HOSEA 5:1 - Edisana ñwed Abasi Ibom

¹ MBUFO mme oku ekop ikɔ emi; ufɔk Israel, mbufo enyuŋ etiŋ enyin: ufɔk edidem, mbufo enyuŋ ekpaŋ utɔŋ: koro ikpe otipde mbufo, koro mbufo ekedide afia ke Mizpah, ye iyire emi ekɔbide ke Tabor.

HOSEA 5:1 ပူးပေါင်းရင်းမြစ်များ

JEREMIAH 11:7

Koro mma ntim ŋwuk mme ete mbufo ke usen oro ŋkadade mmɔ ke isɔŋ Egypt ndɔk, tutu osim mfin emi, mbabak ŋwuk, nte,

JEREMIAH 13:18

Dɔhɔ edidem ye ɔbɔŋ-aŋwan, ete, Mbufo esuhɔre etie; koro anyanya ubɔŋ mbufo otode mbufo ke ibuot ɔduɔ ke isɔŋ.

JEREMIAH 46:18

Edidem emi enyiŋ esie edide Jehovah mme udim ɔdɔhɔ, ete, Ma uwem mi, nte Tabor ke otu ikpɔ obot, ye nte Carmel ke mben inyaŋ, enye eyedi.

HOSEA 10:15

Ntem ke Beth-el edinam mbufo, oto ke ata akwa idiɔk ido mbufo: eyo esiere, eyesibe edidem Israel efep.

HOSEA 13:8

Ami nsim mmɔ nte bear eke ebɔde enye nditɔ, nnyuŋ nwai se ifuhɔde mmɔ ke oti; nnyuŋ nta mmɔ do nte uman lion: unam ikɔt asiak mmɔ mbak-mbak.

HOSEA 4:1

MBUFO nditɔ Israel ekop uyo Jehovah: koro Jehovah ɔtɔhɔde utɔk ye mme andiduŋ isɔŋ, koro baba akpanikɔ ye ima ye ifiɔk Abasi miduhe ke isɔŋ.

HOSEA 6:9

Mme oku ŋko ebiet udim owo eke edibede ebet owo; mmɔ ewot owo ke usuŋ Shechem; ŋkɔm mmɔ enam ata oburobut ido.

HOSEA 9:8

Ephraim odori enyin ye Abasi mi: prophet edi afia ata-ikɔt ke kpukpru usuŋ esie, ye usua ke ufɔk Abasi esie.

JOEL 1:2

Mbufo mbiowo ekop uyo mi, mbufo kpukpru mme andiduŋ isɔŋ ekpaŋ utɔŋ ŋko-ŋko. Nte oruk ŋkpɔ nte emi okodu ke eyo mbufo, ye ke eyo mme ete mbufo?

AMOS 3:1

NDITƆ Israel, mbufo ekop uyo emi Jehovah ɔdɔhɔde abaŋa mbufo, abaŋa ofuri oruk owo oro ami ŋkosiode ke isɔŋ Egypt ndɔk, nte,

AMOS 7:9

Ndien ŋkokoŋo ebiet Isaac eyesomo, ndisana ebiet Israel eyenyuŋ ewure; nyenyuŋ mmen ofut ndaha ke enyɔŋ ntiene ufɔk Jeroboam.

MICAH 3:1

NDIEN ami ndɔhɔ, nte, Mbɔk mbufo mme etubom Jacob, ye mbon ufɔk Israel, ekop; nte idotke mbufo ndifiɔk ikpe?

MICAH 3:9

Mbɔk, mbufo mme etubom ufɔk Jacob, ye mbɔŋ ufɔk Israel, ekop uyo emi, mbufo emi item etekde mbufo esit, mbufo enyuŋ ekwaŋa kpukpru se inende.

MICAH 7:2

Owo eke amade Abasi atak ke isɔŋ: baba owo kiet eke enende ke otu owo iduhe: kpukpru mmɔ edibe eyom iyip, kiet ada iyire ebine eken.

MALACHI 1:6

Eyen okpono ete, ofin onyuŋ okpono andinyene enye: edi edieke ami ndide ete, ukpono mi odu mmɔŋ? Edieke ami nnyuŋ ndide andinyene, uteŋe mi odu mmɔŋ? Ntem ke Jehovah mme udim ɔdɔhɔ mbufo mme oku emi esede enyiŋ mi ke ndek. Ndien mbufo ebup ete, Ke didie ke nnyin ise enyiŋ fo ke ndek?

MALACHI 2:1

NDIEN ke emi ewuhɔ emi enyene mbufo mme oku. Edieke mbufo mikopke,

JUDGES 4:12

Ekem etiŋ enɔ Sisera, ete, Barak eyen Abinoam ama ɔdɔk ke akamba obot Tabor.

JUDGES 4:6

Ndien enye ɔdɔŋ ekekot Barak eyen Abinoam ke Kedesh-naphtali edi, ndien ɔdɔhɔ enye, ete, Nte Jehovah Abasi Israel iwukke, ite, Saŋa udim udim ka ke akamba obot Tabor, nyuŋ da tɔsin owo duop ŋko ke otu nditɔ Naphtali ye nditɔ Zebulum dian idem?

1 SAMUEL 7:16

Enye onyuŋ asaŋa kpukpru isua akanade Beth-el, ye Gilgal, ye Mizpah, onyuŋ ekpe ikpe Israel ke mme ebiet oro kpukpru.

1 SAMUEL 7:5

Ndien Samuel ɔdɔhɔ ete, Mbufo ebon ofuri Israel ke Mizpah, man ŋkpe Jehovah ubɔk nnɔ mbufo.

1 SAMUEL 7:6

Ndien mmɔ eka ekesop idem ke Mizpah, enyuŋ ekoi mmɔŋ, eŋwaŋa ke iso Jehovah, enyuŋ etre udia ke usen oro, enyuŋ edɔhɔ do, ete, Nnyin imedue Jehovah. Ndien Samuel ekpe ikpe nditɔ Israel ke Mizpah.