HOSEA 7:5 - Edisana ñwed Abasi Ibom

⁵ Ke usen edidem nnyin mbɔŋ esin enye ɔdɔŋɔ ke ufiop wine: enye etiene mbon nsahi anyan ubɔk esie.

HOSEA 7:5 ပူးပေါင်းရင်းမြစ်များ

GENESIS 40:20

Edikem, ke ɔyɔhɔ usen ita, usen emana Pharaoh, ndien enye etem akwa udia ɔnɔ kpukpru ikɔt esie: onyuŋ emenere ibuot etubom mme andikama - wine, ye ibuot etubom mme andinam-uyo ke otu ikɔt esie.

1 NDIDEM 13:4

Edikem adaŋemi edidem okopde uyo owo Abasi oro okofioride okot itie-uwa ke Bethel, Jeroboam ada ke ŋkaŋ itie-uwa anyan ubɔk esie, ete, Mbufo emum enye. Ndien ubɔk esie emi enye anyande otuk enye eken, akpa, enye inyuŋ ikwe aba nte adade ubɔk adian ke idemesie.

ŊWED MME PSALM 1:1

ƆFƆFƆN ɔnɔ owo eke misaŋake ke item mme idiɔk owo, minyuŋ idaha ke usuŋ mme anam idiɔk minyuŋ itiehe ke itie mbon nsahi;

ŊWED MME PSALM 69:12

Mmɔ eke etiede ke inua-otop etiŋ ebaŋa mi; nnyuŋ ndi se mbon mmin ekwɔde.

MME ŊKE 13:20

Owo eke asaŋade ye mme enyene-ibuot eyenyene ibuot: edi nsaŋa mbon ndisime eyediɔŋ ɔdiɔk.

MME ŊKE 20:1

WINE edi asak nsahi, mmin edi ifiopesit: ndien kpukpru owo eke eduede ke esit enana ibuot.

ISAIAH 28:1

IFƆNKE fɔn inɔ edikoŋ anyanya mbon mmin Ephraim, ye ediyemere ikɔŋ ediye mbana esie emi odorode ke ibuot eti itihere isɔŋ mmɔ eke wine amiade.

ISAIAH 28:14

Ekop ndien uyo Jehovah, mbufo mbio nsahi, mbɔŋ mbio emi edude ke Jerusalem.

DANIEL 5:23

Edi afo ememenere idem fo ke enyɔŋ aŋwana ye Ɔbɔŋ heaven: mmɔ emenyuŋ eda mkpoduoho ufɔk esie edi ke iso fo, ndien afo ye ikpɔ owo fo ye iban fo ye iban-esa fo emeŋwɔŋ wine ke esit, afo omonyuŋ ɔkɔm mme abasi silver, ye eke gold, ye eke okpoho, ye eke ukwak, ye eke eto, ye eke itiat, emi mikwe ŋkpɔ, minyuŋ ikopke, minyuŋ ifiɔkke: ndien ama edi Abasi emi ibifik fo odude enye ke ubɔk, emi kpukpru usuŋ fo enyuŋ enyenede enye, afo ukponoke enye.

HOSEA 7:3

Mmɔ edat edidem esit ke idiɔk ido mmɔ, enyuŋ edat mbɔŋ esit ke nsu mmɔ.

MATTHEW 14:6

Edi ke adaŋemi osimde usen emana Herod, eyen Herodias aŋwan enek unek ke ufɔt mmɔ kpukpru, onyuŋ enem Herod esit:

MARK 6:21

Ekem ke ini usen eke ekemde ama edi, Herod anam akwa udia ke usen emana esie ɔnɔ mbɔŋ esie, ye mme etubom-ekɔŋ esie, ye ikpɔ owo Galilee;

ŊWED MBON EPHESUS 5:18

Ekunyuŋ ekpa mmin; oro ɔwɔrɔ otime -otime ido: edi eyɔhɔ ye spirit.