HOSEA 2:16 - Edisana ñwed Abasi Ibom

¹⁶ Ndien Jehovah ɔdɔhɔ, ete, Ama ekem ke usen oro afo eyekot mi, ete Ishi (Ebe mi) ndien udukotke aba mi, ete, Baali (Ɔbɔŋ mi).

HOSEA 2:16 ပူးပေါင်းရင်းမြစ်များ

GENESIS 34:3

asabade enye. Esit esie onyuŋ adiana ye Dinah eyen Jacob, enye onyuŋ ama eyen oro, onyuŋ etiŋ

ISAIAH 40:2

Edɔhɔ ye Jerusalem ufan-ufan, enyuŋ ekwɔrɔ enɔ enye, ete, Ke ekɔŋ esie ɔmɔyɔhɔ, ke emefen idiɔk ido esie: ke enye ɔmɔbɔ Jehovah ke ubɔk utim ikaba abaŋa kpukpru mme idiɔk ido esie.

ISAIAH 54:5

Koro andibot fi edide uberi; Jehovah mme udim edi enyiŋ esie; andifak fi onyuŋ edi Edisana Abasi Israel; enye eyekere Abasi ofuri ererimbot.

JEREMIAH 3:14

Jehovah ɔdɔhɔ, ete, Mbufo nditɔ mfiakedem efiak edem; koro ami ŋkɔdɔde mbufo: ndien nyeda mbufo kiet ke obio, ye iba ke oruk, nnyuŋ nda mbufo ndi ke Zion:

EZEKIEL 20:35

Ndien nyeda mbufo nduk ke wilderness mme idut, nnyuŋ ŋkpe ikpe do ye mbufo iso ye iso.

HOSEA 2:7

Ndien enye eyebine mmɔ eke emade enye, edi idisimke mmɔ; eyenyuŋ oyom mmɔ, edi idikwe. Ndien enye eyedɔhɔ, ete, Nyefiak ntiene akpa ebe mi: koro ɔkɔfɔnde ye ami ini oro akan emi.

JOHN 3:29

Enyene-aŋwan-ndɔ edi ebe-ŋwan: edi ufan ebeŋwan, emi adade da okop enye uyo, adara eti-eti ndikop uyo ebeŋwan: ntem ke idara mi emi ama akabare ɔyɔhɔ.

2 ŊWED CORINTH 11:2

Koro mmenyene ufup Abasi mbaŋa mbufo; koro ŋkada mbufo nnɔ ebe kiet, man ŋkpemen mbufo nte edisana eyen-aŋwan nnɔ Christ.

ERIYARARE 19:7

Eyak nnyin idara inyuŋ idat esit, inyuŋ inɔ Enye ubɔŋ; Koro ekem ini ndɔ Eyenerɔŋ, Ŋwan Esie otim idem ebeŋe Enye;

JUDGES 19:3

Ekem ebe esie adaha ke enyɔŋ ebine enye, ndidɔhɔ ikɔ ufan-ufan ye enye, nnyuŋ nda enye nnyɔŋ, asaŋa ye eyenɔwɔŋ esie, ye ass iba: ndien ŋwan ada enye oduk ke ufɔk ete esie; ndien adaŋemi ete eyen-aŋwan oro okutde enye, enye adat esit ndisobo ye enye.

RUTH 2:13

Ndien enye (Ruth) ɔdɔhɔ ete, Nen iso ye ami, ɔbɔŋ mi: koro afo ɔmɔdɔŋ mi esit, omonyuŋ ɔdɔhɔ eti ikɔ ye eyen fo ŋwan, okposuk edi nte ami mmentiehe nte owo kiet ke otu nditɔ fɔ iban.