HOSEA 7:2 - Edisana ñwed Abasi Ibom

² Ndien mmɔ ikereke ke esit mmɔ ite ke ami nteti kpukpru mme idiɔk ido mmɔ: ke emi ido mmɔ emekan mmɔ ekuk; mmɔ ena mi ke iso.

HOSEA 7:2 ပူးပေါင်းရင်းမြစ်များ

ŊWED JOB 34:21

Koro enyin esie esede usuŋ owo, onyuŋ okutde kpukpru ikpat esie.

ŊWED MME PSALM 10:11

Enye ɔdɔhɔ ke esit esie, ete, Abasi emefre: omodip iso esie; idikwe ke nsinsi.

ŊWED MME PSALM 25:7

Kuti mme idiɔk ido uyen mi, ye mme ukwaŋ-ŋkpɔ mi: afo, O Jehovah, ti mi, nte ima fo asaŋade, baŋa mfɔn fo.

ŊWED MME PSALM 50:22

O mbufo emi efrede Abasi, etim ese emi, mbak ndiwai mbufo mbak-mbak, ndien owo eke anyaŋade iduhe.

ŊWED MME PSALM 9:16

enye ekpe ikpe; utom ubɔk idiɔk owo esike owo ke idem esie. Higgaion. Selah.

ŊWED MME PSALM 90:8

Afo omonim mme idiɔk ido nnyin ke iso fo; onim ndibe-ndibe ŋkpɔ nnyin ke uŋwana iso fo.

ISAIAH 1:3

Enaŋ ɔfiɔk andinyene enye, ass onyuŋ ɔfiɔk ebiet eke ete esie onimde udia ɔnɔ enye: Israel ifiɔkke, ikɔt mi ikereke.

ISAIAH 26:16

O Jehovah, mmɔ ebine fi ke ini ukut, esioro uyo mkpe-ubɔk: ufen fo odoro mmɔ.

ISAIAH 44:19

Ndien enye inyimeke ndikabare ŋkere ke esit esie, ifiɔk ye eti ibuot inyuŋ iduhe du, eke enye ɔkpɔdɔhɔde, ete, Mma mfɔp ubak ke ikaŋ; mma nsaŋ uyo ŋko ke ebok ikaŋ esie; mma mfɔp unam nnyuŋ nta: ndien nte ndida se isuhɔde nnam ŋkpɔ mbubiam? nte ndinuhɔ nnɔ ekpat eto?

ISAIAH 5:12

Harp, ye viol, ye ekɔmɔ, ye ifiom, ye wine, enyuŋ edu ke ikpɔ udia mmɔ: edi mmɔ itiŋke enyin ke utom Jehovah, inyuŋ isehe se ubɔk esie enamde.

JEREMIAH 14:10

Ntem ke Jehovah ɔdɔhɔ ye mbio emi, ete, Ntre ke mmɔ ema ndiyɔrɔ imumke ukot mmɔ ikama, ndien mmɔ inemke Jehovah esit; kemi ke enye editi mme idiɔk ido mmɔ, onyuŋ ɔnɔ mmɔ ufen abaŋa oburubut ido mmɔ.

JEREMIAH 16:17

Koro enyin mi esuk ese kpukpru usuŋ mmɔ: mmɔ idikemeke ndidibe iso mi, idiɔk ido mmɔ idinyuŋ ikemeke ndidibe enyin mi.

JEREMIAH 17:1

EMEDA ntaŋwed ukwak ye iso diamond ewet idiɔk ido Judah: ekap enye esin ke ɔwɔŋ esit mmɔ, ye ke nduk mme itie-uwa mbufo;

JEREMIAH 2:19

Idiɔk ido fo eyetunɔ fi, mfiak-edem fo eyenyuŋ ɔnɔ fi ufen: fiɔk ndien, nyuŋ se ete ke ɔmɔdiɔk, ke onyuŋ odoro, koro afo ɔkɔkpɔŋde Jehovah Abasi fo, koro ndik mi minyuŋ iduhe fi ke idem. Emi edi uyo Ɔbɔŋ Jehovah mme udim.

JEREMIAH 32:19

omokpon ke item, onyuŋ ɔsɔŋ ke utom, emi enyin fo etarade ese kpukpru usuŋ nditɔ owo, ndinɔ kpukpru owo nte ekemde ke usuŋ mmɔ ye utip utom mmɔ:

JEREMIAH 4:18

Usuŋ fo ye ido fo enam ŋkpɔ emi enɔ fi; emi oto ke idiɔk ido fo, koro enye ododoro, koro osimde fi ke esit.

JEREMIAH 44:21

Nte idige ufɔp ŋkpɔ oro mbufo ekefɔpde ke mme obio Judah ye ke mme efak Jerusalem, mbufo, ye mme ete mbufo, ye ndidem mbufo, ye mbɔŋ mbufo, ye mbio-obio, ke Jehovah eketi mmɔ, onyuŋ onim ke esit esie?

EZEKIEL 21:29

ke ini mmɔ ekutde nsu enɔ fi, ke ini mmɔ ebrede idiɔŋ abiaŋa enɔ fi, man enye (ofut) emen fi odori ke itɔŋ mme idiɔk owo emi ekpaŋade afai, emi usen mmɔ edide ke akpatre idiɔk ido.

HOSEA 12:2

Jehovah omonyuŋ enyene utɔk ye Judah eyenyuŋ ɔnɔ Jacob ufen nte ekemde ye usuŋ esie: eyenyuŋ ɔnɔ enye usiene nte asaŋade ye ido esie.

HOSEA 4:9

Ndien mbio-obio ye oku eyetie ubɔk ŋkpɔ kiet: ndien ami nyenɔ mmɔ ufen usuŋ mmɔ, nnyuŋ nnɔ mmɔ usiene ido mmɔ.

HOSEA 6:2

Ke usen iba ebede, enye eyenam nnyin iset: ke ɔyɔhɔ usen ita enye eyedemere nnyin, ndien nnyin iyedu uwem ke iso esie.

HOSEA 8:13

Mmɔ ewa unam ke uwa emi enɔde mi, enyuŋ eta enye; mmɔ inemke Jehovah esit; ke emi ke enye editi idiɔk ido mmɔ, edinyuŋ ɔnɔ mmɔ ufen mme ukwaŋ-ŋkpɔ mmɔ: mmɔ eyefiak ke Egypt.

HOSEA 9:15

Ofuri idiɔk ido mmɔ edu do ke Gilgal: koro do ke ŋkasua mmɔ: nyebin mmɔ ke ufɔk mi mfep, mbaŋa mme idiɔk ŋkpɔ emi mmɔ ekenamde: ndimaŋa aba mmɔ: kpukpru mbɔŋ mmɔ esɔŋ ibuot.

HOSEA 9:9

Mmɔ emebiara ekaha kpa nte ke ini Gibeah: Enye eyeti idiɔk ido mmɔ, eyenɔ mmɔ ufen mme ukwaŋ-ŋkpɔ mmɔ.

AMOS 8:7

Jehovah otomo iseri Jacob, ete, Ndifreke baba ŋkpɔ kiet eke mmɔ enamde tutu amama.

JONAH 1:2

Daha ke enyɔŋ ka ke Nineveh akwa obio oro, nyuŋ kwɔrɔ baŋa enye, koro idiɔk ido mmɔ ɔmɔdɔk edi ke iso mi.

NUMBERS 32:23

Edi edieke mbufo midinyimeke ndinam ntem, sese, mbufo enam idiɔk ye Jehovah: ndien mbufo etim efiɔk ete ke idiɔk ido mbufo eyesim mbufo.

LUKE 12:2

Edi ŋkpɔ iduhe eke efukde fuk, eke midiyarakere; ŋkpɔ inyuŋ iduhe eke edipde dip, eke owo midifiɔkke.

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

DEUTERONOMY 32:29

Ema ekpenyene ibuot, mmɔ ekpetim efiɔk emi, ekpekere utit mmɔ!

MME HEBREW 4:13

Baba ŋkpɔ kiet eke odibede Enye ke enyin inyuŋ iduhe; edi kpukpru ŋkpɔ ena iferi ye ata iŋwaŋ-iŋwaŋ ke enyin Abasi, emi nnyin isaŋade ŋkpɔ ye Enye.