Udukereke aba Azuvah (ŋwan eke ekpɔŋde): isɔŋ fo idinyuŋ ikereke aba Shemamah (desert): edi eyesio fi enyiŋ Hephzibah (ŋwan oro enem mi esit): eyesio isɔŋ fo enyiŋ Beulah (ŋwan emi edɔde): koro afo eyenem Jehovah esit; eyenyuŋ eda isɔŋ fo edɔ.
Ndien nyenɔ mmɔ esit eke ɔfiɔkde mi, ete ke ami ndi Jehovah: ndien mmɔ eyedi ikɔt mi, ami nyenyuŋ ndi Abasi mmɔ: koro mmɔ eyefiak etiene mi ke ofuri esit mmɔ.
Ndien mmɔ eyedi edikwɔ ke obot Zion, enyuŋ ebuŋɔ edi ke mfɔn Jehovah: ebaŋa ibokpot ye obufa wine, ye aran, ye nditɔ ŋkpri ufene, ye nditɔ enaŋ: ndien ukpɔŋ mmɔ eyebiet iŋwaŋ eke ɔŋwɔŋde mmɔŋ; ndien mmɔ idiyemekede aba.
Ndien Jehovah eyebɔrɔ, onyuŋ ɔdɔhɔ ikɔt esie, ete, Sese, ami nyeda ibokpot nnɔ esɔk mbufo, ye obufa wine, ye aran, ndien mbufo eyeyuhɔ ke esit: ndinyuŋ nnimke aba mbufo ke ŋkpɔ but ke otu mme idut.