HOSEA 7:13 - Edisana ñwed Abasi Ibom

¹³ Ɔdɔdiɔk ɔnɔ mmɔ, koro mmɔ efeŋede ekpɔŋ mi: nsobo ɔsɔp mmɔ, koro mmɔ enamde idiɔk ye ami: edi ami ŋkonyuŋ mfak mmɔ, ndien mmɔ esu nsu ebaŋa mi.

HOSEA 7:13 ပူးပေါင်းရင်းမြစ်များ

NEHEMIAH 1:10

Ndien mme mmɔ emi edi ifin fo, emi afo akafakde ke akwa odudu fo, ye ke ɔkpɔsɔŋ ubɔk fo.

ŊWED JOB 22:17

Emi edɔhɔde Abasi, ete, Nyɔŋ kpɔŋ nnyin: ndien Abasi Ibom anam mmimɔ nso ŋkpɔ?

ŊWED MME PSALM 106:10

Ndien enye anyaŋa mmɔ osio andisua ke ubɔk, onyuŋ afak mmɔ osio ke ubɔk owo utɔk.

ISAIAH 30:1

JEHOVAH ɔdɔhɔ ete, Ifɔnke fɔn inɔ nditɔ nsɔŋ-ibuot, emi enamde uduak, edi itoho mi: enyuŋ ediomide ediomo, edi itoho spirit mi, man ekɔt idiɔk ido ke idiɔk ido.

ISAIAH 30:2

Mmɔ esuhɔre eka Egypt, edi ibupke uyo mi; ebine odudu Pharaoh, enyuŋ ebuɔt idem ke mfut Egypt.

ISAIAH 31:1

IFƆNKE fɔn inɔ mmɔ eke esuhɔrede ke Egypt eyom owo eke aŋwamde mmɔ; enyuŋ eberede idem ke horse, enyuŋ ebuɔtde idem mmɔ ke chariot, koro ewakde; ye ke mbio horse, koro mmɔ esɔŋɔde eti-eti; edi mmɔ isehe Edisana Abasi Israel, inyuŋ iyomke Jehovah!

ISAIAH 41:14

Kufehe, afo Jacob utuŋ, ye mbufo mbio Israel; Jehovah ɔdɔhɔ ete, Ami mmaŋwam fi; ndien andifak fi edi Edisana Abasi Israel.

ISAIAH 43:1

NDIEN ntem ke Jehovah, emi akanamde fi, Jacob, okonyuŋ obotde fi, Israel, ɔdɔhɔ ete, Kufehe; koro ami mfakde fi, ŋkosio fi enyiŋ; afo edi okimmɔ.

ISAIAH 59:13

Ke inam idiɔk, isu nsu, ibaŋa Jehovah, ikabare ikpɔŋ Abasi nnyin, idɔhɔ ufik ye nsɔŋ-ibuot, iyomo inyuŋ itiŋ ikɔ nsu ke esit.

ISAIAH 63:8

Ndien enye ɔdɔhɔ, ete, Mmɔ edi ikɔt mi ikpɔŋ, nditɔ eke midisuhu nsu: ndien enye akabare edi andinyaŋa mmɔ.

JEREMIAH 14:10

Ntem ke Jehovah ɔdɔhɔ ye mbio emi, ete, Ntre ke mmɔ ema ndiyɔrɔ imumke ukot mmɔ ikama, ndien mmɔ inemke Jehovah esit; kemi ke enye editi mme idiɔk ido mmɔ, onyuŋ ɔnɔ mmɔ ufen abaŋa oburubut ido mmɔ.

JEREMIAH 42:20

Koro mbufo ekeduede etuk ukpɔŋ mbufo: koro mbufo ekedɔŋde mi utom ke ɔtɔ Jehovah Abasi mbufo, ete, Kpe Jehovah Abasi nnyin ubɔk baŋa nnyin; nyuŋ sian nnyin kpukpru se Jehovah Abasi nnyin edidɔhɔde, ndien nnyin iyenam.

JEREMIAH 51:9

Nnyin ikeyom Babylon ndikɔk, edi enye inyimeke ndikubɔ: mbufo ekpɔŋ enye, yak nnyin inyuŋ ika kiet ye kiet ke idut nnyin: koro ikpe esie omosim enyɔŋ, omonyuŋ emenere tutu osim ikpa enyɔŋ.

JEREMIAH 7:15

Nyenyuŋ mmen mbufo ke iso mi nduɔk, kpasuk nte ŋkɔduɔkde kpukpru nditɔ-ete mbufo, kpa ofuri ubon Ephraim.

ŊWED ESEME 5:16

Anyanya omoto nnyin ke ibuot ɔduɔ ke isɔŋ: ɔdiɔk ɔnɔ nnyin, koro nnyin imanam idiɔk!

EZEKIEL 16:23

Edikem ke afo ama akanam ofuri idiɔk ido fo (Osuk ɔdɔdiɔk ɔnɔ fi, edi uyo Ɔbɔŋ Jehovah);

EZEKIEL 18:2

Mme ete emedia grape ikɔt, ndien edet nditɔ emedoro isuɔ?

EZEKIEL 18:25

Ndien mbufo ke edɔhɔ ete, “Usuŋ Ɔbɔŋ inenke.” O ufɔk Israel, mbufo ekop, mbɔk; nte usuŋ mi inenke? Nte idige usuŋ mbufo inenke?

EZEKIEL 34:6

Ufene mi ediyo ke kpukpru ikpɔ obot, ye ke kpukpru edikoŋ obot: ufene mi emenyuŋ esuana ke iso ofuri isɔŋ; ndien baba owo kiet ibineke, baba owo kiet inyuŋ iyomke.

HOSEA 11:12

Ephraim ada nsu akan mi okuk, ufɔk Israel onyuŋ ada abiaŋa akan mi okuk: Judah onyuŋ osuk asaŋa otime-otime ye Abasi, ye edisana mbon akpanikɔ ŋko.

HOSEA 11:2

Mmɔ ekot mmɔ, ntem ke mmɔ edaha ekpɔŋ mmɔ: mmɔ ewa uwa enɔ Baal, enyuŋ efɔp ŋkpɔ enɔ ndisɔi mbiet.

HOSEA 5:7

Mmɔ emenam abiaŋa ye Jehovah: koro ebonde isen nditɔ: ke emi ɔfiɔŋ kiet eyedia mmɔ ye mme udeme mmɔ.

HOSEA 7:1

KE adaŋemi ndade ikɔt mi emi mmɔ eketaŋde efep, nnyɔŋ ndi; ke ini nnamde idiɔk okure Israel, ndien eyeyarare idiɔk ido Ephraim ye mme ukwaŋ-ŋkpɔ Samaria: koro mmɔ enamde abiaŋa; inɔ onyuŋ oduk edi, udim owo ewo ke mme efak.

HOSEA 7:3

Mmɔ edat edidem esit ke idiɔk ido mmɔ, enyuŋ edat mbɔŋ esit ke nsu mmɔ.

HOSEA 9:12

Mmɔ ema ekpebɔk nditɔ mmɔ, ŋkpɔbɔ mmɔ nditɔ tutu baba owo kiet isuhɔke: koro osuk ɔdɔdiɔk ɔnɔ mmɔ ke ini ŋkabarede ŋkpɔŋ mmɔ.

HOSEA 9:17

Abasi mi eyeduɔk mmɔ: koro mmɔ mikopke uyo esie: ndien mmɔ eyedi mbon eke eyode ke otu mme idut.

JONAH 1:10

Ndien mbon oro efehe akwa ndik eti-eti, enyuŋ ebup enye, ete, Nso ke afo anam emi? Koro mmɔ ekefiɔkde ete ke enye eke-fehe ɔkpɔŋ iso Jehovah, koro enye akasiande mmɔ.

JONAH 1:3

Ndien Jonah adaha ke enyɔŋ, ete ifehe ika Tarshish, ikpɔŋ iso Jehovah, ndien enye ɔsuhɔre aka Joppa, okokut ubom mbakara kiet emi oyomde ndika Tarshish; ndien enye ɔnɔ utip ubom, onyuŋ ediere ke esit, ete itiene mmɔ ika Tarshish, ikpɔŋ iso Jehovah.

MICAH 6:12

Koro afai ɔyɔhɔde mbɔŋ esie ke idem, mme andiduŋ enye enyuŋ esu nsu; edeme mmɔ onyuŋ abiaŋa ke inua mmɔ.

MICAH 6:4

Ŋkɔm ŋkada mbufo ke isɔŋ Egypt ndɔk, nnyuŋ mfak mbufo nsio ke ufɔk ufin; nnyuŋ ndɔŋ Moses ye Aaron ye Miriam, nte ebem mbufo iso.

MATTHEW 23:37

O Jerusalem, Jerusalem, emi owotde mme prophet, onyuŋ ɔtɔŋɔde mmɔ eke edɔŋde etiene fi ke itiat. Adaŋa ediwak ini didie ke ŋkoyom ndibon nditɔ fo ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke.

DEUTERONOMY 15:15

Nyuŋ ti nte afo ekedide ofin ke isɔŋ Egypt, nte Jehovah Abasi fo okonyuŋ afakde fi; mmɔdo ami ntemede fi ŋkpɔ emi mfin emi.

1 JOHN 1:10

Edieke nnyin idɔhɔde ite akanam nnyin inamke idiɔk-ŋkpɔ, imakabare Enye inim ke osu-nsu, ikɔ Esie inyuŋ iduhe nnyin ke esit.

ERIYARARE 8:13

Ndien ŋkut, nnyuŋ ŋkop nte ntrukpom, eke efede ke ufɔt-iba enyɔŋ ɔdɔhɔ ke ɔkpɔsɔŋ uyo ete, Mbɔm, mbɔm, mbɔm ɔnɔ mme andiduŋ ke isɔŋ, ke ntak mme uyo ukorowo efen eke mme angel ita eken edifride.