HOSEA 2:9 - Edisana ñwed Abasi Ibom

⁹ Mmɔdo nyefiak nda ibokpot mi ke ekem ini esie, ye obufa wine mi ke ini esie ŋko, nnyuŋ mbɔ idet erɔŋ mi ye flax mi emi okpofukde enye iferi.

HOSEA 2:9 ပူးပေါင်းရင်းမြစ်များ

EZEKIEL 16:27

Ndien, sese, mmanyan ubɔk mi ndori fi ke idem; nnyuŋ nsuhɔre udeme fo, nnyuŋ nda fi nyak nnɔ esit mmɔ emi esuade fi, kpa nditɔ-iban mme Philistine emi enyenede but ke mme oburobut ido fo.

EZEKIEL 16:39

Nyenyuŋ nda fi nsin mmɔ ke ubɔk, ndien mmɔ eyewuri ufɔk use fo, enyuŋ esuan ŋkokoŋo ebiet fo; enyuŋ esioŋo fi edisine-ŋkpɔ ke idem efep; ndien mmɔ eyeda ŋkpɔ mbana fo, enyuŋ ekpɔŋ fi iferi ye ikpikpu.

EZEKIEL 23:26

Ndien mmɔ eyesio fi ɔfɔŋidem fo efep, enyuŋ esioŋo fi ŋkpɔ uyai fo efep.

DANIEL 11:13

Ndien edidem edem edere eyefiak okotim akamba otu owo eke okponde akan eke akpa; ndien ke utit ndusuk isua enye iditreke ndida ediwak mbon-ekɔŋ ye ediwak inyene ndi.

HOSEA 2:3

nnyuŋ nnim enye nte usen emi enye akamanade, nnyuŋ nnim enye ke wilderness, nnyuŋ nsin enye edi edisat isɔŋ, nnyuŋ ŋwot enye ke nsat-itɔŋ.

HOSEA 8:7

Koro mmɔ eketɔde ofum ke isɔŋ, ndien mmɔ eyedɔk oyobio: etak iduhe ke esit: mbuŋwum esie idinamke ndom-uyo; ama anam, isen owo eyemen enye esin ke idibi.

HOSEA 9:2

Ɔtɔ ubek-ibokpot ye ɔtɔ unuak-wine idibɔkke mmɔ, obufa wine eyenyuŋ anana ke esit.

JOEL 2:14

Anie ɔfiɔk mme enye eyekabare onyuŋ atua mkpɔfiɔk, onyuŋ ɔkpɔŋ eti ŋkpɔ ke edem esie, kpa inuak-udia ye uwa ediŋwɔŋ-ŋkpɔ, ɔnɔ Jehovah Abasi mbufo?

ZEPHANIAH 1:13

Ndien inyene mmɔ eyeka-bare edi se ebumede, mme ufɔk mmɔ eyenyuŋ ewure: ndien mmɔ eyebɔp ufɔk, edi ididuŋke; eyenyuŋ etɔ iŋwaŋ-vine, ndien idiŋwɔŋke wine mmɔ.

MALACHI 1:4

Koro Edom ɔdɔhɔde ete, “Nnyin imesuana, edi iyetɔŋɔ ntak ibɔp ŋwure”; ntem ke Jehovah mme udim ɔdɔhɔ ete, Mmɔ eyebɔp, edi ami nyewuri: ndien eyesio mmɔ enyiŋ “Adaŋa idiɔk,” ye “Mbio emi Jehovah ofutde esit ye mmɔ ke nsinsi.”

MALACHI 3:18

Ndien mbufo eyetɔŋɔ ntak ekut nte eti ye idiɔk esaŋade isio, ye nte anam ŋkpɔ Abasi ye owo eke minamke ŋkpɔ esie esaŋade isio.