HOSEA 8:14 - Edisana ñwed Abasi Ibom

¹⁴ Israel omonyuŋ efre Andibot enye, omonyuŋ ɔbɔp temple; Judah omonyuŋ ɔbɔp ediwak obio ibibene: edi ami nyekim ikaŋ ke mme obio mmɔ, ndien enye eyeta ufɔk mbɔŋ mmɔ.

HOSEA 8:14 ပူးပေါင်းရင်းမြစ်များ

1 NDIDEM 12:31

Enye onyuŋ ɔbɔp ufɔk ke edikoŋ ebiet, onyuŋ osio owo eke midige nditɔ Levi ke ofuri obio, onim ke oku.

1 NDIDEM 16:31

Edikem, (nte erisaŋa emi enye asaŋade ke mme idiɔk ido Jeroboam eyen Nebat edi ekpri ŋkpɔ), enye onyuŋ ada Jezebel eyen Ethbaal edidem mme Zidonian ɔdɔ, onyuŋ aka akanam ŋkpɔ Baal, onyuŋ atuak ibuot ɔnɔ enye.

2 NDIDEM 18:13

Ekem ke ɔyɔhɔ isua edidem Hezekiah duopenaŋ, Sennacherib edidem Assyria ɔdɔk edi ekɔŋ ye kpukpru obio Judah emi enyenede ibibene, onyuŋ ada mmɔ.

2 CHRONICLES 26:10

Enye onyuŋ ɔbɔp tower ke wilderness, onyuŋ otibi ediwak obube mmoŋ; koro enye enyenede ediwak ufene ke una-isɔŋ edem inyaŋ, ye ke una-isɔŋ edem Jordan; ye mme andifuŋ isɔŋ ye mbon-udiɔŋ vine ke ikpɔ obot, ye ke Carmel: koro enye edide ama-iŋwaŋ.

2 CHRONICLES 27:4

Enye onyuŋ ɔbɔp obio ke ikpɔ obot Judah, onyuŋ ɔbɔp mkpɔsɔŋ ebiet, ye tower ke mme akai.

ŊWED MME PSALM 106:21

Mmɔ efre Abasi, andinyaŋa mmɔ, emi akanamde ikpɔ ŋkpɔ ke Egypt;

ŊWED MME PSALM 95:6

Mbufo edi, nnyin ituak ibuot inyuŋ inuhɔ: inyuŋ itɔŋɔ edɔŋ ke iso Jehovah andinam nnyin.

ISAIAH 17:10

Koro afo emefre Abasi erinyaŋa fo, ukonyuŋ utihi akwa itiat odudu fo, mmɔdo afo editɔde ndinem editɔ ŋkpɔ, edinyuŋ adade esen emine ɔtɔ ke esit:

ISAIAH 29:23

Koro ke adaŋemi enye okutde nditɔ esiemɔ, emi ubɔk mi akanamde, ke ufɔt mmɔ, mmɔ eyenim enyiŋ mi ke edisana, eyenyuŋ enim Edisana Abasi Jacob ke edisana, enyuŋ ebak Abasi Israel.

ISAIAH 42:13

Jehovah eyewɔrɔ nte owo uko, eyedemere ufup nte owo ekɔŋ: enye eyefiori, eyefiori akamba; eyesɔŋɔ idem akan mme asua esiemɔ.

ISAIAH 42:25

Ndien enye ada ikaŋ iyaresit esie ye odudu ekɔŋ aŋwaŋa enye ke idem; ndien oro okim enye ikaŋ akanade okuk, edi enye ifiɔkke; onyuŋ ɔfɔp enye, edi enye inimke ibuot ke esit.

ISAIAH 43:21

Mma mbot mbio emi nnɔ idem mi; mmɔ eyebuk itoro mi.

ISAIAH 9:10

Mme brick emewure, edi nnyin iyebɔp ke edisɔi itiat; emekpeŋe mme cycomore eduɔŋɔ, edi nnyin iyeda cedar ikpuhɔ.

ISAIAH 9:9

Ndien ofuri obio, kpa Ephraim, ye mme andiduŋ Samaria, emefiɔk, emi edɔhɔde ke iseri ye mkpon-esit, ete,

JEREMIAH 17:27

Edi mbufo minyimeke ndikop uyo mi, nnyuŋ nnim usen sabbath ke edisana, man ekunyuŋ ebiom mbiomo eduk ke inua-otop Jerusalem ke usen sabbath; ndien ami nyebara ikaŋ ke inua-otop esie, eke editade ikpɔ ufɔk Jerusalem, ndien idinimeke.

JEREMIAH 2:32

Nte eyen-aŋwan edifre ŋkpɔ mbana esie? Nte ŋwan ndɔ edifre ubɔp-isin esie? Edi ikɔt mi emefre mi usen inyeneke ibat.

JEREMIAH 23:27

Emi ekerede ete ke mmimɔ iyenam ikɔt mi efre enyiŋ mi ke ndap mmɔ eke mmɔ etiŋde kiet ye kiet, kpa nte Baal ekesinde mmɔ efre enyin mi.

JEREMIAH 3:21

Emekop uyom ke enyɔŋ ikpɔ obot-eyet ye mkpe-ubɔk nditɔ Israel: koro mmɔ emekwaŋa usuŋ mmɔ, emefre Jehovah Abasi mmɔ.

JEREMIAH 5:17

Ndien mmɔ eyeta ibokpot fo ye uyo fo, eyeta nditɔ-iren fo ye nditɔ-iban fo: eyeta ŋkpri ufene fo ye enaŋ fo: eyeta vine fo ye fig fo: eyeda ofut ewuri obio ibibene fo emi afo ɔbuɔtde idem fo ke esit.

EZEKIEL 23:35

Mmɔdo ntem ke Ɔbɔŋ Jehovah ɔdɔhɔ, ete, Koro afo efrede mi, onyuŋ emende mi ɔduɔk ke edem fo; afo ŋko enyene ndibiom oburobut ido fo ye use fo.

HOSEA 13:6

Adaŋa nte ebɔkde mmɔ, mmɔ eyuhɔ; ndien emenere esit mmɔ ke enyɔŋ; oro esin mmɔ efre mi.

HOSEA 2:13

Nyenyuŋ nnɔ enye ufen, mbaŋa mme usen Baal emi enye ɔkɔfɔpde ŋkpɔ ɔnɔ mmɔ, okonyuŋ abanade idem esie ke mkpanuen ibuo esie, ye ŋkwa itɔŋ esie, ndien ebine mmɔ eke emade enye, onyuŋ efre mi. Uyo Jehovah edi emi.

HOSEA 4:6

Unana ifiɔk (Abasi) omosobo ikɔt mi: koro afo ɔduɔkde ifiɔk, ami ŋko nyeduɔk fi, nte okudi oku ɔnɔ mi: koro afo onyuŋ efrede mbet Abasi fo, ami ŋko nyefre nditɔ fo.

AMOS 1:10

Ndien nyekim ikaŋ ke ibibene Tyre, eke editade ikpɔ ufɔk esie.

AMOS 1:12

Ndien nyekim ikaŋ ke Teman, eke editade ikpɔ ufɔk Bozrah.

AMOS 1:14

Ndien ami nyebara ikaŋ ke ibibene Rabbah, eke editade ikpɔ ufɔk mmɔ ke mkpo ke usen ekɔŋ, ye ke idio ke usen oyobio:

AMOS 1:4

Ndien nyekim ikaŋ ke ufɔk Hazael, ndien enye eyeta ikpɔ ufɔk Benhadad.

AMOS 2:5

Ndien nyekim ikaŋ ke Judah, eke editade ikpɔ ufɔk Jerusalem.

ŊWED MBON EPHESUS 2:10

Koro nnyin idi se ubɔk Esie akanamde; ke Christ Jesus ke Enye okobot nnyin, ete nnyin inam nti utom, emi Abasi ekebemde iso onim ete, nnyin ikpasaŋa ke esit.

DEUTERONOMY 32:18

Afo utihe Akwa Itiat emi okobonde fi, onyuŋ efre Abasi emi okobotde fi.