HOSEA 4:12 - Edisana ñwed Abasi Ibom

¹² Ikɔt mi ke ebup eto mmɔ item, yak esaŋ mmɔ ndien ɔbɔrɔ mmɔ: koro spirit use esinde mmɔ ediyo, ndien mmɔ ekpɔŋ Abasi mmɔ enam use.

HOSEA 4:12 ပူးပေါင်းရင်းမြစ်များ

2 NDIDEM 17:7

Edikem, koro nditɔ Israel ediɔkde ye Jehovah Abasi mmɔ, emi okosiode mmɔ ke isɔŋ Egypt, ye ke idak ubɔk Pharaoh edidem Egypt, ɔdɔk, enyuŋ ebak abasi eŋwen,

2 CHRONICLES 21:13

edi asaŋa ke usuŋ ndidem Israel, onyuŋ esin Judah ye mme andiduŋ Jerusalem enam use, ebiet use ufɔk Ahab, onyuŋ owot nditɔ-usɔ ufɔk usɔ, emi ekefɔnde ekan fi; sese,

ŊWED MME PSALM 106:39

Ntre ke mmɔ esabare idem-mmɔ ke ŋkpɔ eke mmɔ ekenamde, enyuŋ enam use ke idiɔk ido mmɔ.

ŊWED MME PSALM 73:27

Koro, sese, mmɔ eke edianarede ekpɔŋ fi anyan usuŋ, eyetak: afo omosobo mmɔ eke ekpɔŋde fi enam use.

JEREMIAH 10:8

Ndien mmɔ etie nte unam, enyuŋ edi ndisime ɔtɔ kiet: ikpikpu item! ke edi eto!

JEREMIAH 2:27

Ke edɔhɔ eto, ete, Afo edi ete mi; enyuŋ edɔhɔ itiat, ete, Afo ekaman mi: koro mmɔ emekabare ekɔt enɔ mi, ikabakede iso: ndien ke ini ukut mmɔ, mmɔ eyedɔhɔ, ete, Daha ke enyɔŋ di nyaŋa nnyin.

JEREMIAH 23:13

Ŋkokut oburobut ŋkpɔ ke mme prophet Samaria; mmɔ eda Baal etiŋ prophecy, enyuŋ esin ikɔt mi Israel edue:

EZEKIEL 20:32

Ndien ŋkpɔ emi ɔdɔkde oduk mbufo ke esit ididuhe du, emi mbufo edɔhɔde, ete, Nnyin iyebiet mme idut, ibiet mme oruk mme obio, inyuŋ inam ŋkpɔ inɔ eto ye itiat.

EZEKIEL 21:21

Koro edidem Babylon adade ke ŋwaŋa-usuŋ, ke ibuot ɔkpɔ-usuŋ iba, ete ibre idiɔŋ; enye enyeŋe idaŋ, obup mme teraphim, ese esit (unam).

HOSEA 14:3

Asshur idinyaŋake nnyin: nnyin ididoroke ke horse: idinyuŋ idɔhɔke aba ye se ubɔk nnyin ekenamde, ite, Abasi nnyin: koro afo atuade eyen eke ananade ete mbɔm.

HOSEA 5:4

Mmɔ inimke ido mmɔ man efiak etiene Abasi mmɔ: koro spirit use odude mmɔ ke idem, ndien mmɔ ifiɔkke Jehovah.

HOSEA 6:10

Ke ufɔk Israel, ŋkut mkpɔ mkpa-idem: use Ephraim odu do: Israel emedehe.

HOSEA 9:1

O ISRAEL, kudat esit ukaha nte mme idut: koro afo ɔmɔkpɔŋ Abasi fo anam use: afo amama utip ke kpukpru ɔtɔ ubek-ibokpot.

LEVITICUS 17:7

Mmɔ ekunyuŋ ewa aba uwa mmɔ enɔ demon, emi mmɔ etienede. Emi edi nsinsi ewuhɔ mmɔ ke ofuri emana mmɔ.

LEVITICUS 20:5

ndien ami nyewuk iso mi nse owo oro, ye oruk esie, nnyuŋ nsibe enye, ye kpukpru mmɔ eke etienede enye enam use ye Molech, ke otu mbio-obio mmɔ mfep.

MICAH 2:11

Edieke owo asaŋade ke spirit ye ke abiaŋa, edisu nsu, ete, Ami nyetiŋ nnɔ fi mbaŋa wine ye mmin; edi enye edidi etiŋ-ikɔ ɔnɔ mbio-obio emi.

HABAKKUK 2:19

Osuk ɔdɔdiɔk ɔnɔ owo eke ɔdɔhɔde eto, ete, Demere! men Idem! ɔdɔhɔ imum itiat, ete, Enye eyeteme! Sese, mmɔ ekubi enye gold ye silver;

NUMBERS 15:39

Ndien enye eyedi nyeriye mbufo, man mbufo ese enye, ndien eti kpukpru mbet Jehovah, enyuŋ enam mmɔ; mbufo ekunyuŋ ewaha etiene esit mbufo ye enyin mbufo, emi mbufo ekam etienede enam oburobut:

DEUTERONOMY 31:16

Ndien Jehovah ɔdɔhɔ Moses, ete, Sese, afo ɔmɔŋ edina ye mme usɔ; ndien mbio emi eyedaha ke enyɔŋ eketieŋe mme isen abasi mme idut emi mmɔ ekade do ndi duk ke otu mmɔ, eyenyuŋ ekpɔŋ mi, enyuŋ ebiat ediomi mi emi nnamde ye mmɔ.

JUDGES 18:5

Ndien mmɔ edɔhɔ enye, ete, Mbɔk, bup Abasi, man nnyin ifiɔk mme iso eyefɔn nnyin ke usuŋ emi nnyin isaŋade ke esit.