HOSEA 14:1 - Edisana ñwed Abasi Ibom

¹ O ISRAEL, fiak tiene Jehovah Abasi fo: koro afo ɔmɔduɔ ke idiɔk ido fo.

HOSEA 14:1 ပူးပေါင်းရင်းမြစ်များ

2 NDIDEM 8:12

Ndien Hazael obup ete, Ɔbɔŋ mi atua nso? Ndien enye ete, Koro mfiɔkde mme idiɔk-ŋkpɔ emi afo edinamde nditɔ Israel; afo eyekim ikaŋ ke mkpɔsɔŋ ebiet mmɔ, onyuŋ owot mkparawa mmɔ ke ofut, onyuŋ oyibi nditɔwɔŋ mmɔ, onyuŋ asiak iban mmɔ eke eyomode idibi.

ISAIAH 19:22

Jehovah eyenyuŋ amia Egypt; amia, onyuŋ ɔkɔk: ndien mmɔ eyekabare etiene Jehovah, ndien enye eyekop ɔnɔ mmɔ, onyuŋ ɔkɔk mmɔ.

JEREMIAH 2:19

Idiɔk ido fo eyetunɔ fi, mfiak-edem fo eyenyuŋ ɔnɔ fi ufen: fiɔk ndien, nyuŋ se ete ke ɔmɔdiɔk, ke onyuŋ odoro, koro afo ɔkɔkpɔŋde Jehovah Abasi fo, koro ndik mi minyuŋ iduhe fi ke idem. Emi edi uyo Ɔbɔŋ Jehovah mme udim.

JEREMIAH 4:1

JEHOVAH ɔdɔhɔ ete, O Israel, afo ama afiak edi, fiak tiene mi: ama onyuŋ emen ŋkpɔ mbubiam fo ke iso mi efep, afo udusehekede.

ŊWED ESEME 5:16

Anyanya omoto nnyin ke ibuot ɔduɔ ke isɔŋ: ɔdiɔk ɔnɔ nnyin, koro nnyin imanam idiɔk!

EZEKIEL 16:46

Ndien akamba eyen-uka edi Samaria, ye nditɔ-iban esie emi eduŋde fi ke ubɔk ufien: ndien eyen-uka emi ekpride akan fi, onyuŋ oduŋde fi ke ubɔk nnasia, edi Sodom ye nditɔ-iban esie.

EZEKIEL 33:11

Dɔhɔ mmɔ, ete, Ɔbɔŋ Jehovah ɔdɔhɔ, ete, Ma uwem mi, mkpa idiɔk owo inemke mi esit, edi idiɔk owo akam akabare ɔkpɔŋ usuŋ esie, ndien odu uwem: mbufo, O ufɔk Israel, ekabare, ekabare; koro nsinam mbufo ekpekpaŋa?

EZEKIEL 33:14

Ndien ŋko ke ndɔhɔde idiɔk owo, nte, “Afo udutreke ndikpa”; ndien enye akabare ɔkpɔŋ mme idiɔk ido esie, onyuŋ anam edinen ido ye eti ido;

HOSEA 10:12

Mbufo ewari mkpasip ke idem mbufo ke nti ido, ndien mbufo eyekpeŋe nte ekemde ke ima (Abasi); mbufo ediɔŋ adaŋdaŋ ke idem mbufo: ndien ekem ke ini eke ekpeyomde Jehovah, tutu enye edikpep mbufo eti ido.

HOSEA 12:6

Afo ndien fiak tiene Abasi fo: nim ima ye ikpe, nyuŋ dori enyin ye Abasi fo kpukpru ini.

HOSEA 12:8

Ndien Ephraim ɔdɔhɔ ete, Ŋkɔm mmoforo, mmɔkɔ inyene nnɔ idem mi: ke baba utom mi kiet mmɔ idikwe idiɔk ŋkpɔ ye ami eke edide ŋkpɔ isop.

HOSEA 13:9

O Israel, afo omosobo idem fo: koro afo asuade mi andinyaŋa fi.

HOSEA 4:8

Mmɔ edia idiɔk ido ikɔt mi, enyuŋ esin esit mmɔ ke mme ukwaŋ-ŋkpɔ mmɔ.

HOSEA 5:5

Ndien iseri Israel etiŋ abaŋa enye ke iso esie: Israel ye Ephraim ŋko eyeduɔŋɔ ke mme ukwaŋ-ŋkpɔ mmɔ; ndien Judah eyenyuŋ ɔduɔ ye mmɔ.

HOSEA 6:1

MBUFO edi, nnyin inyɔŋ itiene Jehovah: koro edi enye akawai, ndien enye eyekɔk nnyin: edi enye okoyibi, ndien enye eyebɔp nnyin.

HOSEA 9:13

Mmokut nte etɔde Ephraim nte Tyre ke edifɔn ebiet: ndien Ephraim ɔmɔŋ oyom ndisioŋo nditɔ esie nnɔ ekewot.

HOSEA 9:7

Mme usen ufen emedi, mme usen usiene emedi; Israel eyefiɔk: prophet edi owo ndisime, owo spirit adama idat, kabaŋa akamba idiɔk ido fo ye akwa usua.

AMOS 1:13

Ntem ke Jehovah ɔdɔhɔ, ete, Idiɔk ido nditɔ Ammon ita ye inan iyakke mi ŋkabare enye (ufen) mfep; koro mmɔ esiakde iban idibi ke Gilead, man esehere adaŋa mmɔ.