HOSEA 4:4 - Edisana ñwed Abasi Ibom

⁴ Edi owo okutɔhɔ, okunyuŋ asua ɔnɔ owo: koro oruk fo ebietde mmɔ eke etɔhɔde ye oku.

HOSEA 4:4 ပူးပေါင်းရင်းမြစ်များ

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

EZEKIEL 3:26

ndien nyenam edeme fo adiana fi ke nsiŋ, afo eyenyuŋ odop uyo, udunyuŋ udige owo eke edisuade ɔnɔ mmɔ: koro mmɔ edide ufɔk nsɔŋ-ibuot.

HOSEA 4:17

Ephraim emeyire ye ndem; yak enye kpɔŋ.

AMOS 5:10

Mmɔ esua owo eke aduaride owo ke inua-otop, enyuŋ eda owo eke ɔdɔhɔde edinen, ese ke mbubiam.

AMOS 5:13

Mmɔdo owo eke edide ɔniɔŋ ke ini oro eyedop inua: koro edide idiɔk ini.

AMOS 6:10

Ndien ufan esie kpa owo eke ɔfɔpde enye eyemen enye, onyuŋ osio mme ɔkpɔ ke ufɔk efep. Ndien enye eyedɔhɔ owo eke odude ke ata esit ufɔk oro, ete, Nte owo eŋwen osuk odu ye afo? Ndien enye eyedɔhɔ, ete, Omokure. Ndien enye eye-dɔhɔ ŋko, ete, Dop, koro midige nte etiŋde enyiŋ Jehovah.

DEUTERONOMY 17:12

Ndien ama edi owo eke edinamde ŋkpɔ isa-isa, minyuŋ ikopke uyo oku eke adade do ndinam ŋkpɔ Jehovah Abasi fo, ye uyo ebierikpe oro, idem owo oro enyene ndikpa: ke ntre ke afo edisio idiɔk ido ke Israel efep.