11 Use ye wine ye obufa wine eda (mmɔ) esit.
WINE edi asak nsahi, mmin edi ifiopesit: ndien kpukpru owo eke eduede ke esit enana ibuot.
Ifɔnke mbɔŋ, O Lemuel, ifɔnke mbɔŋ ndiŋwɔŋ wine: itɔŋ mmin inyuŋ ifɔnke ŋkwa owo.
Esin efibe ye ŋwan anana ibuot: owo eke anamde ntre eyesobo ukpɔŋ esiemɔ.
Koro ufik anamde enyene-ibuot owo akabare edi ndisime; enɔ onyuŋ abiat owo esit.
Edi wine esin kpa mme mmɔ emi ŋko edue, mmin onyuŋ anam mmɔ etun usuŋ; mmin esin oku ye prophet edue, wine emen mmɔ esin ke idibi, mmin anam mmɔ etun usuŋ; mmɔ edue ke ŋkukut, eteŋ ke itie ikpe.
Harp, ye viol, ye ekɔmɔ, ye ifiom, ye wine, enyuŋ edu ke ikpɔ udia mmɔ: edi mmɔ itiŋke enyin ke utom Jehovah, inyuŋ isehe se ubɔk esie enamde.
Ŋkokut oburobut ŋkpɔ ke mme prophet Samaria; mmɔ eda Baal etiŋ prophecy, enyuŋ esin ikɔt mi Israel edue:
Ikɔt mi ke ebup eto mmɔ item, yak esaŋ mmɔ ndien ɔbɔrɔ mmɔ: koro spirit use esinde mmɔ ediyo, ndien mmɔ ekpɔŋ Abasi mmɔ enam use.
Mmɔ inimke ido mmɔ man efiak etiene Abasi mmɔ: koro spirit use odude mmɔ ke idem, ndien mmɔ ifiɔkke Jehovah.
Ndien Ephraim akabare ebiet ɔkɔi ibiom eke ananade ibuot: mmɔ efiori ekot Egypt, enyuŋ eka Assyria.
Kuŋwɔŋ wine ye mmin, afo, ye nditɔ fo ŋko, ke ini mbufo edukde efe esop, mbak mbufo edikpaŋa: nsinsi ewuhɔ edi emi ke ofuri emana mbufo:
Edi ekpeme idem mbufo, mbak uyuhɔ udia ye mmin ye ekikere uwem emi edinam esit mbufo odobi, ndien usen oro edibuat mbufo nte ekpɔ;
Ndien Abigail aka ke ebiet Nabal; ndien, sese, enye ke onim akamba udia ke ufɔk esie, ebiet udia edidem; esit ke onyuŋ adat Nabal, enye onyuŋ akpa wine eti-eti: ndien ŋwan itiŋke baba ikɔ kiet inɔ enye, ekpekpri, okpokpon, tutu eyo esiere.
