HOSEA 6:8 - Edisana ñwed Abasi Ibom

⁸ Gilead edi obio mme anam oburobut, awak nde-iyip.

HOSEA 6:8 ပူးပေါင်းရင်းမြစ်များ

2 SAMUEL 20:8

Adaŋemi mmɔ esimde akamba itiat emi odude ke Gibeon, Amasa ɔbiɔŋɔre ke iso mmɔ. Ndien Joab ɔbɔbɔ ɔfɔŋ-idem emi enye esinede, ubɔp-ofut emi enye etebede ke isin esie ke efɔk esie onyuŋ ɔbɔbɔ ke enyɔŋ: ndien efɔk ɔkpɔhɔre, ofut onyuŋ ɔduɔ.

2 SAMUEL 3:27

Ekem ke ini Abner afiakde okosim Hebron, Joab ada enye ɔkpɔnɔre ada ke inua-otop, ete idɔhɔ ikɔ suŋ-suŋ ye enye; ndien okim enye do ke idibi owot, abaŋa iyip Asahel eyen-eka esie.

1 NDIDEM 2:5

Afo omonyuŋ ɔfiɔk ŋko se Joab eyen Zeruiah akanamde mi, se enye akanamde mme etubom mbon ekɔŋ Israel mbiba, Abner eyen Ner, ye Amasa eyen Jether, emi enye okowotde, okonyuŋ ɔduɔkde iyip ekɔŋ ke ini emem, onyuŋ ada iyip ekɔŋ eyet mbɔbɔ emi odude enye ke isin, ye ke ikpa ukot emi esinede enye ke ukot.

ŊWED MME PSALM 10:8

Enye etie ke ebiet udibe mme obio iŋwaŋ; ke ndibe ke enye owot owo eke miduehe; enyin esie odibe ebet mbon-ukut.

ŊWED MME PSALM 141:4

Kuyak esit mi akabare ebine idiɔk ikɔ; kuyak etiene mme anam-oburɔbut anam idiɔk; kunyuŋ uyak mi ndia edinem udia mmɔ.

ŊWED MME PSALM 59:2

Sio mi mme anam-idiɔk ke ubɔk, nyuŋ nyaŋa mi sio ke ubɔk mbon afai.

ISAIAH 59:6

Mkpaŋ mmɔ idikabakede idi ɔfɔŋ-idem, ndien mmɔ ididaha se mmɔ enamde ifuk idem: se mmɔ enamde mmɔ enam ke ibak, utom afai onyuŋ odu mmɔ ke ubɔk.

JEREMIAH 11:19

Ndien ami mbiet suŋ-suŋ eyen erɔŋ eke edade ekewot. Ndien ami mfiɔkke nte ekeduakde uduak ebaŋa mi, ete, Eyak nnyin isobo eto ye mfri esie, inyuŋ isibe enye ifep ke isɔŋ mme andidu uwem: ndien mmɔ iditihi aba enyiŋ esie.

HOSEA 12:11

Ŋkɔm Gilead anam oburobut: mmɔ edi ata mbon nsu: mmɔ ewa enaŋ ke Gilgal; mme itie-uwa mmɔ enyuŋ ebiet ibombom ke iŋwaŋ eke efuŋde.

HOSEA 12:12

Jacob okonyuŋ efehe aka isɔŋ Syria, Israel onyuŋ anam utom ɔbɔ aŋwan, onyuŋ ekpeme ufene ɔbɔ aŋwan.

HOSEA 4:2

Isuŋi ye nsu ye afai ye inɔ ye efibe ebumere, iyip onyuŋ ɔkɔrɔ ke iyip.

HOSEA 5:1

MBUFO mme oku ekop ikɔ emi; ufɔk Israel, mbufo enyuŋ etiŋ enyin: ufɔk edidem, mbufo enyuŋ ekpaŋ utɔŋ: koro ikpe otipde mbufo, koro mbufo ekedide afia ke Mizpah, ye iyire emi ekɔbide ke Tabor.

MICAH 7:2

Owo eke amade Abasi atak ke isɔŋ: baba owo kiet eke enende ke otu owo iduhe: kpukpru mmɔ edibe eyom iyip, kiet ada iyire ebine eken.

UTOM MME APOSTLE 25:3

mmɔ enyuŋ ekpe ye enye ete ada mme imɔ, ɔdɔŋ ekeda enye oro edi ke Jerusalem; edi mmɔ eduak nditie ke usuŋ mbet, ete iwot enye.

JOSHUA 21:38

Ye Ramoth ke Gilead ye mben-isɔŋ esie ke esien Gad, ke eke obio-ubɔhɔ owot-owo, ye Mahanaim ye mben-isɔŋ esie,