HOSEA 2:4 - Edisana ñwed Abasi Ibom

⁴ Ndinyuŋ ntuaha nditɔ esie mbɔm: koro mmɔ edide nditɔ use.

HOSEA 2:4 ပူးပေါင်းရင်းမြစ်များ

2 NDIDEM 9:22

Edikem ke ini Jehoram okutde Jehu, enye obup ete, Nte edi emem, Jehu? Ndien enye ɔbɔrɔ ete, Nso emem, adaŋa ini nte use Jezebel uka, ye ediwak idiɔŋ esie ebigide?

ISAIAH 27:11

Ke ini ŋkɔk esie esatde, eyebuŋ mmɔ efep; iban eyedi, edibara ikaŋ ke esit: koro mmɔ midige mbon asian; oro esin Andinam mmɔ mituaha mmɔ mbɔm, esin Andibot mmɔ mifɔnke ido ye mmɔ.

ISAIAH 50:1

NTEM ke Jehovah ɔdɔhɔ, ete, enye ŋwed usio-ndɔ eka mbufo emi ŋkebinde mfep? Mme anie ke otu mmɔ emi ŋkamade mmɔ isɔn ke ŋkanyam mbufo nnɔ? Sese, ekenyam mbufo ebaŋa mme idiɔk ido mbufo, ekenyuŋ ebin eka mbufo efep ebaŋa mme oburobut ido mbufo.

ISAIAH 57:3

Ama edi mbufo, nditɔ ŋwan idiɔŋ, ubon ŋwan efibe, ye eke akpara, esaŋa ekpere ken.

JEREMIAH 13:14

Ndien ami nyeyibi mmɔ kiet kiet nnuak, ye mme ete ye nditɔ ɔtɔ kiet, Jehovah ɔdɔhɔ: ndiyakke, ndinyuŋ nnyeneke mbɔm, ndinyuŋ ntuaha mbɔm, edi nyesobo mmɔ.

JEREMIAH 16:5

Koro ntem ke Jehovah ɔdɔhɔ, ete, Kuduk ke ufɔk ikpo, kunyuŋ uka ukatua, kunyuŋ utua mmɔ mbɔm: koro mbɔ mbio emi emem mi, ye ima, ye mbɔm; uyo Jehovah edi emi.

EZEKIEL 23:25

Ndien nyeda ufup mi nnam ikɔ ye afo, ndien mmɔ eyenam fi ŋkpɔ ke iyaresit: eyesibe fi ibuo ye utɔŋ efep; ndien nsuhɔ fo eyeduɔŋɔ ke ofut: mmɔ eyemen nditɔ-iren fo ye nditɔ-iban fo efep; enyuŋ eta nsuhɔ fo ke ikaŋ.

EZEKIEL 8:18

Ndien ami ŋko nyenam ke ifuresit: enyin mi idinyeneke mbɔm, ndinyuŋ nyakke: ndien mmɔ eyefiori mi ɔkpɔsɔŋ uyo ke utɔŋ, edi ndikopke uyo mmɔ.

EZEKIEL 9:10

Ndien ama edi ami ŋkɔ, enyin mi idinyeneke mbɔm; ndinyuŋ nyakke; mmada usuŋ mmɔ ndori mmɔ ke ibuot.

HOSEA 1:2

Eritɔŋɔ ikɔ emi ke Jehovah akada Hosea etiŋ. Ndien Jehovah ɔdɔhɔ Hosea, ete, Ka kada ŋwan efibe ye nditɔ efibe ke idem fo: koro isɔŋ emi esinde ata efibe onyuŋ ɔkpɔŋde Jehovah.

HOSEA 1:6

Ndien enye ɔtɔŋɔ ntak oyomo, onyuŋ aman eyen-aŋwan. Ndien Abasi ɔdɔhɔ enye, Sio enye enyiŋ Lo-ruhamah (Ituaha enye mbɔm): koro mmendituaha aba ufɔk Israel mbɔm: koro mmenditreke ndimen mmɔ mfep.

HOSEA 5:7

Mmɔ emenam abiaŋa ye Jehovah: koro ebonde isen nditɔ: ke emi ɔfiɔŋ kiet eyedia mmɔ ye mme udeme mmɔ.

ZECHARIAH 1:12

Ndien angel ɔbɔrɔ, ete, O Jehovah mme udim, adaŋa didie ke afo udutuaha Jerusalem mbɔm, ye mme obio Judah emi afo ayatde esit ye mmɔ ke ofuri isua ata ye duop emi?

JOHN 8:41

Mbufo enanam ubɔk-utom ete mbufo. Mmɔ ete Enye, Nnyin idige nditɔ akpara: nnyin inyene ete kiet kpɔt kpa Abasi.

ŊWED MBON ROME 11:22

Ese mfɔn-ido ye nsɔŋ-ido Abasi ndien; nsɔŋ-ido ye mmɔ emi eduɔde; edi mfɔn-ido Abasi ye afo, edieke afo ɔsɔŋɔde omum mfɔn-ido Esie akama: midige ntre, eyekpi fi ŋko eduɔk.

ŊWED MBON ROME 9:18

Ntre ke Enye enyene mbɔm ye owo eke Enye amade, onyuŋ ɔsɔŋ owo esit nte amade.

JAMES 2:13

Koro ikpe minyeneke mbɔm ye owo emi mikatuaha owo mbɔm; edi mbɔm obure mbure akan ikpe.