HOSEA 7:16 - Edisana ñwed Abasi Ibom

¹⁶ Mmɔ ifiakke itiene Ata Edikoŋ: mmɔ ebiet emik-utiga: mbɔŋ mmɔ eyeduɔŋɔ ke ofut ebaŋa emiom edeme mmɔ: emi edidi se edidade esak mmɔ ke isɔŋ Egypt.

HOSEA 7:16 ပူးပေါင်းရင်းမြစ်များ

ŊWED MME PSALM 12:3

Jehovah eyekpok kpukpru mmɔ eke eyaŋde ke mkpɔk-inua, ye edeme eke ɔdɔhɔde ikpɔ ŋkpɔ.

ŊWED MME PSALM 12:4

Eke edɔhɔde ete, Nnyin iyenam uko ke edeme nnyin: mkpɔk-inua nnyin enyene idem nnyin: anie edi ɔbɔŋ nnyin?

ŊWED MME PSALM 12:5

Jehovah ɔdɔhɔ ete, Ke emi ke ndidaha ke enyɔŋ, mbaŋa ufik mbon ukut, mbaŋa mmum mme ubuene; nyeda enye nsin ke ifure emi enye oyomde eti-eti.

ŊWED MME PSALM 17:10

Ikpɔŋ mmɔ ɔfuhɔ mmɔ: mmɔ edɔhɔ iseri-iseri ke inua mmɔ.

ŊWED MME PSALM 52:2

Edeme fo aduak ibak, ebiet akaraŋ eke ebande efere, ke anam abiaŋa.

ŊWED MME PSALM 57:4

Ukpɔŋ mi odu ke otu mme lion: nyena ke otu mmɔ eke esakde nte ikaŋ, kpa nditɔ owo emi edet mmɔ edide eduat ye idaŋ, ndien edeme mmɔ edi edisɔp ofut.

ŊWED MME PSALM 73:9

Enim inua mmɔ ese enyɔŋ, edeme mmɔ onyuŋ asaŋa ke ererimbot.

ŊWED MME PSALM 78:37

Ndien esit mmɔ isɔŋɔke ida ye enye; mmɔ inyuŋ inamke akpanikɔ ke ediomi esie.

ŊWED MME PSALM 78:57

Enyuŋ efiak edem, enyuŋ enam abiaŋa nte mme ete mmɔ: mmɔ ekabare nte emik utiga.

ISAIAH 3:8

Koro Jerusalem ke ofofum, Judah onyuŋ ɔduɔ: koro edeme mmɔ ye ido mmɔ eduede Jehovah, enyuŋ eyatde enyin ubɔŋ esie.

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

JEREMIAH 3:10

Ndien idem ofuri ŋkpɔ emi isinke Judah ama-nsu eyen eka esie aŋwan afiak etiene mi ke ofuri esit esie, edi ke abiaŋa. Emi edi uyo Jehovah.

JEREMIAH 42:18

Koro ntem ke Jehovah mme udim Abasi Israel ɔdɔhɔ, ete, Kpa nte ŋkaŋwaŋade iyaresit mi ye ifuresit mi ke idem mme andiduŋ Jerusalem, kpa ntre ŋko ke ndiŋwaŋa mbufo iyaresit mi ke idem, ke mbufo ekade Egypt; ndien mbufo eyekabare edi ŋkpɔ isuŋi, ye nsobo, ye itɔk, ye esuene; idinyuŋ ikwe aba ebiet emi.

EZEKIEL 23:32

Ntem ke Ɔbɔŋ Jehovah ɔdɔhɔ, ete, Afo eyeŋwɔŋ cup eyen-uka aŋwan emi ɔtuŋɔde onyuŋ aŋwaŋade: afo eyekabare edi ŋkpɔ nsahi ye esuene; enye oduk ediwak.

EZEKIEL 36:20

Ndien adaŋemi mmɔ esimde mme idut emi mmɔ ekade do, mmɔ ebiat edisana enyiŋ mi, koro edɔhɔde ebaŋa mmɔ, ete, Mme mmɔ emi edi ikɔt Jehovah, enyuŋ eto ke isɔŋ esie edi.

DANIEL 7:25

Ndien enye eyetiŋ ikɔ abaŋa Ata Edikoŋ, onyuŋ osobo edisana ikɔt Ata Edikoŋ; onyuŋ ekere ndikpuhɔre ini ye mme ewuhɔ: ndien eyeda mmɔ esin enye ke ubɔk tutu ekem ke ini ye ini iba ye ubak ini.

HOSEA 11:5

Ndien enye idifiakke ke Egypt, edi Assyrian eyedi edidem esie, koro mmɔ minyimeke ndikabare.

HOSEA 11:7

Ndien ikɔt mi esuk ekɔbɔ ndifiak edem ŋkpɔŋ mi: ndien ekot mmɔ etiene Ata Edikoŋ, edi baba owo kiet itoroke enye.

HOSEA 6:4

Ndinam nso ye afo, O Ephraim? O Judah, ndinam nso ye afo? Ŋkɔm ima (Abasi) mbufo ebiet ntuhube usenubɔk, ye mbara emi abakde adaha.

HOSEA 7:13

Ɔdɔdiɔk ɔnɔ mmɔ, koro mmɔ efeŋede ekpɔŋ mi: nsobo ɔsɔp mmɔ, koro mmɔ enamde idiɔk ye ami: edi ami ŋkonyuŋ mfak mmɔ, ndien mmɔ esu nsu ebaŋa mi.

HOSEA 9:3

Mmɔ ididuŋke ke isɔŋ Jehovah; edi Ephraim eyefiak ke Egypt, enyuŋ eta mbubiam ŋkpɔ ke Assyria.

HOSEA 9:4

Mmɔ idiŋwaŋake wine inɔ Jehovah, mme uwa mmɔ idinyuŋ inemke enye esit: eyetie nte uyo mme atua-eyet ye mmɔ, kpukpru owo eke etade enye eyedehe: koro uyo mmɔ enyenede mmɔ ke idem mmɔ: enye ididukke ke ufɔk Jehovah.

HOSEA 9:6

Koro, sese, mmɔ eyedaŋa ebak nsobo: Egypt eyetaŋ mmɔ obon, Memphis eyebuk mmɔ ke isɔŋ: ama edi ŋkpɔ silver emi mmɔ emade, nettle eyeda mmɔ, ŋkukim eyedu ke mme tent mmɔ.

MALACHI 3:13

Jehovah ɔdɔhɔ ete, Mbufo emesɔŋɔ uyo ye ami. Ndien mbufo ke ebup, ete, nnyin idɔhɔ didie idian fi?

MALACHI 3:14

Mbufo ke edɔhɔ ete, Ndinam ŋkpɔ Abasi ɔwɔrɔ ikpikpu: nnyin inyuŋ ikut nso udori, koro inimde item esie, inyuŋ isaŋade mfuhɔ-mfuhɔ ke iso Jehovah mme udim?

MATTHEW 12:36

Mmonyuŋ ndɔhɔ mbufo nte, Ke usen ikpe mme owo eyenɔ mbuk ebaŋa kpukpru ikpikpu ikɔ eke mmɔ etiŋde.

LUKE 8:13

Mmɔ oro ke enyɔŋ itiat edi mmɔ emi ekopde ikɔ enyuŋ ebɔde ke idaresit; edi mmɔ inyeneke oruŋ, ntre ke mmɔ enim ke akpanikɔ ke ini esisit, enyuŋ efiak edem ke ini idomo.

JAMES 3:5

Kpa ntre ke edeme edi ekpri ndido, edi enye obure ata akamba mbure. Se nte ata ekpri ikaŋ obuberede ata akwa akai.

2 PETER 2:8

(koro ke adaŋemi edinen owo oro oduŋde ke otu mmɔ, se enye okutde onyuŋ okopde anam eti esit esie okut ndutuhɔ ke usen ke usen ye otime-otime erinam mmɔ):

ERIYARARE 13:5

Ndien enɔ enye inua eke etiŋde ikpɔ ŋkpɔ ye isuŋi, enyuŋ enɔ enye nsɔŋ-uyo ndinam ntre ɔfiɔŋ aba ye iba.