkke: iwat omotibe enye ke ibuot ŋko, ndien enye ifiɔkke.

HOSEA 9:16

Emeyibi Ephraim: oruŋ mmɔ amasat, mmɔ idiŋwumke mfri: okposuk edi nte mmɔ ekemande idem nditɔ, nyewot edima mfri idibi mmɔ.

NAHUM 1:3

Jehovah isɔpke iyaresit, enye onyuŋ okpon odudu, edi enye idiyakke mme edue-isop ebɔhɔ: usuŋ Jehovah odu ke idio ye ke oyobio, obubit enyɔŋ onyuŋ edi obu ukot esie.

HAGGAI 1:6

Mbufo etetɔ ediwak ŋkpɔ ke isɔŋ, ndien ekut esisit; edia ŋkpɔ, edi ikemke: eŋwɔŋ, edi iyuhɔke; esine ŋkpɔ ke idem, edi ikopke ufiop; anam-utom ke utip onyuŋ esin utip ke ekpat eke otibede ndudu.

ŊWED MBON GALATIA 6:7

Ekuyak ebiaŋa mbufo; owo ikemeke ndibiaŋa Abasi: se ededi owo ɔtɔde, oro ke enye edinyuŋ ɔdɔk.

ŊWED MBON GALATIA 6:8

Owo eke ɔtɔde ɔnɔ obukidem eyedɔk mbiara oto obukidem; edi owo eke ɔtɔde ɔnɔ Spirit, oto ke Spirit ke enye eyedɔk nsinsi uwem.

DEUTERONOMY 28:33

Idut eke afo mufiɔkke eyedia mfri iŋwaŋ fo, ye ofuri utom fo; ndien afo eyesuk edi se efikde, enyuŋ etukde, kpukpru usen.