HOSEA 6:7 - Edisana ñwed Abasi Ibom

⁷ Ndien mmɔ ebiet owo, ke ebiat ediomi: do ke mmɔ ekebiaŋa mi.

HOSEA 6:7 ပူးပေါင်းရင်းမြစ်များ

GENESIS 3:11

Ndien Enye ete, Anie akasian fi ete ke afo edi iferi? Nte afo ama adia eto emi ŋkowukde fi nte, Kudia ke esit?

GENESIS 3:6

Ekem ŋwan okut nte eto oro ɔfɔnde ke udia, nte onyuŋ eyede ke enyin, nte eto onyuŋ enemde ndise, ndien enye ada mfri esie adia; onyuŋ ɔnɔ ebe esie ŋko, ndien enye adia.

2 NDIDEM 17:15

Ndien mmɔ esin item esie, ye ediomi esie emi enye akanamde ye mme ete mmɔ, ye ikɔ ntiense esie emi enye eketiŋde ke otu mmɔ; ndien mmɔ etiene ikpikpu ŋkpɔ, enyuŋ enam oburobut ido, enyuŋ etiene mme idut eke ekande mmɔ ekuk, emi Jehovah eketemede mmɔ, ete ekunam nte mmɔ enamde.

ŊWED JOB 31:33

Edieke ŋkofukde idiɔk ido mi nte Adam, nnyuŋ ndipde oburobut ido mi ke ikpanesit mi,

ISAIAH 24:16

Nnyin itie ke utit ererimbot ikop ikwɔ, ete “Nɔ eti owo ubɔŋ.” Edi ami ndɔhɔ nte, Ɔdiɔk mi, ɔdiɔk mi, ifɔnke fɔn inɔ mi! mbon ŋwo ke ewoŋwo: mbon ŋwo ke ewo ŋwo.

ISAIAH 24:5

Isɔŋ onyuŋ edehe ke idak mmɔ emi eduŋde ke esit: koro mmɔ eduede mbet, ebiatde ewuhɔ, enim nsinsi ediomi ke ikpikpu.

ISAIAH 48:8

Afo ukokopke ŋko; unyuŋ ufiɔkke ŋko; utɔŋ fo ikonyuŋ itarake tutu ko: koro ŋkɔfiɔkde nte ke afo eyebiaŋa eti-eti; afo onyuŋ ekere anam-idiɔk toto nte akamamana.

JEREMIAH 3:7

Ndien adaŋemi enye ama akanam kpukpru ŋkpɔ emi, ndɔhɔ, nte, Fiak tiene mi; edi enye ifiakke.

JEREMIAH 31:32

idibietke ediomi oro ŋkodiomide ye mme ete mmɔ, ke usen oro ŋkomumde mmɔ ubɔk, nnyuŋ nsioŋo mmɔ ke isɔŋ Egypt; kpa ediomi mi oro mmɔ ekebiatde, ndien ami ŋkenyene mmɔ: Jehovah ɔdɔhɔ:

JEREMIAH 34:18

Ndien mmɔŋ nda mmɔ eke ebiatde ediomi mi, eke minimke ikɔ ediomi emi mmɔ ekediomide ke iso mi, enaŋ oro mmɔ ekesiakde ke mbak iba, ndien esaŋa ke ufɔk esie ebe, kpa mbɔŋ Judah,

JEREMIAH 5:11

Koro ufɔk Israel ye ufɔk Judah emenam abiaŋa ye ami eti-eti: uyo Jehovah edi emi.

JEREMIAH 9:6

Jehovah ɔdɔhɔ ete, Iduŋ fo odu ke ufɔt nsu; nsu esin mmɔ minyimeke ndifiɔk mi.

HOSEA 5:7

Mmɔ emenam abiaŋa ye Jehovah: koro ebonde isen nditɔ: ke emi ɔfiɔŋ kiet eyedia mmɔ ye mme udeme mmɔ.

HOSEA 8:1

SIN ukorowo ke inua fo. (Duɔ) ufɔk Jehovah nte ntrukpom: koro mmɔ ebiatde ediomi mi, enyuŋ eduede mbet mi.

ŊWED MBON ROME 5:14

Edi mkpa ɔtɔŋɔ ke Adam ada ubɔŋ tutu osim Moses, akara kpa mmɔ emi mikanamke idiɔk-ŋkpɔ eke ebietde idiɔk-ŋkpɔ Adam; emi edide mbiet Owo oro enyenede ndidi.

DEUTERONOMY 31:20

Koro adaŋemi ndidade mmɔ nduk ke isɔŋ emi ŋkɔŋwɔŋɔde nnɔ mme ete mmɔ, emi ɔfiɔrɔde mmɔŋ-eba ye aran-ɔkwɔk; ndien mmɔ eyedia eyuhɔ, enyuŋ ekpon, ndien mmɔ eyekabare etiene abasi efen, ekenam ido mmɔ, enyuŋ esin mi ke ndek, enyuŋ ebiat ediomi mi.

MME HEBREW 8:9

Idibietke ediomi oro ŋkodiomide ye mme ete mmɔ Ke usen oro ŋkomumde mmɔ ke ubɔk nda mmɔ ŋwɔrɔ ke isɔŋ Egypt; Koro mmɔ inyimeke ndisɔŋɔ nda ke ediomi Mi, Ndien Ami nsana mmɔ nyak; edi Jehovah ɔdɔhɔ.