HOSEA 4:2 - Edisana ñwed Abasi Ibom

² Isuŋi ye nsu ye afai ye inɔ ye efibe ebumere, iyip onyuŋ ɔkɔrɔ ke iyip.

HOSEA 4:2 ပူးပေါင်းရင်းမြစ်များ

GENESIS 4:8

Ndien Cain ɔdɔhɔ ikɔ ye Abel, eyen-eka esie: edikem, ke mmɔ edude ke iŋwaŋ, Cain adaha ke enyɔŋ anam ikɔ ye Abel eyen-eka esie, onyuŋ owot enye.

ISAIAH 24:5

Isɔŋ onyuŋ edehe ke idak mmɔ emi eduŋde ke esit: koro mmɔ eduede mbet, ebiatde ewuhɔ, enim nsinsi ediomi ke ikpikpu.

ISAIAH 48:1

EKOP ŋkpɔ emi, mbufo ufɔk Jacob, emi ekerede enyiŋ Israel, emi ekenyuŋ etode ke mmɔŋ Judah, emi etomode enyiŋ Jehovah, enyuŋ etiŋde enyiŋ Abasi Israel, edi idige ke akpanikɔ, inyuŋ idige ke eti ido.

JEREMIAH 51:5

Koro midige Abasi Israel ye Judah esin mmɔ etie nte ebe-akpa, minyuŋ idige Jehovah mme udim; koro isop emi mmɔ eduede ye Edisana Abasi Israel ɔyɔhɔde ke isɔŋ mmɔ.

JEREMIAH 6:7

Kpa nte iso idim otopde mmɔŋ esiemɔ, kpa ntre ke enye otop idiɔk ido esie: mmɔ ekop enye ŋkanubɔk ye mbume ke esit; ubiak ye unan esuk edudu ke iso mi kpukpru ini.

ŊWED ESEME 4:13

Mme idiɔk ido mme prophet esie, mme ukwaŋ-ŋkpɔ mme oku esie, eke ekeduɔkde iyip mme andinen owo ke ufɔt esie,

EZEKIEL 7:23

Nam ŋkpɔkɔbi: koro ikpe obom ɔyɔhɔde ke isɔŋ, afai onyuŋ ɔyɔhɔ ke obio.

HOSEA 10:13

Mbufo emefuŋ idiɔk-ŋkpɔ, emekpi ukwaŋ-ŋkpɔ; emedia mfri nsu: koro afo ɔbuɔtde idem fo ke usuŋ fo, ke ediwak mbon-uko fo.

HOSEA 10:4

Mmɔ ke etiŋ ikɔ-ikɔ; ke etomo nsu, ke ediomi ediomi: ndien ufen asiaha ikɔŋ nte poppy ke ibombom iŋwaŋ.

HOSEA 11:12

Ephraim ada nsu akan mi okuk, ufɔk Israel onyuŋ ada abiaŋa akan mi okuk: Judah onyuŋ osuk asaŋa otime-otime ye Abasi, ye edisana mbon akpanikɔ ŋko.

HOSEA 12:14

Ephraim akayat enye esit idige ŋkpɔ: ndien Ɔbɔŋ esie eyeyak iyip esie ɔsɔp enye, onyuŋ osio usiene but esie ye enye.

HOSEA 5:2

Mbon mkpɔŋ-usuŋ ewot owo ekaha, ndien ami nyedi ufen mmɔ kpukpru.

HOSEA 6:8

Gilead edi obio mme anam oburobut, awak nde-iyip.

HOSEA 6:9

Mme oku ŋko ebiet udim owo eke edibede ebet owo; mmɔ ewot owo ke usuŋ Shechem; ŋkɔm mmɔ enam ata oburobut ido.

HOSEA 7:1

KE adaŋemi ndade ikɔt mi emi mmɔ eketaŋde efep, nnyɔŋ ndi; ke ini nnamde idiɔk okure Israel, ndien eyeyarare idiɔk ido Ephraim ye mme ukwaŋ-ŋkpɔ Samaria: koro mmɔ enamde abiaŋa; inɔ onyuŋ oduk edi, udim owo ewo ke mme efak.

HOSEA 7:3

Mmɔ edat edidem esit ke idiɔk ido mmɔ, enyuŋ edat mbɔŋ esit ke nsu mmɔ.

HOSEA 7:4

Kpukpru mmɔ edi mbon efibe, ebiet usaŋ-uyo eke anam-uyo abarade. Enye etre ndidemere ikaŋ, toto ke ini emi enye obuende ebok, tutu ebok ofut.

MICAH 3:2

Emi esuade eti ŋkpɔ, enyuŋ emade idiɔk-ŋkpɔ; emi eyararede mmɔ ikpɔk ke idem, ye obuk mmɔ ke ɔkpɔ mmɔ efep;

MICAH 3:9

Mbɔk, mbufo mme etubom ufɔk Jacob, ye mbɔŋ ufɔk Israel, ekop uyo emi, mbufo emi item etekde mbufo esit, mbufo enyuŋ ekwaŋa kpukpru se inende.

MICAH 6:10

Nte inyene idiɔk ido esuk ena ke ufɔk idiɔk owo, ye ekpri ephah, ata idiɔk-ŋkpɔ?

MICAH 7:2

Owo eke amade Abasi atak ke isɔŋ: baba owo kiet eke enende ke otu owo iduhe: kpukpru mmɔ edibe eyom iyip, kiet ada iyire ebine eken.

ZEPHANIAH 3:1

ƆDIƆK ɔnɔ owo eke ɔsɔŋde ibuot onyuŋ edehede, obio utuk!

ZECHARIAH 5:3

Ndien enye ɔdɔhɔ mi, ete, Emi edi isuŋi eke ɔwɔrɔde asaŋa ke iso ofuri isɔŋ: koro eyesɔhi kpukpru inɔ ke edem emi efep, nte enye asaŋade; enyuŋ esɔhi kpukpru owo eke etomode ke edem eken efep,

ZECHARIAH 7:9

Ntem ke Jehovah mme udim ɔdɔhɔ, ete, Mbufo ekpe ikpe ke akpanikɔ, yak kiet onyuŋ anam mfɔn ye mbɔm ye eken.

MATTHEW 23:35

man ofuri edinen iyip emi eduɔkde ke isɔŋ ɔkpɔkɔbɔ mbufo, ɔtɔŋɔde ke iyip edinen Abel, tutu osim iyip Zachariah, eyen Barachiah, emi mbufo ekowotde ke ufaŋ emi odude ke ufɔt temple ye itie-uwa.

UTOM MME APOSTLE 7:52

Ewe prophet ke mme ete mbufo mikɔkɔbɔke? Mmɔ ekenyuŋ ewot mmɔ eke ebemde iso ekwɔrɔ ete, Ata Edinen eyedi; ndien ke emi mbufo emenyuŋ ekabare edi mme andida Enye nnɔ ye mme andiwot Enye;

DEUTERONOMY 5:11

Kumen enyiŋ Jehovah Abasi fo utomo ke se midige akpanikɔ: koro Jehovah midiyakke otomo enyiŋ esie ke se midige akpanikɔ, ɔbɔhɔ.

DEUTERONOMY 5:18

Kunyuŋ usin efibe.

DEUTERONOMY 5:19

Kunyuŋ uyip inɔ.

1 ŊWED THESSALONICA 2:15

emi ekewotde Ɔbɔŋ Jesus ye mme prophet, enyuŋ ekɔbɔde nnyin, minyuŋ inemke Abasi esit,

ERIYARARE 17:6

Ndien ŋkut ŋwan oro nte ɔŋwɔŋde iyip nti ikɔt Abasi ye eke mme ntiense Jesus ɔyuhɔ. Ke adaŋemi ŋkutde enye, idem akpa mi eti-eti.