HOSEA 14:9 - Edisana ñwed Abasi Ibom

⁹ Anie owo enyene ibuot, man enye otim ese ŋkpɔ emi? Anie owo edi ɔniɔŋ, man enye ɔfiɔk mmɔ? Koro mme usuŋ Jehovah enende; ndinen owo eyenyuŋ esaŋa mmɔ ke esit: ndien mmɔ eke eduede eyeduɔŋɔ ke esit.

HOSEA 14:9 ပူးပေါင်းရင်းမြစ်များ

GENESIS 18:25

Nsa fo O! Ndinam ntem, ndiwot mmɔ eke enende ye mmɔ eke minenke: mmɔ eke enende ndinyuŋ ntie nte mmɔ eke minenke, nsa fo O! Nte Ebierikpe ofuri ererimbot idinamke se inende?

ŊWED JOB 17:9

Edi edinen owo eyemum usuŋ esie akama: ndien owo eke ubɔk asanade eyediɔŋ ɔsɔŋ aka iso.

ŊWED MME PSALM 107:43

Owo ekededi eke enyenede ibuot eyetiŋ enyin ke ŋkpɔ emi, eyenyuŋ ekere ima Jehovah.

ŊWED MME PSALM 119:128

Mmɔdo mmese kpukpru item fo emi ebaŋade kpukpru ŋkpɔ ke se inende; nnyuŋ nsua kpukpru usuŋ nsu.

ŊWED MME PSALM 119:75

O Jehovah, mmɔfiɔk nte mme ikpe fo enende: akpanikɔ omonyuŋ esin fi otuk mi.

ŊWED MME PSALM 84:5

Ɔfɔfɔn ɔnɔ owo eke odudu esie odude fi ke idem, ɔkpɔ-usuŋ edu mmɔ ke esit.

ŊWED MME PSALM 84:7

Mmɔ eda nsɔŋ-idem edediɔŋ eka iso; kpukpru mmɔ ebiɔŋɔre ke iso Abasi ke Zion.

MME ŊKE 10:29

Usuŋ Jehovah edi ɔkpɔsɔŋ iduŋ owo eke ɔfɔnde ama: edi nsobo ana ɔnɔ mme anam idiɔk.

MME ŊKE 16:21

ɔfɔfɔn ɔnɔ enye! Eyekot owo eti ibuot, ete, “Asian”: ndien udɔn inua ɔkɔrɔ ke se ekpepde.

MME ŊKE 4:18

Edi usuŋ nti owo ebiet uŋwana eke asiahade, aka iso ayama, tutu osim ufɔt uwemeyo.

ISAIAH 1:28

Edi eyesobo mme oburobut owo ye mme anam idiɔk ini kiet, ndien mmɔ eke ekpɔŋde Jehovah eyetak.

ISAIAH 17:8

Ndien enye iditiŋke enyin ke mme itie-uwa emi ubɔk esie anamde, idinyuŋ isehe se nnuenubɔk esie ekenamde, mme eto-mkpe, ye mbiet utin.

ISAIAH 26:7

Usuŋ edinen owo enenen: Afo Edinen eyediɔŋ ɔkpɔ-usuŋ edinen owo.

JEREMIAH 29:12

Ndien mbufo eyefiori ekot mi, enyuŋ eka ekekpe mi ubɔk, ndien nyekop uyo mbufo.

JEREMIAH 9:12

Anie owo enyene ibuot, ndien enye eyetim okut ŋkpɔ emi? Ndien anie edi owo emi inua Jehovah ɔdɔhɔde ye enye, ndien enye eyebuk enye? Isɔŋ anam didie atak, abiara nte wilderness eke baba owo keit misaŋake ibe?

EZEKIEL 11:18

Ndien mmɔ eyesim ko, eyenyuŋ esioŋo kpukpru ŋkpɔ ndek esie, ye kpukpru mbubiam esie efep ke esit.

EZEKIEL 18:25

Ndien mbufo ke edɔhɔ ete, “Usuŋ Ɔbɔŋ inenke.” O ufɔk Israel, mbufo ekop, mbɔk; nte usuŋ mi inenke? Nte idige usuŋ mbufo inenke?

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

DANIEL 12:10

Eyesioŋo ediwak owo ndek ke idem efep, enyuŋ enam mmɔ edi edisana, enyuŋ edomo mmɔ; edi mme idiɔk owo eyenam idiɔk; baba idiɔk owo kiet idinyuŋ idige asian, edi mmɔ eke enyenede eti ibuot eyedi asian.

ZEPHANIAH 3:5

Edinen Jehovah odu enye ke esit: enye idinamke se ikwaŋade: eyeda ikpe esie kpukpru usenubɔk onim ke uŋwana: enye ikpuhe; edi owo ŋkwaŋa ifiɔkke but.

ZECHARIAH 10:6

Nyenyuŋ nnam ufɔk Judah ɔsɔŋ, nnyuŋ nyaŋa ufɔk Joseph, nnyuŋ nyak mmɔ eduŋ: koro mmatua mmɔ mbɔm: ndien mmɔ eyetie kpa nte ŋkpɔ eke mmeŋkemenke mmɔ nduɔk: koro ami ndide Jehovah Abasi mmɔ, ami nyenyuŋ nyere mmɔ.

MATTHEW 11:19

Eyen Owo emedi, adia ŋkpɔ onyuŋ ɔŋwɔŋ; ndien mmɔ ete, Sese, owo udia ye amammin, ufan mme publican ye mme idiɔk owo. Edi ubɔkutom Eti ibuot ewut ete Eti ibuot enen.

LUKE 2:34

Simeon onyuŋ ɔdiɔŋ mmɔ, onyuŋ ɔdɔhɔ Mary eka Esie ete, Sese, ema enim Eyen emi, man ediwak owo ke Israel eduɔŋɔ enyuŋ edaha eda; man Enye onyuŋ edi

LUKE 7:23

Ndien ɔfɔfɔn ye owo ekededi eke midikwe ntak iduɔ ye Ami.

JOHN 15:24

Edieke mmneŋkpesineke ke ufɔt mmɔ nnam mme utom eke akanam owo efen minamke, mmɔ ikpenyeneke idiɔk-ŋkpɔ: edi ke emi mmɔ ekokut enyuŋ esua Mi ye Ete Mi.

JOHN 18:37

Ntem Pilate obup Enye ete, Nte Afo edi edidem naŋa? Jesus ɔbɔrɔ ete, Omotim etiŋ ete ndi Edidem. Nkamana kabaŋa ntak emi, ŋkonyuŋ nduk ke ererimbot kabaŋa ŋkpɔ emi, man ndi ntiense nnɔ akpanikɔ. Kpukpru mmɔ eke edide eke akpanikɔ, ekop uyo Mi.

JOHN 8:47

Enye eke edide owo Abasi okop ikɔ Abasi; sia mbufo midige ikɔt Abasi, emi esin mbufo ekukop.

JOHN 9:39

Ekem Jesus ɔdɔhɔ ete, Ami mma ndi ke ererimbot emi ndikpe ikpe nnɔ owo, man mmɔ eke mikwe ŋkpɔ ekpekut, mmɔ eke ekutde ŋkpɔ ekponyuŋ ekabare edi nnan.

UTOM MME APOSTLE 13:10

O afo, emi kpukpru abiaŋa ye idiɔk-ŋkpɔ ɔyɔhɔde fi ke idem, afo eyen Satan, afo usua kpukpru nti ido, nte afo udutreke ndikwaŋa edinen usuŋ Ɔbɔŋ?

ŊWED MBON ROME 7:12

Ntem ke ibet asana, item onyuŋ asana, onyuŋ enen, onyuŋ ɔfɔn.

DEUTERONOMY 32:4

Akwa itiat, utom esie ɔfɔn ama: koro kpukpru usuŋ esie enende: Abasi akpanikɔ emi minamke ukwaŋkpɔ, enye edi eti ye edinen.

ERIYARARE 15:3

Mmɔ enyuŋ ekwɔ ikwɔ Moses owo Abasi ye ikwɔ Eyen-erɔŋ, ete, Mme utom Fo ekponi enyuŋ enyene nyɔ, O Ɔbɔŋ Abasi, Andikara kpukpru ŋkpɔ; Mme usuŋ Fo enen enyuŋ edi akpanikɔ, O Edidem mme obio.