HOSEA 14:3 - Edisana ñwed Abasi Ibom

³ Asshur idinyaŋake nnyin: nnyin ididoroke ke horse: idinyuŋ idɔhɔke aba ye se ubɔk nnyin ekenamde, ite, Abasi nnyin: koro afo atuade eyen eke ananade ete mbɔm.

HOSEA 14:3 ပူးပေါင်းရင်းမြစ်များ

2 CHRONICLES 16:7

Ekem ke ini oro Hanani okut-ŋkukut edi ke ɔtɔ Asa edidem Judah, edidɔhɔ enye, ete, Koro afo ɔbuɔtde idem fo ye edidem Syria, ndien mubuɔtke idem fo ye Jehovah Abasi fo, mmɔdo udim-ekɔŋ edidem Syria ɔmɔbɔhɔ fi ke ubɔk.

ŊWED MME PSALM 10:14

Afo omokut; koro afo etiŋde enyin ese ibak ye iyaresit man ada mmɔ esin ke ubɔk fo: eyen ukut ayak idem ɔnɔ fi; afo edi iberedem eyen-akpa.

ŊWED MME PSALM 146:3

Mbufo ekubuɔt idem ye mbɔŋ, ekubuɔt ye eyen owo, emi erinyaŋa miduhe enye ke idem.

ŊWED MME PSALM 146:9

Jehovah ekpeme isen owo; enye emenere eyen-akpa ye ebe-akpa onim ke enyɔŋ: onyuŋ akwaŋa usuŋ mme idiɔk owo.

ŊWED MME PSALM 33:17

Horse edi ŋkpɔ abiaŋa ke erida mbɔhɔ: idinyuŋ inamke owo ɔbɔhɔ ke akwa odudu esie.

ŊWED MME PSALM 68:5

Abasi edi ete nditɔ-akpa, ye ebierikpe mme ebe-akpa, ke edisana iduŋ esie.

ISAIAH 1:29

Koro mmɔ eyeda but ebaŋa ofriyo emi enemde mbufo esit; mbufo eyenyuŋ ekop esuene ebaŋa iŋ-waŋ esa emi mbufo emekde.

ISAIAH 2:20

Ke usen oro owo eyeda ibɔk silver esie, ye ibɔk gold esie, eke ekenamde enɔ enye, ete okpono, ɔduɔk ɔnɔ oyit ye emiaŋ;

ISAIAH 27:9

Mmɔdo emi osiode isop Jacob; emi onyuŋ edi ofuri mfri, ke emen idiɔk ido esie efep; ke enye onimde mme itiat itie-uwa nte itiat ndom eke enuakde mbai-mbai, mme eto-mkpe ye mbiet utin ididaha aba.

ISAIAH 30:16

Ndien mbufo ekedɔhɔ, ete, Ih ih, koro nnyin iyeda horse ifeŋe; mmɔdo mbufo eyefeŋe: nnyin iyenyuŋ idoro ke mme ɔsɔp-ukot; mmɔdo mmɔ eke ebinede mbufo eyesɔp ukot.

ISAIAH 30:2

Mmɔ esuhɔre eka Egypt, edi ibupke uyo mi; ebine odudu Pharaoh, enyuŋ ebuɔt idem ke mfut Egypt.

ISAIAH 31:1

IFƆNKE fɔn inɔ mmɔ eke esuhɔrede ke Egypt eyom owo eke aŋwamde mmɔ; enyuŋ eberede idem ke horse, enyuŋ ebuɔtde idem mmɔ ke chariot, koro ewakde; ye ke mbio horse, koro mmɔ esɔŋɔde eti-eti; edi mmɔ isehe Edisana Abasi Israel, inyuŋ iyomke Jehovah!

ISAIAH 31:3

Edi Egypt edi owo, idige Abasi; ndien mme horse mmɔ edi obukidem, idige spirit. Ndien Jehovah eyemenere ubɔk esiemɔ, ndien owo eke aŋwamde eyetuak ukot, ndien owo eke enye aŋwamde eyenyuŋ ɔduɔ, ndien eyesobo kpukpru mmɔ ɔtɔ kiet.

ISAIAH 36:8

Mbufo etuak ibuot ke iso itie-uwa emi? Kam mia ata ndien, mbɔk, ye ete mi, edidem Assyria, ndien nyenɔ fi tɔsin horse iba, edieke afo ekemede ke idem fo ndinɔ owo eke edidorode mmɔ.

JEREMIAH 49:11

Kpɔŋ nditɔ akpa fo, nyenim mmɔ ke uwem; ndien yak mme ebe akpa fo ebuɔt idem mmɔ ye ami.

EZEKIEL 36:25

Ndien nyesime mbufo edisana mmɔŋ ke idem, ndien mbufo eyedi edisana: nyesio mbufo kpukpru ndek mbufo ye kpukpru ibɔk mbufo ke idem mfep nnam esana.

EZEKIEL 37:23

Idinyuŋ idaha aba ibɔk mmɔ ye ŋkpɔ ndek mmɔ, ye baba mme idiɔk ido mmɔ kiet isabare idem mmɔ: ndien ami nyenyaŋa mmɔ nsio ke kpukpru ebiet iduŋ mmɔ emi mmɔ ekenamde idiɔk ke esit; nnyuŋ nnam mmɔ edi edisana: ndien mmɔ eyedi ikɔt mi, ami nyenyuŋ ndi Abasi mmɔ.

HOSEA 12:1

EPHRAIM adia ofum, onyuŋ ebine ofum ikɔrabak: enye awak nsu ye ŋkanubɔk ofuri usen; mmɔ enyuŋ ediomi ediomi ye Assyria; owo enyuŋ eda aran esɔk ke Egypt.

HOSEA 13:2

Ndien ke emi mmɔ edediɔŋ enam idiɔk; enyuŋ etara silver mmɔ enam mbiet ke idem mmɔ, adaŋa nte efiɔkde, kpa ibɔk; mbon-usɔ enam mmɔ kpukpru: mmɔ edɔhɔ ebaŋa mmɔ, ete, Yak owo eke ewade uwa etim nditɔ-enaŋ inua.

HOSEA 14:8

“Ami Ephraim nsaŋa nso ŋko ye ibɔk?” “Ami nyere: nyenyuŋ ntiŋ enye enyin ke idem:” “Ami mbiet awawa cypress.” “Ekut nte mfri fo otode mi.”

HOSEA 2:17

Ndien nyesio enye enyiŋ Baalim ke inua mfep, idinyuŋ idaha aba enyiŋ mmɔ iti mmɔ.

HOSEA 4:12

Ikɔt mi ke ebup eto mmɔ item, yak esaŋ mmɔ ndien ɔbɔrɔ mmɔ: koro spirit use esinde mmɔ ediyo, ndien mmɔ ekpɔŋ Abasi mmɔ enam use.

HOSEA 5:13

Ndien Ephraim okut udɔŋɔ esie, Judah onyuŋ okut unan esie, ndien Ephraim aka ke Assyria, onyuŋ ɔdɔŋ owo utom ke ɔtɔ edidem Jareh (usua); edi enye ikekwe nte anamde udɔŋɔ okure mbufo, inyuŋ ikɔkke mbufo unan.

HOSEA 7:11

Ndien Ephraim akabare ebiet ɔkɔi ibiom eke ananade ibuot: mmɔ efiori ekot Egypt, enyuŋ eka Assyria.

HOSEA 8:6

Koro emi ŋko otode ke Israel: mbon-usɔ ekenam enye; ndien enye idige Abasi: koro eyenenaŋ Samaria eyekabare edi nsuhɔ-nsuhɔ.

HOSEA 8:9

Koro mmɔ edɔkde eka Assyria nte ikpɔŋ ass ke idem esie: Ephraim emenɔ utip mme akpara.

JONAH 2:10

Ndien Jehovah ɔdɔhɔ iyak oro, ndien iyak ɔkpɔhi Jonah ɔduɔk ke obot.

ZECHARIAH 13:2

Jehovah mme udim onyuŋ ɔdɔhɔ, ete, Ama ekem ke usen oro, nyesibi enyiŋ ndem ke isɔŋ emi mfep, ndien iditihi aba mmɔ: nyenyuŋ nnam mme prophet ye spirit ndek edaŋa ke isɔŋ emi.

JOHN 14:18

Ndikpɔŋke mbufo nte nditɔ-akpa; mfafiak ntiene mbufo.

DEUTERONOMY 17:16

Edi yak enye okukɔ ediwak horse ke idem esie, okunyuŋ anam mbon emi afiak eka ke Egypt, man ekɔ ediwak horse: koro Jehovah ɔkɔdɔhɔde mbufo, ete, Mbufo ekufiak aba usuŋ oro.