HOSEA 6:1 - Edisana ñwed Abasi Ibom

¹ MBUFO edi, nnyin inyɔŋ itiene Jehovah: koro edi enye akawai, ndien enye eyekɔk nnyin: edi enye okoyibi, ndien enye eyebɔp nnyin.

HOSEA 6:1 ပူးပေါင်းရင်းမြစ်များ

2 CHRONICLES 30:6

Ndien mbon-itɔk ebɔ edidem ye ikpɔ owo esie ŋwed, esaŋa ke ofuri Israel ye Judah, ndien mmɔ edɔhɔ kpa nte edidem eketemede, ete, Mbufo nditɔ Israel, efiak edem etiene Jehovah Abasi Abraham, ye Isaac, ye Israel, ndien enye eyefiak etiene mbufo emi esuhɔde, emi ebɔhɔde ndidem Assyria ke ubɔk.

ŊWED JOB 16:9

Iyaresit esie awai mi onyuŋ ɔkɔbɔ mi, enye ata edet esie ese mi; usua mi ɔsɔp enyin esie ese mi.

ŊWED JOB 22:23

Afo ama afiak etiene Abasi Ibom, eyediɔŋ ebɔp fi, ama anam idiɔk ido ɔkpɔŋ tent fo anyan usuŋ.

ŊWED JOB 34:29

Ke ini enye ɔnɔde owo ifure, anie ekeme ndinam ikpe otip owo? Ndien adaŋemi enye ofukde iso, anie ekeme ndise enye? Anam ubɔk kiet ye ofuri idut ye owo kiet:

ŊWED JOB 5:18

Koro Enye ɔnɔde unan ndien ɔbɔp: anuak, ndien ubɔk esie anam unan akpa.

ŊWED MME PSALM 30:7

Jehovah, afo akanam akamba obot mi ɔsɔŋɔ ke ufɔn fo; afo okodip iso fo, ndien idem akpa mi.

ŊWED MME PSALM 6:2

O Jehovah tua mi mbɔm, koro idem ememde mi: O Jehovah, nam mi ŋkop idem, koro mme ɔkpɔ mi ewɔkde.

ŊWED MME PSALM 71:20

Afo emi anamde nnyin ikut ikpɔ ye mme idiɔk ukut, eyenam nnyin itɔŋɔ ntak idu uwem, onyuŋ anam nnyin itɔŋɔ ntak ito ke edituŋɔ ebiet isɔŋ idɔk.

ECCLESIASTES 3:3

ini eke ewotde, ye ini eke ekɔkde (unan); ini eke ewuride, ye ini eke ediɔŋde;

ISAIAH 17:7

Ke usen oro owo eyetiŋ enyin ke andinam enye, enyin esie eyenyuŋ ese Edisana Abasi Israel.

ISAIAH 2:3

Ndien ediwak obio eyeka ekedɔhɔ, ete, Mbufo edi, nnyin idɔk ke obot Jehovah, ke ufɔk Abasi Jacob; ndien enye eyekpep nnyin ido esiemɔ, nnyin iyenyuŋ isaŋa ke usuŋ esie: koro mme ewuhɔ eyeto ke Zion, uyo Jehovah eyenyuŋ oto ke Jerusalem.

ISAIAH 30:22

Ndien mbufo eyebat se edade efuk mbiet a silver fo, ye edisine-ŋkpɔ mbiet o-gold fo ke mbubiam: afo eyemen mmɔ ɔduɔk nte ŋkpɔ ndek; eyedɔhɔ enye, ete, Wɔrɔ.

ISAIAH 30:26

Ndien uŋwana ɔfiɔŋ eyebiet uŋwana utin, uŋwana utin eyenyuŋ aka iso utim ikatiaba, ebiet uwemeyo itiaba, ke usen eke Jehovah edibɔpde unan ikɔt esiemɔ, edinyuŋ ɔkɔkde ufen eke emiade mmɔ.

ISAIAH 55:7

yak idiɔk owo ɔkpɔŋ usuŋ esie, yak oburobut owo ɔkpɔŋ ekikere esie: onyuŋ afiak etiene Jehovah: ndien enye eyetua enye mbɔm; etiene Abasi nnyin, koro Enye eyewak ndidahado.

JEREMIAH 3:22

Mbufo nditɔ mfiakedem efiak edi, ndien ami nyekɔk mfiakedem mbufo. “Sese, nnyin itiene fi, koro afo edide Jehovah Abasi nnyin.

JEREMIAH 30:12

Koro ntem ke Jehovah ɔdɔhɔ, ete, Inyeneke nte ekɔkde unan fo, ufen fo ɔmɔdiɔk akan.

JEREMIAH 30:17

Koro nyenɔ fi ŋkopidem nyenyuŋ ŋkɔk fi unan, Jehovah ɔdɔhɔ: koro ekotde fi, ete, Eyen mbin-mfep, ete, Enye edi Zion, baba owo kiet isaŋake iyom enye.

JEREMIAH 33:5

mmɔ edi ndiyi ekɔŋ ye mme Chaldean, ndinyuŋ nda mme okpo owo oro ŋwotde ke iyaresit mi ye ke ifuresit mi nyɔhɔ ke esit, ami nnyuŋ ndip obio emi iso mi mbaŋa ofuri idiɔk ido mmɔ.

JEREMIAH 33:6

Sese, ami nyeda ibɔk ukure unan ndian enye, nyenyuŋ ŋkɔk mmɔ, nnyuŋ nyarare uwak emem ye akpanikɔ nnɔ mmɔ.

JEREMIAH 50:4

Jehovah ɔdɔhɔ, ete, Ke mme usen oro ye ke ini oro, nditɔ Israel eyedi, mmɔ ye nditɔ Judah ɔtɔ kiet, eyesaŋa edi etua eyet, eyenyuŋ eyom Jehovah Abasi mmɔ.

JEREMIAH 50:5

Mmɔ eyebup ebaŋa Zion, ekabare iso esin ke usuŋ eke akade do, ete, Mbufo edi ndien nnyin iyedian idem ye Jehovah, ke nsinsi ediomi eke midifreke.

ŊWED ESEME 3:11

Enye akabare usuŋ mi onyuŋ awai mi mbak-mbak; anam mi ntie ke ndobo.

HOSEA 11:10

Mmɔ eyesaŋa etiene Jehovah: enye eyekuni nte lion: koro enye edikunide, ndien nditɔ eyeto ke edem usop-utin esɔp edi;

HOSEA 12:6

Afo ndien fiak tiene Abasi fo: nim ima ye ikpe, nyuŋ dori enyin ye Abasi fo kpukpru ini.

HOSEA 14:1

O ISRAEL, fiak tiene Jehovah Abasi fo: koro afo ɔmɔduɔ ke idiɔk ido fo.

HOSEA 14:4

Nyenam mfiak-edem mmɔ okure; nyeda ima-esit mma mmɔ; koro iyaresit mi amakabare ɔkpɔŋ mmɔ.

HOSEA 3:5

Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.

LEVITICUS 14:48

Ekem oku ama oduk edise, ndien, sese, edieke udɔŋɔ oro mitarake ke ufɔk, ke ema eketop ufɔk ema: ndien yak oku onim ufɔk oro ke edisana: koro udɔŋɔ omokure:

ZEPHANIAH 2:1

MBUFO esop idem mbufo, enyuŋ ebono, O idut eke mikemeke ndikut but;

DEUTERONOMY 32:39

Mbufo ese, ndien, ete ke ami, ami, ndi enye, abasi inyuŋ iduhe idian ye ami: ami ŋwot, nnyuŋ nnim owo uwem; ami nnɔ unan, nnyuŋ nsiri: baba owo kiet eke osiode ke ubɔk mi, inyuŋ iduhe.

1 SAMUEL 2:6

Jehovah owot, onyuŋ onim ke uwem: enye anam ɔsuhɔre ke udi, onyuŋ anam eset.

1 SAMUEL 7:3

Ndien Samuel ɔdɔhɔ ofuri ufɔk Israel, ete, Edieke mbufo ekabarede etiene Jehovah ke ofuri esit mbufo, esioŋe ndien isen abasi mme Ashtaroth ke otu mbufo efep, enyuŋ ewuk esit mbufo etiene Jehovah, enyuŋ enam ŋkpɔ enɔ enye ikpɔŋ-ikpɔŋ: ndien enye eyenyaŋa mbufo osio mme Philistine ke ubɔk.