HOSEA 2:19 - Edisana ñwed Abasi Ibom

¹⁹ Ndien nyebem fi nnim nnɔ idem mi ke nsinsi; ŋkɔm nyebem fi nnim nnɔ idem mi ke edinen ido, ye ke ikpe, ye ke ima, ye ke mfɔn.

HOSEA 2:19 ပူးပေါင်းရင်းမြစ်များ

ŊWED MME PSALM 85:10

Ima ye akpanikɔ emesobo ɔtɔ kiet; erinen ye emem emetim kiet eken inua.

ISAIAH 1:27

Eyeda ikpe efak Zion, enyuŋ eda eti ido efak nditɔ esie emi ekabarede.

ISAIAH 54:14

Eti ido eyenam fi ɔsɔŋɔ ada: nyomo-nsia eyeyom usuŋ ye afo: koro afo mududikheke; afo eyeyom usuŋ ke akpakop ndik: koro enye midisaŋake ikpere fi. Sese, mmɔ eyesop idem, edi itoho ye ami.

ISAIAH 54:5

Koro andibot fi edide uberi; Jehovah mme udim edi enyiŋ esie; andifak fi onyuŋ edi Edisana Abasi Israel; enye eyekere Abasi ofuri ererimbot.

ISAIAH 54:6

Koro Jehovah okotde fi, kpa nte ŋwan eke owo ɔduɔkde, eke esit onyuŋ ɔduɔde enye, ye nte ŋwan eyen, ke esiode enye, Abasi fo ɔdɔhɔ.

JEREMIAH 4:2

Afo onyuŋ ɔŋwɔŋɔ ete, Ma Jehovah, ke akpanikɔ ye ke ikpe ye ke edinen ido; ndien mme idut eyeda Enye ediɔŋ idem-mmɔ, enyuŋ ebure mbure ke Enye.

EZEKIEL 16:8

Ndien ami nsaŋa mbe fi nnyuŋ ŋkut fi, ndien, sese, ini fo edi ini ima; ndien ami ntat ɔfɔŋidem mi ndori fi ke idem, nnyuŋ mfuk fi iferi: nnyuŋ ŋŋwɔŋɔ nnɔ fi, nnyuŋ nduk ke ediomi ye afo, ndien afo akabare edi okimmɔ: uyo Ɔbɔŋ Jehovah edi emi.

EZEKIEL 39:29

Ndien ndidipke aba mmɔ iso mi: koro nduɔkde ufɔk Israel spirit mi ke idem. Uyo Ɔbɔŋ Jehovah edi emi.

HOSEA 14:4

Nyenam mfiak-edem mmɔ okure; nyeda ima-esit mma mmɔ; koro iyaresit mi amakabare ɔkpɔŋ mmɔ.

JOEL 3:20

Ndien Judah eyetie ke nsinsi, Jerusalem eyenyuŋ etie ke ofuri emana.

ZECHARIAH 13:2

Jehovah mme udim onyuŋ ɔdɔhɔ, ete, Ama ekem ke usen oro, nyesibi enyiŋ ndem ke isɔŋ emi mfep, ndien iditihi aba mmɔ: nyenyuŋ nnam mme prophet ye spirit ndek edaŋa ke isɔŋ emi.

JOHN 3:29

Enyene-aŋwan-ndɔ edi ebe-ŋwan: edi ufan ebeŋwan, emi adade da okop enye uyo, adara eti-eti ndikop uyo ebeŋwan: ntem ke idara mi emi ama akabare ɔyɔhɔ.

ŊWED MBON ROME 7:4

Mmɔdo nditɔ-ete mi, ekeda ikpɔhidem Christ esin mbufo ekpaŋa ewɔrɔ ke idak ibet, kpaŋ mbufo ekpekabare ediana ye Owo efen, kpa Enye emi ekesetde ke mkpa, man nnyin isioŋo mfri inɔ Abasi.

2 ŊWED CORINTH 11:2

Koro mmenyene ufup Abasi mbaŋa mbufo; koro ŋkada mbufo nnɔ ebe kiet, man ŋkpemen mbufo nte edisana eyen-aŋwan nnɔ Christ.

ERIYARARE 21:2

Ndien ŋkut edisana obio, Obufa Jerusalem, nte otode ke Abasi ɔsuhɔre ke heaven edi, ema enyuŋ etim enye idem nte ŋwan-ndɔ emi ebanade ebeŋe ebe.