HOSEA 4:6 - Edisana ñwed Abasi Ibom

⁶ Unana ifiɔk (Abasi) omosobo ikɔt mi: koro afo ɔduɔkde ifiɔk, ami ŋko nyeduɔk fi, nte okudi oku ɔnɔ mi: koro afo onyuŋ efrede mbet Abasi fo, ami ŋko nyefre nditɔ fo.

HOSEA 4:6 ပူးပေါင်းရင်းမြစ်များ

2 CHRONICLES 15:3

Usen enyuŋ ewak emi Israel minyeneke Abasi akpanikɔ, minyuŋ inyeneke oku eke etemede, minyuŋ inyeneke ŋwed ibet.

ŊWED JOB 36:12

Edi edieke mmɔ mikopke, ofut emen mmɔ efep, ndien mmɔ ekpaŋa ke ndisime.

ŊWED MME PSALM 119:139

Ufup mi ata mi: koro mme asua mi efrede ikɔ fo.

ŊWED MME PSALM 119:153

Se ukut mi, nyuŋ babare mi; koro mmemfreke mbet fo.

ŊWED MME PSALM 119:61

Mme udim mme oburobut owo ekan mi ekuk: edi mfreke mme ido fo.

ŊWED MME PSALM 18:27

Koro afo eyenyaŋa mbon ukut, eyenyuŋ ɔsuhɔre mmɔ eke enyin mmɔ okoŋde.

MME ŊKE 10:21

Mkpɔk-inua owo eti ido ebɔk ediwak owo: edi mbon ndisime ekpaŋa ke unana-ibuot.

MME ŊKE 19:2

Ifɔnke ŋko ukpɔŋ ndinana ifiɔk: ndien ɔsɔp-ukot edue.

ISAIAH 1:3

Enaŋ ɔfiɔk andinyene enye, ass onyuŋ ɔfiɔk ebiet eke ete esie onimde udia ɔnɔ enye: Israel ifiɔkke, ikɔt mi ikereke.

ISAIAH 17:10

Koro afo emefre Abasi erinyaŋa fo, ukonyuŋ utihi akwa itiat odudu fo, mmɔdo afo editɔde ndinem editɔ ŋkpɔ, edinyuŋ adade esen emine ɔtɔ ke esit:

ISAIAH 27:11

Ke ini ŋkɔk esie esatde, eyebuŋ mmɔ efep; iban eyedi, edibara ikaŋ ke esit: koro mmɔ midige mbon asian; oro esin Andinam mmɔ mituaha mmɔ mbɔm, esin Andibot mmɔ mifɔnke ido ye mmɔ.

ISAIAH 28:7

Edi wine esin kpa mme mmɔ emi ŋko edue, mmin onyuŋ anam mmɔ etun usuŋ; mmin esin oku ye prophet edue, wine emen mmɔ esin ke idibi, mmin anam mmɔ etun usuŋ; mmɔ edue ke ŋkukut, eteŋ ke itie ikpe.

ISAIAH 29:12

Ndien eda ŋwed oro enɔ owo emi mifiɔkke ŋwed, ete, Mbɔk, kot emi: edi enye ɔdɔhɔ, ete, Mfiɔkke ŋwed.

ISAIAH 3:12

Ama edi ikɔt mi, mme abak-inua efik mmɔ, iban enyuŋ ekara mmɔ. Ikɔt mi, mme andida mbufo usuŋ esin mbufo edue, enyuŋ ebiat usuŋ ikpat mbufo.

ISAIAH 45:20

Mbufo mbio mme idut eke ebɔhɔde, esop idem edi; esaŋa ɔtɔ kiet ekpere; mmɔ eke ebiomde eto edisɔi mbiet mmɔ, enyuŋ enamde mkpe ubɔk enɔ Abasi eke mikemeke ndinyaŋa, ifiɔkke ŋkpɔ.

ISAIAH 5:13

Mmɔdo etaŋde ikɔt mi efep, koro ifiɔk miduhe: ndien mbɔŋ mmɔ ekabare edi mbon ɔbiɔŋ, itɔŋ onyuŋ asat mbio-obio mmɔ.

JEREMIAH 2:8

Mme oku idɔhɔke ite, Enye Jehovah? Mmɔ eke ekamade ŋwed-mbet inyuŋ ifiɔkke mi: mme pastor enyuŋ edue mi, mme prophet enyuŋ eda Baal enam prophecy, enyuŋ ebine se midoroke udori.

JEREMIAH 4:22

Koro ikɔt mi edide ndisime, mmɔ ifiɔkke mi; mmɔ edi nditeŋ nditɔ, inyuŋ inyeneke ibuot; etim efiɔk ndinam idiɔk, edi ifiɔkke ndinam eti.

JEREMIAH 5:21

Mbufo, ndisime ye mbio unana-ibuot, ekop ikɔ emi; mmɔ enyene enyin, ndien ikwe; mmɔ enyene utɔŋ, ndien ikopke: Jehovah ɔdɔhɔ, ete,

EZEKIEL 44:23

Yak mmɔ enyuŋ etim esian ikɔt mi ŋkpɔ Abasi ye ŋkpɔ owo, enyuŋ eteme mmɔ ediɔŋɔ se idehede dehe, ye se isanade sana.

HOSEA 13:6

Adaŋa nte ebɔkde mmɔ, mmɔ eyuhɔ; ndien emenere esit mmɔ ke enyɔŋ; oro esin mmɔ efre mi.

HOSEA 2:13

Nyenyuŋ nnɔ enye ufen, mbaŋa mme usen Baal emi enye ɔkɔfɔpde ŋkpɔ ɔnɔ mmɔ, okonyuŋ abanade idem esie ke mkpanuen ibuo esie, ye ŋkwa itɔŋ esie, ndien ebine mmɔ eke emade enye, onyuŋ efre mi. Uyo Jehovah edi emi.

HOSEA 4:1

MBUFO nditɔ Israel ekop uyo Jehovah: koro Jehovah ɔtɔhɔde utɔk ye mme andiduŋ isɔŋ, koro baba akpanikɔ ye ima ye ifiɔk Abasi miduhe ke isɔŋ.

HOSEA 4:12

Ikɔt mi ke ebup eto mmɔ item, yak esaŋ mmɔ ndien ɔbɔrɔ mmɔ: koro spirit use esinde mmɔ ediyo, ndien mmɔ ekpɔŋ Abasi mmɔ enam use.

HOSEA 4:14

Ndinɔŋɔ nditɔ-iban mbufo ufen, koro mmɔ enamde use, ndinyuŋ nnɔŋɔ iban mbufo ufen, koro mmɔ esinde efibe: koro mmɔ ke idem-mmɔ ewahade etiene mme akpara, enyuŋ ewade uwa ye iban use: ndien mbio emi enanade ibuot eyetak.

HOSEA 5:4

Mmɔ inimke ido mmɔ man efiak etiene Abasi mmɔ: koro spirit use odude mmɔ ke idem, ndien mmɔ ifiɔkke Jehovah.

HOSEA 6:6

Koro nyomde ima; nyom ifiɔk Abasi ŋkan edifɔp uwa.

HOSEA 7:11

Ndien Ephraim akabare ebiet ɔkɔi ibiom eke ananade ibuot: mmɔ efiori ekot Egypt, enyuŋ eka Assyria.

HOSEA 7:9

Isen owo edia odudu esie; ndien enye ifiɔkke: iwat omotibe enye ke ibuot ŋko, ndien enye ifiɔkke.

HOSEA 8:1

SIN ukorowo ke inua fo. (Duɔ) ufɔk Jehovah nte ntrukpom: koro mmɔ ebiatde ediomi mi, enyuŋ eduede mbet mi.

HOSEA 8:12

Ŋkewet ikpɔ ŋkpɔ ibet mi nnɔ enye: mmɔ ese mmɔ ke ŋkpɔ idut.

HOSEA 8:14

Israel omonyuŋ efre Andibot enye, omonyuŋ ɔbɔp temple; Judah omonyuŋ ɔbɔp ediwak obio ibibene: edi ami nyekim ikaŋ ke mme obio mmɔ, ndien enye eyeta ufɔk mbɔŋ mmɔ.

HOSEA 9:17

Abasi mi eyeduɔk mmɔ: koro mmɔ mikopke uyo esie: ndien mmɔ eyedi mbon eke eyode ke otu mme idut.

MATTHEW 1:6

Boaz obon Obed emi Ruth amande; Obed obon Jesse; Jesse onyuŋ obon David edidem.

MATTHEW 15:14

Ndien nnan ama ada nnan usuŋ, mmɔ mbiba eyeduɔŋɔ ke ukpe.

MATTHEW 15:8

Mbio emi ekpono Mi ke mkpɔk-inua mmɔ; Edi esit mmɔ ada nsan-nsan ye Ami.

1 SAMUEL 2:12

Ndien nditɔ Eli edi oburobut owo; mmɔ ifiɔkke Jehovah.