HOSEA 8:1 - Edisana ñwed Abasi Ibom

¹ SIN ukorowo ke inua fo. (Duɔ) ufɔk Jehovah nte ntrukpom: koro mmɔ ebiatde ediomi mi, enyuŋ eduede mbet mi.

HOSEA 8:1 ပူးပေါင်းရင်းမြစ်များ

2 NDIDEM 18:27

Ndien Rabshakeh ɔdɔhɔ mmɔ, ete, Nte ɔbɔŋ mi ɔmɔdɔŋ mi ete nditiŋ ikɔ emi nnɔ ɔbɔŋ fo ye afo? ŋkutiŋ nnɔ mme mmɔ emi etiede ke enyɔŋ ibibene, nte ke mmɔ editiene mbufo edia ifuɔ mmɔ, enyuŋ eŋwɔŋ ikim mmɔ?

ISAIAH 18:3

Mbufo kpukpru emi eduŋde ke ekondo, enyuŋ etiede ke isɔŋ, ke ini edimenerede banner ke enyɔŋ ikpɔ obot, mbufo ekut; ndien ke ini efuride ukorowo, mbufo ekop.

ISAIAH 24:5

Isɔŋ onyuŋ edehe ke idak mmɔ emi eduŋde ke esit: koro mmɔ eduede mbet, ebiatde ewuhɔ, enim nsinsi ediomi ke ikpikpu.

ISAIAH 58:1

SIORO uyo ke itɔŋ fiori, kumum idem, menere uyo fo nte ukorowo, nyuŋ tiŋ idiɔk ido ikɔt mi nɔ mmɔ, tiŋ mme oburobut ido ufɔk Jacob nɔ mmɔ.

JEREMIAH 31:32

idibietke ediomi oro ŋkodiomide ye mme ete mmɔ, ke usen oro ŋkomumde mmɔ ubɔk, nnyuŋ nsioŋo mmɔ ke isɔŋ Egypt; kpa ediomi mi oro mmɔ ekebiatde, ndien ami ŋkenyene mmɔ: Jehovah ɔdɔhɔ:

JEREMIAH 34:18

Ndien mmɔŋ nda mmɔ eke ebiatde ediomi mi, eke minimke ikɔ ediomi emi mmɔ ekediomide ke iso mi, enaŋ oro mmɔ ekesiakde ke mbak iba, ndien esaŋa ke ufɔk esie ebe, kpa mbɔŋ Judah,

JEREMIAH 4:13

Sese, enye eyedɔk nte mbubit enyɔŋ, mme chariot esie eyenyuŋ ebiet oyobio: horse esie esɔp ukot nte ntrukpom.

JEREMIAH 4:5

Mbufo etiŋ ke Judah, enyuŋ ebuk ke Jerusalem, enyuŋ edɔhɔ, enyuŋ efuri ukorowo ke isɔŋ; efiori ɔkpɔsɔŋ, enyuŋ edɔhɔ ete, Mbufo esop idem, ndien yak nnyin iduk ke mme obio ibibene.

JEREMIAH 48:40

Koro ntem ke Jehovah ɔdɔhɔ, ete, Sese, enye efefe nte ntrukpom, onyuŋ atat mba esie ofuk Moab.

JEREMIAH 49:22

Sese, enye eyedɔk, onyuŋ efe nte ntrukpom, onyuŋ atat mba esie ofuk Bozrah: ndien esit mbon uko Edom ke usen oro eyebiet esit aŋwan uman

JEREMIAH 51:27

Mbufo emenere banner ke isɔŋ, efuri ukorowo ke otu mme idut, etim mme idut ete eŋwana ye enye, ekot mme idut Ararat, ye Minni, ye Ashkenaz, ete edi ekɔŋ ye enye: enim etubom ekɔŋ ebaŋa enye; eda horse eke ebietde ŋkukuŋkpɔyɔripɔ ŋkɔi edɔk.

JEREMIAH 6:1

MBUFO nditɔ Benjamin ewɔŋɔ ke ufɔt Jerusalem efeŋe, enyuŋ efuri ukorowo ke Tekoa, enyuŋ emenere ŋkpɔ idiɔŋɔ ke enyɔŋ ke Beth-haccherem: koro idiɔk-ŋkpɔ ye akwa ŋwure etiede ke edem edere ese.

EZEKIEL 11:4

Tiŋ ndien prophecy dian mmɔ, tiŋ prophecy, O eyen owo.

EZEKIEL 16:59

Koro ntem ke Ɔbɔŋ Jehovah ɔdɔhɔ ete, Nyenam fi kpa nte afo akanamde, emi afo ekesede uŋwɔŋɔ ke ndek ke eribiat ediomi.

EZEKIEL 17:3

Ntem ke Ɔbɔŋ Jehovah ɔdɔhɔ ete, Akwa ntrukpom emi mba okponide, ntaŋ mba enyuŋ eniɔŋide, ntaŋ enyuŋ eyɔhɔde enye ke idem, emi ewerede nsio-nsio, aka Lebanon akada nsom cedar:

EZEKIEL 7:14

Mmɔ efuri ukorowo enyuŋ enam kpukpru ŋkpɔ ebeŋe; edi baba owo kiet ikaha ekɔŋ: koro ifuresit mi odorode ofuri otu mmɔ ke idem.

HOSEA 4:6

Unana ifiɔk (Abasi) omosobo ikɔt mi: koro afo ɔduɔkde ifiɔk, ami ŋko nyeduɔk fi, nte okudi oku ɔnɔ mi: koro afo onyuŋ efrede mbet Abasi fo, ami ŋko nyefre nditɔ fo.

HOSEA 5:8

Mbufo efuri obukpoŋ ke Gibeah, efuri ukorowo ke Ramah: esio mkpo ke Beth-aven. “(Se usua) ke edem fo, O Benjamin.”

HOSEA 6:7

Ndien mmɔ ebiet owo, ke ebiat ediomi: do ke mmɔ ekebiaŋa mi.

HOSEA 9:15

Ofuri idiɔk ido mmɔ edu do ke Gilgal: koro do ke ŋkasua mmɔ: nyebin mmɔ ke ufɔk mi mfep, mbaŋa mme idiɔk ŋkpɔ emi mmɔ ekenamde: ndimaŋa aba mmɔ: kpukpru mbɔŋ mmɔ esɔŋ ibuot.

JOEL 2:1

MBUFO efuri ukorowo ke Zion, enyuŋ eduat ke edisana obot mi: yak kpukpru mme andiduŋ isɔŋ enyek idem: koro usen Jehovah emedi, koro emekpere; usen ekim,

JOEL 2:15

Mbufo efuri ukorowo ke Zion, enim utre-udia, ekwɔrɔ usɔrɔ.

AMOS 3:6

Nte efuri ukorowo ke obio, ndien mbio-obio inyekke idem? Nte idiɔk-ŋkpɔ odudu ke obio, ke Jehovah minamke?

AMOS 8:3

Ɔbɔŋ Jehovah onyuŋ ɔdɔhɔ, ete, Ikwɔ ufɔk edidem eyedi eseme ke usen oro: mme okpo ewak! men mmɔ duɔk ke ebiet ekededi: dop uyo!

AMOS 9:1

ŊKOKUT Ɔbɔŋ adade ke edem itie-uwa: ndien enye ɔdɔhɔ mi, ete, Yibi mbuot adaha man mme asaŋ-udɔk enyek, nyuŋ nuak mmɔ duɔk kpukpru ke ibuot; ndien nyewot mme ekpere-edem mmɔ ke ofut: baba owo mmɔ kiet eke otibede itɔk idifeheke: baba owo mmɔ kiet eke eyomde ndibɔhɔ idinyuŋ ibɔhɔke.

HABAKKUK 1:8

Mme horse mmɔ esɔp ekan nawuri-ekpe: esɔp ekan wolf mbubreyo: mbon-horse mmɔ enyuŋ eyɔrɔ kpukpru ebiet, mbon-horse mmɔ enyuŋ eto ke anyan ebiet: mmɔ efeŋe nte ntrukpom ɔsɔpde aka ndita.

ZEPHANIAH 1:16

usen ukorowo ye mkpo ekɔŋ eke eŋwanade ye mme obio ye mme obio ibibene ye mme edikoŋ tower.

ZECHARIAH 11:1

O LEBANON, berere mme itim fo, man ikaŋ ata mme cedar fo.

ZECHARIAH 9:14

Ndien eyekut Jehovah ke enyɔŋ mmɔ, ndien idaŋ esie eyewɔrɔ nte obuma: ndien ɔbɔŋ Jehovah eyefuri ukorowo, onyuŋ asaŋa ke oyobio Teman.

MATTHEW 24:28

Ɔtɔ nte okpo odude, do ke mme utere edibono.

1 ŊWED CORINTH 15:52

ke idaha kiet, ke eriyip enyin kiet, ke adaŋemi edifride akpatre ukorowo. Koro eyefri ukorowo, ndien eyenam mme akpa-mkpa eset nte mmɔ midikemeke ndibiara aba, eyenyuŋ ekpuhɔre nnyin.

DEUTERONOMY 28:49

Jehovah eyeda idut ke anyan ebiet, ke utit ererimbot, etiene fi, kpa nte ntrukpom efede; idut eke afo mudukopke usem mmɔ;