HOSEA 3:4 - Edisana ñwed Abasi Ibom

⁴ Koro nditɔ Israel eyebigi ediwak usen, ndien idinyeneke edidem, idinyuŋ inyeneke ɔbɔŋ, ye uwa, ye owo eto, ye ephod, ye terephim.

HOSEA 3:4 ပူးပေါင်းရင်းမြစ်များ

GENESIS 31:19

Ndien Laban ama adaha aka ndifat ufene esie idet: ndien

GENESIS 31:34

okoduk ke tent Rachel. Ndien Rachel ama akada ibɔk oro esin ke ŋkpɔ camel esie, onyuŋ etie mmɔ ke enyɔŋ. Ndien Laban ɔduŋɔ ofuri tent, edi ikwe.

GENESIS 49:10

Mmɔnyɔ idikpɔŋke Judah, eto ɔbɔŋ idinyuŋ ikpɔŋke ŋkpatian-ukot esie, tutu Shiloh edi; mme idut eyenyuŋ ekop enɔ

2 SAMUEL 6:14

David onyuŋ enek unek ke ofuri odudu esie ke iso Jehovah; David onyuŋ esine ephod linen.

2 NDIDEM 23:24

Ndien ŋko Josiah onyuŋ osobo mme ebre idiɔŋ ekpo owo, ye mbon idiɔk ifiɔk, ye mme teraphim, ye mme nsu-nsu abasi, ye kpukpru mbubiam ŋkpɔ eke ekutde ke idut Judah ye ke Jerusalem, kpaŋ enye ekpenam ikɔ mbet emi ewetde ke ŋwed emi Hilkiah oku ɔkɔfiɔhɔde ke ufɔk Jehovah.

2 CHRONICLES 15:2

ndien enye ɔwɔrɔ okosobo ye Asa, onyuŋ ɔdɔhɔ enye, ete: Asa ye ofuri Judah ye Benjamin, mbufo ekop uyo mi, Jehovah ada ye mbufo ke ini mbufo ededa ye enye; ndien edieke mbufo ediyomde enye, mbufo eyekut enye; edi edieke mbufo edikpɔŋde enye, enye eyekpɔŋ mbufo.

EXODUS 28:4

Ndien edisine-ŋkpɔ emi ke mmɔ edinam: mbana-ikpanesit, ye ephod, ye ekura, ye ŋwet-ŋwet frock, ye mitre, ye ubɔp-isin; yak mmɔ enyuŋ enam edisana edisine-ŋkpɔ enɔ Aaron eyen-uka, ye nditɔ esie, man enye ada oku mi.

EXODUS 28:6

Ndien yak mmɔ eda gold, ye awawa, ye purple, ye ididuot, ye eti edifiak linen oro, enam ephod ke ubɔk-usɔ ɔdɔk-ɔfɔŋ.

ŊWED ESEME 2:9

Mme itim esie ebuhɔ ke isɔŋ; enye abiat onyuŋ obuŋ eto usin-usuŋ esie: edidem esie ye mbɔŋ esie edu ke otu mme idut; ŋwed mbet iduhe: prophet esie inyuŋ ikwe ŋkukut eke otode Jehovah.

EZEKIEL 19:14

Ndien ikaŋ omoto ke esaŋ ŋkɔk esie, amata mfri esie, ŋkpɔsɔŋ esaŋ ke eke mmɔnyɔ ɔbɔŋ inyuŋ iduhe enye ke esit. Emi edi eseme, eyenyuŋ edi se edisemede.

EZEKIEL 20:32

Ndien ŋkpɔ emi ɔdɔkde oduk mbufo ke esit ididuhe du, emi mbufo edɔhɔde, ete, Nnyin iyebiet mme idut, ibiet mme oruk mme obio, inyuŋ inam ŋkpɔ inɔ eto ye itiat.

EZEKIEL 21:21

Koro edidem Babylon adade ke ŋwaŋa-usuŋ, ke ibuot ɔkpɔ-usuŋ iba, ete ibre idiɔŋ; enye enyeŋe idaŋ, obup mme teraphim, ese esit (unam).

EZEKIEL 21:31

Ndien nyeŋwaŋa fi ikpahesit mi ke idem, nyeda ikaŋ iyaresit mi mfuri fi, nnyuŋ nda fi nsin ke ubɔk mbon afai, mbon-usɔ ŋkpɔ eke osobode nsobo.

DANIEL 11:31

Ndien ubɔk eyeto enye ke idem edaha eda, enyuŋ esabare edisana ebiet odudu, enyuŋ esio nsinsi uwa efep, enyuŋ enim mbubiam ŋkpɔ eke osobode.

DANIEL 12:11

Ndien toto ke ini emi edisiode nsinsi uwa efep enyuŋ ediɔkde ŋkpɔ mbubiam nsobo, edi tɔsin usen ye usen ikie iba ye anaŋ ye duop.

DANIEL 9:27

Enye eyenyuŋ ɔsɔŋɔ onim ediomi ɔnɔ ediwak owo ke urua kiet; ndien ke ufɔt urua enye eyenam uwa ye inuak-udia etre: ndien andisobo eyedoro ke ibuot ŋkpɔ mbubiam: tutu enyuŋ eda se enamde ema enyuŋ ewukde, eŋwaŋa andisobo ke idem.

HOSEA 13:10

Enye edidem fo ndien, man enye anyaŋa fi ke kpukpru mme obio fo? enye ŋko mme ebierikpe fo emi afo ɔkɔdɔhɔde abaŋa, ete,

HOSEA 13:11

Nɔ mi edidem ye mbɔŋ? Ŋkɔnɔ fi edidem ke iyaresit mi, nnyuŋ mbɔ enye mfep ke ifuresit mi.

HOSEA 2:11

Nyenyuŋ nnam ofuri idaresit esie etre, ye mme usɔrɔ esie, ye mbufa ɔfiɔŋ esie, ye mme sabbath esie, ye kpukpru ikpɔ usen esie.

LEVITICUS 8:7

Ndien enye ada frock esine enye ke idem, onyuŋ ɔbɔp enye ubɔp-isin, onyuŋ ɔfɔri enye ekura, onyuŋ esine enye ephod, ɔbɔp enye ubɔp-ephod, onyuŋ akpaha enye idem ke esit.

ZECHARIAH 10:2

Koro teraphim etiŋde idiɔk-ŋkpɔ, mbia-idiɔŋ enyuŋ ekut nsu, enyuŋ etiŋ nsu-nsu ndap; mmɔ edɔŋ owo esit ikpikpu: oro esin mmɔ edaŋa nte otu ufene, enyin anam mmɔ, koro baba owo kiet eke ɔbɔkde mmɔ miduhe.

ZECHARIAH 13:2

Jehovah mme udim onyuŋ ɔdɔhɔ, ete, Ama ekem ke usen oro, nyesibi enyiŋ ndem ke isɔŋ emi mfep, ndien iditihi aba mmɔ: nyenyuŋ nnam mme prophet ye spirit ndek edaŋa ke isɔŋ emi.

LUKE 21:24

Ndien mmɔ eyeduɔŋɔ ke iso ofut, eyenyuŋ etaŋ mmɔ nte mbuot-ekɔŋ eka ke kpukpru mme idut; ndien mme Gentile eyedigi Jerusalem ke ikpat, tutu ini mme Gentile ɔyɔhɔ.

JOHN 19:15

Edi mmɔ efiori ete, Men Enye fep, men Enye fep, wot Enye ke cross. Pilate ete mmɔ, Nte ŋwot Edidem mbufo ke cross? Ikpɔ oku ebɔrɔ ete, Nnyin inyeneke edidem efen ibe Caesar.

MME HEBREW 10:26

Koro edieke nnyin iduede ke nkoi-nnam, ke ini nnyin ima ikɔbɔ ifiɔk akpanikɔ, uwa iduhe aba inɔ idiɔk-ŋkpɔ, edi idori-enyin ikpe eke enyenede ndik,

JUDGES 17:5

Ndien owo oro Micah enyene ufɔk abasi, onyuŋ anam ephod kiet, ye teraphim, onyuŋ ada eyen esie kiet ɔyɔhɔ enye ubɔk,

JUDGES 18:14

ekesim ufɔk Micah. Ndien owo ition oro ekekade ndiyep edem Laish, edɔhɔ nditɔ-ete mmɔ ete, Nte mbufo efiɔk ete ke ephod, ye teraphim, ye edisɔi mbiet, ye editara mbiet edu ke ufɔk emi? Mbufo ekere ndien se mbufo edinamde.

JUDGES 8:27

Ndien Gideon ada enye anam ephod kiet onim ke obio esie, ke Ophrah: ndien ofuri Israel ewaha etiene enye do; ndien enye akabara edi afia ye Gideon, ye ufɔk esie.

1 SAMUEL 14:3

ye Ahijah eyen Ahitub, eyeneka Ichabod, eyen Phinehas, eyen Eli, oku Jehovah ke Shiloh, esine ephod. Ndien mmɔ ifiɔkke ite ke Jonathan aka

1 SAMUEL 15:23

Koro emiom ebietde idiɔŋ, itun onyuŋ ebiet idiɔk ido ye mkpono-idem. Koro afo emesin uyo Jehovah, enye ŋko esin fi idaha edidem.

1 SAMUEL 2:18

Ntre ke Samuel anam ŋkpɔ ke iso Jehovah, nte eyenɔwɔŋ, ɔbɔbɔ ephod linen.

1 SAMUEL 21:9

Ndien oku ɔdɔhɔ ete, Ofut Goliath Philistine oro afo okowotde ke itihere Elah, sese, enye ɔmɔbɔbɔ ke ɔfɔŋ ke edem ephod: afo ama oyom enye, da, koro efen miduhe mi ke mibɔhɔke enye. Ndien David ɔdɔhɔ ete, Baba kiet ibietke enye, nɔ mi oro.

1 SAMUEL 22:18

Ndien edidem ɔdɔhɔ Doeg, ete, Afo saŋa kpere kowot mme oku. Ndien Doeg Edomite oro asaŋa ekpere okowot mme oku, ndien ke usen oro enye owot owo anaŋ ye ition eke esinede ephod linen.

1 SAMUEL 23:6

Ndien ke ini Abiathar eyen Ahimelech ɔkɔbɔhɔde, efehe etiene David ke Keilah, ephod kiet ɔsuhɔre ke ubɔk esie.

1 SAMUEL 23:9

Ekem David edifiɔk ete ke Saul ɔmɔŋ aduak imɔ idiɔk-ŋkpɔ ndinam: ndien enye ɔdɔhɔ Abiathar oku, ete, Da ephod di.

1 SAMUEL 30:7

Ndien David ɔdɔhɔ Abiathar oku, eyen Ahimelech, ete, Mbɔk, da ephod di nɔ mi. Ndien Abiathar ada ephod edi ke ɔtɔ David.