HOSEA 7:11 - Edisana ñwed Abasi Ibom

¹¹ Ndien Ephraim akabare ebiet ɔkɔi ibiom eke ananade ibuot: mmɔ efiori ekot Egypt, enyuŋ eka Assyria.

HOSEA 7:11 ပူးပေါင်းရင်းမြစ်များ

2 NDIDEM 15:19

Ekem Pul edidem Assyria edi ndiŋwana ekɔŋ ye idut oro: ndien Menahem ɔnɔ Pul tɔsin talent silver, man enye esin ubɔk anam ubɔŋ ɔsɔŋ ada enye ke ubɔk.

2 NDIDEM 16:7

Ekem Ahaz ɔdɔŋ mme isuŋ-utom etiene Tiglath-pileser edidem Assyria, ete, Ami ndi owo fo, ye eyen fo: dɔk di nyaŋa mi sio ke ubɔk edidem Syria, ye ke ubɔk edidem Israel, emi enamde ikɔ ye ami.

MME ŊKE 15:32

Owo eke esinde item ese uwem esiemɔ ke ndek: edi owo eke okopde ke esuade enɔ enye, enyene eti ibuot.

MME ŊKE 17:16

Anam didie, ndien, ekɔm-urua odu ke ubɔk ndisime owo, eke enye edikutde ifiɔk,

MME ŊKE 6:32

Esin efibe ye ŋwan anana ibuot: owo eke anamde ntre eyesobo ukpɔŋ esiemɔ.

JEREMIAH 2:18

Afo asaŋa nso ndien, ke usuŋ Egypt ɔkɔŋwɔŋ mmɔŋ Shihor? Onyuŋ asaŋa nso ke usuŋ Assyria, ɔkɔŋwɔŋ mmɔŋ Akpa?

JEREMIAH 2:36

Nsinam afo oyoŋde ntem eti-eti, onyuŋ ɔkpuhɔrede usuŋ fo? Afo eyeda but abaŋa Egypt, kpa nte akadade abaŋa Assyria.

HOSEA 11:11

mmɔ eyeto ke isɔŋ Egypt esɔp itɔk nte ntarusuŋ, eyenyuŋ eto ke isɔŋ Assyria nte ibiom; ndien ami nyeyak mmɔ eduŋ ke mme ufɔk mmɔ. Uyo Jehovah edi emi.

HOSEA 12:1

EPHRAIM adia ofum, onyuŋ ebine ofum ikɔrabak: enye awak nsu ye ŋkanubɔk ofuri usen; mmɔ enyuŋ ediomi ediomi ye Assyria; owo enyuŋ eda aran esɔk ke Egypt.

HOSEA 12:2

Jehovah omonyuŋ enyene utɔk ye Judah eyenyuŋ ɔnɔ Jacob ufen nte ekemde ye usuŋ esie: eyenyuŋ ɔnɔ enye usiene nte asaŋade ye ido esie.

HOSEA 14:3

Asshur idinyaŋake nnyin: nnyin ididoroke ke horse: idinyuŋ idɔhɔke aba ye se ubɔk nnyin ekenamde, ite, Abasi nnyin: koro afo atuade eyen eke ananade ete mbɔm.

HOSEA 4:11

Use ye wine ye obufa wine eda (mmɔ) esit.

HOSEA 4:6

Unana ifiɔk (Abasi) omosobo ikɔt mi: koro afo ɔduɔkde ifiɔk, ami ŋko nyeduɔk fi, nte okudi oku ɔnɔ mi: koro afo onyuŋ efrede mbet Abasi fo, ami ŋko nyefre nditɔ fo.

HOSEA 5:13

Ndien Ephraim okut udɔŋɔ esie, Judah onyuŋ okut unan esie, ndien Ephraim aka ke Assyria, onyuŋ ɔdɔŋ owo utom ke ɔtɔ edidem Jareh (usua); edi enye ikekwe nte anamde udɔŋɔ okure mbufo, inyuŋ ikɔkke mbufo unan.

HOSEA 5:4

Mmɔ inimke ido mmɔ man efiak etiene Abasi mmɔ: koro spirit use odude mmɔ ke idem, ndien mmɔ ifiɔkke Jehovah.

HOSEA 8:13

Mmɔ ewa unam ke uwa emi enɔde mi, enyuŋ eta enye; mmɔ inemke Jehovah esit; ke emi ke enye editi idiɔk ido mmɔ, edinyuŋ ɔnɔ mmɔ ufen mme ukwaŋ-ŋkpɔ mmɔ: mmɔ eyefiak ke Egypt.

HOSEA 9:3

Mmɔ ididuŋke ke isɔŋ Jehovah; edi Ephraim eyefiak ke Egypt, enyuŋ eta mbubiam ŋkpɔ ke Assyria.

HOSEA 9:6

Koro, sese, mmɔ eyedaŋa ebak nsobo: Egypt eyetaŋ mmɔ obon, Memphis eyebuk mmɔ ke isɔŋ: ama edi ŋkpɔ silver emi mmɔ emade, nettle eyeda mmɔ, ŋkukim eyedu ke mme tent mmɔ.

OBADIAH 1:7

Kpukpru mmɔ emi ediomide ediomi ye afo esin fi ke adaŋa: mmɔ emi etiede ufan-ufan ye afo ebiaŋa fi enyuŋ ekan fi: mmɔ emi etade uyo fo ekɔk afia esin ke idak ukot fo: eti ibuot iduhe enye ke idem.

MATTHEW 10:16

Sese, mmosio mbufo ndɔŋ nte mme erɔŋ ke ufɔt mme ekpe ikɔt; mmɔdo mbufo enyene ibuot nte urukikɔt, enyuŋ efure nte ibiom.