HOSEA 3:1 - Edisana ñwed Abasi Ibom

¹ NDIEN Jehovah ɔdɔhɔ mi, ete, Tɔŋɔ ntak ka kama ŋwan emi ufan amade, emi onyuŋ esinde efibe, kpa nte Jehovah amade nditɔ Israel, ndien mmɔ ekabare etiene abasi eŋwen, enyuŋ ema ebok edisat grape.

HOSEA 3:1 ပူးပေါင်းရင်းမြစ်များ

2 SAMUEL 6:19

Enye onyuŋ edeme kpukpru owo ŋkpɔ, kpa ofuri otu Israel, ye eren ye ŋwan, ɔnɔ kpukpru owo obukpa uyo kiet, ye ŋwa unam, ye ebok edisat grape. Ndien kpukpru owo enyɔŋɔ ufɔk mmɔ.

2 NDIDEM 13:23

Ndien Jehovah ɔfɔn mfɔn ye mmɔ, onyuŋ atua mmɔ mbɔm, onyuŋ akabare ese mmɔ, abaŋa ediomi esie ye Abraham, ye Isaac, ye Jacob, inyuŋ inyimeke ndisobo mmɔ, inyuŋ imenke mmɔ kaŋa ke iso esie iduɔk.

1 CHRONICLES 16:3

Onyuŋ ada ubak uyo, ye ŋwa unam, ye ebok edisat grape, edeme ɔnɔ kpukpru owo Israel kiet kiet, ke eren ye ŋwan.

NEHEMIAH 9:31

Edi uwak mbɔm fo iyakke fi osobo mmɔ fap, inyuŋ iyakke fi ɔkpɔŋ mmɔ: koro afo edide Abasi mfɔn ye mbɔm.

ŊWED MME PSALM 123:2

Sese, nte enyin ifin esede ubɔk mme ete mmɔ, nte enyin ofin aŋwan esede ubɔk eka esie, kpa ntre ke enyin nnyin ese Jehovah Abasi nnyin, tutu enye ɔfɔn ido ye nnyin.

EXODUS 32:6

Ndien mkpɔŋ mmɔ ebak edemere, ekewa edifɔp uwa, enyuŋ eda uwa emen edi; ndien kpukpru owo esuhɔre etie, edia ŋkpɔ enyuŋ eŋwɔŋ, ndien edaha ke enyɔŋ ekebre mbre.

IKWƆ SOLOMON 2:5

Mbufo esɔŋɔ mi idem ke ebok grape, esuk mi idem ke apple, koro ndɔŋɔde ima.

ISAIAH 45:22

Mbufo kpukpru mme idut ererimbot, ekabare ese mi, ndien eyenyaŋa mbufo: koro ami ndide Abasi, ndien efen iduhe aba.

JEREMIAH 3:20

Ŋkɔm, kpa nte ŋwan abiaŋade ebe esie ɔkpɔŋ enye, kpasuk ntre ke mbufo, O ufɔk Israel, ebiaŋa mi; Jehovah ɔdɔhɔ.

JEREMIAH 31:20

Nte Ephraim edi edima eyen mi? Nte enye edi eyenɔwɔŋ eke enemde owo esit? Koro adaŋa ini nte ndɔhɔde mbaŋa enye, ntreke nditi enye kaŋa: oro esin nsia oyomo mi abaŋa enye; nditreke nditua enye mbɔm: Jehovah ɔdɔhɔ.

HOSEA 11:8

O Ephraim, ndinam didie nda fi nnɔ? nnyuŋ mmen fi nyak O Israel? ndinam didie nda fi nnɔ nte Admah? nnyuŋ nnim fi nte Zeboim? Esit mi amakabare odoro mi; mbɔm etimere mi ini kiet.

HOSEA 2:5

Koro eka mmɔ ekenamde use, andiman mmɔ amanam oburobut: koro enye ɔdɔhɔde ete, Nyetiene mmɔ eke emade mi, emi enɔde mi uyo mi ye mmɔŋ mi, ye idet erɔŋ mi ye flax mi, ye aran mi ye se ŋŋwɔŋde.

HOSEA 4:11

Use ye wine ye obufa wine eda (mmɔ) esit.

HOSEA 7:5

Ke usen edidem nnyin mbɔŋ esin enye ɔdɔŋɔ ke ufiop wine: enye etiene mbon nsahi anyan ubɔk esie.

AMOS 2:8

Mmɔ enyuŋ enyanare ena ke edisine-ŋkpɔ ubiɔŋ ke ŋkaŋ kpukpru itie-uwa; enyuŋ eŋwɔŋ wine mbon isop ke ufɔk mme abasi mmɔ.

AMOS 6:6

eke eŋwɔŋde bowl wine, enyuŋ eyetde akpan aran ke idem: edi ikereke nditaha Joseph.

MICAH 7:7

Edi ami nyetiŋ enyin ke Jehovah: nyebet Abasi emi anyaŋade mi: Abasi mi eyekop uyo mi.

ZECHARIAH 1:16

Mmɔdo ntem ke Jehovah ɔdɔhɔ ete, Nda esit mbɔm mfiak ke Jerusalem: eyebɔp ufɔk mi ke esit, Jehovah mme udim ɔdɔhɔ; ndien eyenyam uruk ke Jerusalem.

MATTHEW 26:50

Jesus ete enye, Ufan, nam se edide ndinam. Ekem mmɔ edi edidori Jesus ubɔk, emum Enye.

1 ŊWED CORINTH 10:21

Mbufo ikemeke ndiŋwɔŋ cup Ɔbɔŋ ye cup mme demon. Mbufo ikemeke nditiene ndiaŋkpɔ ke okpokoro Ɔbɔŋ, nnyuŋ ndia ke okpokoro mme demon.

1 ŊWED CORINTH 10:7

Mbufo ekunyuŋ edi mme okpono ndem, nte ndusuk mmɔ ekedide; nte ewetde ete, Mbio oro esuhɔre etetie edia enyuŋ eŋwɔŋ, enyuŋ edaha ke enyɔŋ ekebre mbre.

1 PETER 4:3

Koro ini emi ama ebe ekem mbufo ndida nnam se idɔŋde mme Gentile itɔŋ, kpa ini emi mbufo esaŋade edu uwem ke use, ye idiɔk itɔŋ, ye eriyuhɔ mmin, ye otime-otime ido, ye eriŋwɔŋ mmin, ye obukpo erikpono ndem;

JUDGES 10:16

Mmɔ enyuŋ esioŋo isen abasi ke otu mmɔ efep, enyuŋ enam ŋkpɔ Jehovah: ndien mbɔm ukut Israel anam enye ukpɔŋ.

JUDGES 9:27

Ekem ke adaŋemi mmɔ ewɔŋɔde eka iŋwaŋ eketet mfri vine mmɔ, enyuŋ edigi, ndien mmɔ enam usɔrɔ, enyuŋ eduk ke ufɔk abasi mmɔ, edia ŋkpɔ, enyuŋ eŋwɔŋ,