HOSEA 2:23 - Edisana ñwed Abasi Ibom

²³ Nyenyuŋ ntɔ enye ke isɔŋ nnɔ idem mi nnyuŋ ntua Lo-ruhamah mbɔm: nnyuŋ ndɔhɔ Lo-ammi, nte, Afo edi ikɔt mi; ndien enye eyedɔhɔ mi, ete, Abasi mi.

HOSEA 2:23 ပူးပေါင်းရင်းမြစ်များ

ŊWED MME PSALM 118:28

Afo edi Abasi mi, ndien nyekɔm fi: Abasi mi, nyekpono fi.

ŊWED MME PSALM 22:27

Kpukpru mme utit ererimbot eyeti, enyuŋ ekabare etiene Jehovah: kpukpru ufɔk mme idut eyenyuŋ etuak ibuot enɔ fi.

ŊWED MME PSALM 68:31

Mbɔŋ eyeto ke Egypt edi, Ethiopia eyesɔp edi edinɔ Abasi ubɔk esie.

ŊWED MME PSALM 72:16

Uwak ibokpot eyedu ke isɔŋ ke nsom ikpɔ obot; mfri esie eyenyeŋe nte Lebanon: ndien mbio-obio eyesehe nte mbiet iŋwaŋ.

IKWƆ SOLOMON 2:16

Ama mi edi okim, ami nnyuŋ ndi esie: enye ɔbɔk ufene esie ke otu mme lily.

ISAIAH 44:5

Emi eyedɔhɔ, ete, Ami mmenyene Jehovah; emi ŋko eyeseme okot enyiŋ Jacob, ndien emi eyeda ubɔk esiemɔ ewet, ete, Eke Jehovah, onyuŋ ada enyiŋ Israel adian idem.

JEREMIAH 16:19

O Jehovah odudu mi, ye ɔkpɔsɔŋ ufɔk mi, ye ebiet ubɔhɔ mi ke ini ukut, mme idut eyeto ke mme utit isɔŋ etiene fi, enyuŋ edɔhɔ, ete, Ŋkɔm mme ete nnyin ekedia akpa nsu, ye ikpikpu ŋkpɔ, baba kiet eke odorode udori inyuŋ iduhe ke otu mmɔ.

JEREMIAH 30:22

Emi edi uyo Jehovah. Ndien mbufo eyedi ikɔt mi, ami nyenyuŋ ndi Abasi mbufo.

JEREMIAH 31:27

Jehovah ɔdɔhɔ, ete Sese, mme usen ke edi eke ndidade mkpasip owo ye mkpasip ufene nsuan ke ufɔk Israel ye ke ufɔk Judah.

JEREMIAH 32:38

Ndien mmɔ eyedi ikɔt mi, ami nyenyuŋ ndi Abasi mmɔ:

JEREMIAH 33:26

ndien nyemen ubon Jacob ye ubon David owo mi ŋko nduɔk, ndinyuŋ nsioho aba owo eke edikarade ubon Abraham, ye Isaac, ye Jacob, ke ubon esie: koro nyeda nditɔ mmɔ emi eketaŋde efep mfiak ndi, nnyuŋ ntua mmɔ mbɔm.

EZEKIEL 36:29

Ndien nyenyaŋa mbufo nsio kpukpru ndek mbufo mfep: nyenyuŋ ŋkot ibokpot edi, nnyuŋ nnam enye awak, ndinyuŋ ndorike mbufo akaŋ.

HOSEA 1:6

Ndien enye ɔtɔŋɔ ntak oyomo, onyuŋ aman eyen-aŋwan. Ndien Abasi ɔdɔhɔ enye, Sio enye enyiŋ Lo-ruhamah (Ituaha enye mbɔm): koro mmendituaha aba ufɔk Israel mbɔm: koro mmenditreke ndimen mmɔ mfep.

HOSEA 8:2

Mmɔ eyeseme ekot mi, ete, O Abasi mi, nnyin Israel imɔfiɔk fi.

ZECHARIAH 10:9

Ndien nyesuan mmɔ ke otu mme idut: ndien mmɔ eyetie ke nnyan idut eti mi; mmɔ eyenyuŋ edu uwem ye nditɔ mmɔ, enyuŋ efiak edem edi.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

ZECHARIAH 14:16

Ndien ama ekem kpukpru mbio kpukpru mme idut eke esuhɔde eke ekedide ekɔŋ ye Jerusalem, eyedɔk kpukpru isua ndituak ibuot nnɔ edidem, kpa Jehovah mme udim, nnyuŋ nnim usɔrɔ mme ataya.

ZECHARIAH 14:9

Ndien Jehovah eyedi edidem ofuri isɔŋ emi; ke usen oro Jehovah eyedu kierakiet, ye enyiŋ esie kierakiet.

ZECHARIAH 2:11

Ndien ediwak mme idut eyedian idem mmɔ ye Jehovah ke usen oro, eyenyuŋ edi ikɔt mi; ndien ami nyeduŋ ke ufɔt fo, ndien afo eyefiɔk ete ke Jehovah ɔmɔdɔŋ mi utom ke ɔtɔ fo.

MALACHI 1:11

Koro enyiŋ mi eyekpon ke otu mme idut ɔtɔŋɔde ke edem usiaha-utin tutu osim ke edem usop; ndien mmɔ eyefɔp incense ye edisana uwa enɔ enyiŋ mi ke kpukpru ebiet: koro enyiŋ mi eyekpon ke otu mme idut, Jehovah mme udim ɔdɔhɔ.

ŊWED MBON ROME 3:29

Midige ntre, nte Abasi edi Abasi mme Jew ikpɔŋ? Nte Enye inyuŋ idige Abasi mme Gentile nde? Ke akpanikɔ Enye edi Abasi mme Gentile nde; sia Abasi edide Abasi kiet,

JAMES 1:1

JAMES, emi edide owo Abasi ye Ɔbɔŋ Jesus Christ, ewet ɔnɔ esɔk esien duopeba emi esuanade, ete ikɔm mmɔ.