HOSEA 8:4 - Edisana ñwed Abasi Ibom

⁴ Mmɔ enim owo ke ndidem, edi itoho mi: enim owo ke mbɔŋ, ndien ami mfiɔkke: mmɔ eda silver mmɔ ye gold mmɔ enam mbiet ŋkpɔ enɔ idem mmɔ, man esibe mmɔ efep.

HOSEA 8:4 ပူးပေါင်းရင်းမြစ်များ

1 NDIDEM 12:28

Ndien edidem ekere, onyuŋ ada gold anam nditɔ enaŋ iba, onyuŋ ɔdɔhɔ mmɔ ete, Akan mbufo ndidɔk ke Jerusalem: O Israel, se mme abasi emi ekedade mbufo ke isɔŋ Egypt edɔk edi.

1 NDIDEM 13:34

Ndien edi ŋkpɔ emi ekesin ufɔk Jeroboam ɔdiɔk, man ebiat mmɔ, enyuŋ esobo mmɔ ke iso isɔŋ efep.

1 NDIDEM 16:31

Edikem, (nte erisaŋa emi enye asaŋade ke mme idiɔk ido Jeroboam eyen Nebat edi ekpri ŋkpɔ), enye onyuŋ ada Jezebel eyen Ethbaal edidem mme Zidonian ɔdɔ, onyuŋ aka akanam ŋkpɔ Baal, onyuŋ atuak ibuot ɔnɔ enye.

JEREMIAH 16:20

Nte owo edinam abasi ɔnɔ idem esie, ndien mmɔ idige abasi?

EZEKIEL 18:31

Mbufo esioŋo kpukpru mme oburobut ido eke mbufo ekeduede ke esit ke idem mbufo efep; enyuŋ enam obufa esit ye obufa spirit esin mbufo ke idem: koro mbufo edinam didie ekpaŋa, O ufɔk Israel?

DANIEL 3:1

NEBUCHADNEZZAR edidem akanam akamba owo o-gold: idaha esie edi ibio-idomo-okuk ata: ubom esie edi ibio-idomo-okuk itiokiet: ndien onim enye ke una-isɔŋ Dura ke esien Babylon.

HOSEA 13:1

KE adaŋemi Ephraim ɔdɔhɔde, ndik mmɔdo: enye oforo ke Israel: ndien ke adaŋemi enye eduede isop ke ikɔ Baal, enye akpa.

HOSEA 13:11

Nɔ mi edidem ye mbɔŋ? Ŋkɔnɔ fi edidem ke iyaresit mi, nnyuŋ mbɔ enye mfep ke ifuresit mi.

HOSEA 13:2

Ndien ke emi mmɔ edediɔŋ enam idiɔk; enyuŋ etara silver mmɔ enam mbiet ke idem mmɔ, adaŋa nte efiɔkde, kpa ibɔk; mbon-usɔ enam mmɔ kpukpru: mmɔ edɔhɔ ebaŋa mmɔ, ete, Yak owo eke ewade uwa etim nditɔ-enaŋ inua.

HOSEA 2:8

Ndien enye ikɔfiɔkke, ite ke edi ami ŋkɔnɔ enye ibokpot oro, ye obufa wine, ye aran, ndien mmɔ eda silver oro ŋkanamde awak ɔnɔ enye, ye gold, enam ŋkpɔ enɔ Baal.

HOSEA 8:3

Israel afiari eti ŋkpɔ ɔduɔk: usua eyebine enye.

MATTHEW 25:12

Edi enye ɔbɔrɔ ete, Ke akpanikɔ ke ndɔhɔ mbufo, Ndiɔŋɔke mbufo.

LUKE 13:25

Ke adaŋemi ete-ufɔk adahade ke enyɔŋ eberi usuŋ, ndien mbufo etɔŋɔ ndida ke aŋwa ntuak usuŋ, ete, Ɔbɔŋ, sio usuŋ nɔ nnyin; ndien Enye eyebɔrɔ mbufo ete, Mfiɔkke ebiet eke mbufo etode;

LUKE 13:27

Ndien Enye eyebɔrɔ ete, ndɔhɔ mbufo nte, Mfiɔkke ebiet eke mbufo etode; edianare Mi, kpukpru mbufo mme anam-ukwaŋkpɔ.

JOHN 10:14

Ami ndi eti ekpeme-erɔŋ; mmɔfiɔk se inyenede Mi, se inyenede Mi onyuŋ ɔfiɔk Mi kpa nte Ete ɔfiɔkde Mi,

ŊWED MBON GALATIA 4:9

Edi ke emi mbufo ema ekefiɔk Abasi, ŋkpakam ndɔhɔ nte, ke emi Abasi ama ɔkɔfiɔk mbufo, nsinam mbufo efiakde ebine mmeme nditaha mme odudu oro, enyuŋ eyom nditɔŋɔ ntak nduk ufin nnɔ mmɔ?