HOSEA 14:7 - Edisana ñwed Abasi Ibom

⁷ Mmɔ eke eduŋde ke idak mfut esie eyefiak edi; mmɔ eyefiari nte ibokpot, enyuŋ esiaha nte vine; etop esie eyebiet eke wine Lebanon.

HOSEA 14:7 ပူးပေါင်းရင်းမြစ်များ

ŊWED MME PSALM 138:7

Ke ini nsaŋade ke ufɔt nnanenyin, afo eyenim mi ke uwem: eyenyan ubɔk fo odori ke iyaresit mme asua mi; ubɔk nnasia fo eyenyuŋ anyaŋa mi.

ŊWED MME PSALM 85:6

Nte afo edinam iyaresit fo osim kpukpru emana? Nte afo udutɔŋɔke ntak udemere nnyin, man ikɔt fo ekpedara fi?

ŊWED MME PSALM 91:1

OWO eke etiede ke ndibe ebiet Ata Edikoŋ, ke oduŋ ke mfut Ata Ɔkpɔsɔŋ.

IKWƆ SOLOMON 2:3

Nte apple ke otu eto akai, kpa ntre ke ama mi etie ke otu mkparawa. Mmama nditie ke mfut esie, mfri esie onyuŋ eniŋe mi ke nsiŋ.

IKWƆ SOLOMON 4:11

O ŋwan mi, mkpɔk-inua fo etɔi aran-ɔkwɔk: aran-ɔkwɔk ye mmɔŋ-eba edu fi ke idak edeme: ufuɔŋ edisine-ŋkpɔ fo onyuŋ ebiet ufuɔŋ Lebanon.

IKWƆ SOLOMON 6:11

Ŋkɔsuhɔre ŋka ke iŋwaŋ isip, ndise awawa ikɔŋ ke mben idim, ndise mme mme vine esehe, mme mme pomegranate efiari ikɔŋ.

ISAIAH 61:11

Koro kpa nte isɔŋ osioŋode ŋkpɔ emi ɔkɔride ke esit, ye nte iŋwaŋ ŋko onyuŋ otibede se etɔde ke esit: kpa ntre ke Ɔbɔŋ Jehovah edinam edinen ido ye itoro etibe ke iso kpukpru mme idut.

EZEKIEL 17:23

nyetɔ enye ke edikoŋ obot Israel: ndien enye eyesiaha ŋkɔk, onyuŋ ŋwum mfri, onyuŋ akabare edi ata akamba cedar: ndien kpukpru inuen kpukpru oruk mba eyeduŋ ke idak esie; mmɔ eyeduŋ ke mfut ŋkɔk esie,

HOSEA 14:5

Nyenam ye Israel nte mbara: enye eyesiaha nte lily, onyuŋ omum oruŋ esie nte Lebanon.

HOSEA 2:21

Jehovah ɔdɔhɔ ete, Ndien ama ekem ke usen oro, nyeyere, nyeyere enyɔŋ, ndien enyɔŋ eyeyere isɔŋ;

HOSEA 2:22

isɔŋ eyenyuŋ eyere ibokpot ye obufa wine ye aran; ndien mmɔ eyeyere Jezreel.

HOSEA 6:2

Ke usen iba ebede, enye eyenam nnyin iset: ke ɔyɔhɔ usen ita enye eyedemere nnyin, ndien nnyin iyedu uwem ke iso esie.

ZECHARIAH 8:12

Koro mkpasip eyetɔt; vine eyenɔ mfri esie, isɔŋ eyenyuŋ ɔnɔ mbuŋwum esie, ikpa-enyɔŋ eyenyuŋ ɔnɔ mbara esie; ndien nyenam mbio emi esuhɔde eda kpukpru ŋkpɔ emi enyene.

JOHN 11:25

Jesus ɔdɔhɔ enye ete, Ami ndi eriset ye uwem: owo eke ɔbuɔtde idem ye Ami, okposuk edi nte enye ama akpa, enye eyedu uwem:

JOHN 12:24

Ke akpanikɔ ke ndɔhɔ mbufo, Adaŋa nte mkpasip ibokpot miduɔhɔ isine ke esit isɔŋ ikpa, enye osuk odu ke idem esie ikpɔŋ; edi enye ama akpa, oŋwum ekese mfri.