HOSEA 5:2 - Edisana ñwed Abasi Ibom

² Mbon mkpɔŋ-usuŋ ewot owo ekaha, ndien ami nyedi ufen mmɔ kpukpru.

HOSEA 5:2 ပူးပေါင်းရင်းမြစ်များ

ISAIAH 1:5

Edinam didie esuk emia mbufo? Mbufo edediɔŋ ekabare ekpɔŋ mi: ofuri ibuot ke ɔdɔŋɔ, ofuri esit ke onyuŋ akpa.

ISAIAH 29:15

Ɔdɔdiɔk ɔnɔ mmɔ eke ekpɔŋde Jehovah eduk ke ntuŋɔ, ete idip uduak mmimɔ, eke enyuŋ enamde ŋkpɔ mmɔ ke ekim, ndien mmɔ edɔhɔ, ete, Anie owo okut nnyin? anie owo onyuŋ ɔfiɔk nnyin?

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

JEREMIAH 5:3

O Jehovah, nte enyin fo isehe akpanikɔ? Afo ɔkɔtɔ mmɔ, edi mmɔ ikopke ubiak; afo okosobo mmɔ, mmɔ inyimeke ndikop item: esɔŋɔ iso mmɔ ekan itiat; inyimeke ndifiak ndi.

JEREMIAH 6:28

Kpukpru mmɔ edi ata mbon nsɔŋ-ibuot, mme asaŋa mbia; edi okpoho ye ukwak; kpukpru mmɔ edi owo eke ebiatde.

HOSEA 4:2

Isuŋi ye nsu ye afai ye inɔ ye efibe ebumere, iyip onyuŋ ɔkɔrɔ ke iyip.

HOSEA 6:5

Oro esin ŋkada prophet ŋkpeŋe mmɔ, nnyuŋ ŋwot mmɔ ke ikɔ inua mi: ndien ikpe fo ɔwɔrɔ nte uŋwana.

HOSEA 6:9

Mme oku ŋko ebiet udim owo eke edibede ebet owo; mmɔ ewot owo ke usuŋ Shechem; ŋkɔm mmɔ enam ata oburobut ido.

HOSEA 9:15

Ofuri idiɔk ido mmɔ edu do ke Gilgal: koro do ke ŋkasua mmɔ: nyebin mmɔ ke ufɔk mi mfep, mbaŋa mme idiɔk ŋkpɔ emi mmɔ ekenamde: ndimaŋa aba mmɔ: kpukpru mbɔŋ mmɔ esɔŋ ibuot.

ERIYARARE 3:19

Ami nsasua nnɔ kpukpru mmɔ emi mmade, nnyuŋ ntunɔ mmɔ; nyene ifiopesit ndien, nyuŋ kabare esit.