HOSEA 13:7 - Edisana ñwed Abasi Ibom

⁷ Ndien ami ŋkabare mbiet lion ye mmɔ: nnyuŋ ntie ŋkpeme mmɔ ke usuŋ nte nawori-ekpe:

HOSEA 13:7 ပူးပေါင်းရင်းမြစ်များ

ŊWED JOB 10:16

Ŋkpemenere enye, afo ekpebine mi nte lion, okponyuŋ ɔtɔŋɔ ntak ada mme utibe ŋkpɔ fo etiene mi.

ISAIAH 42:13

Jehovah eyewɔrɔ nte owo uko, eyedemere ufup nte owo ekɔŋ: enye eyefiori, eyefiori akamba; eyesɔŋɔ idem akan mme asua esiemɔ.

JEREMIAH 25:38

Enye ɔmɔkpɔŋ mfuhɔ ikɔt esie nte lion: koro isɔŋ mmɔ amakabare edi se mmɔ ebiatde, kabaŋa iyaresit owo ŋkanubɔk, ye ikaŋ iyaresit esie.

JEREMIAH 5:6

Mmɔdo lion eyeto ke akai owot mmɔ, wolf mbubreyo eyesobo mmɔ: ekpe eyekpeme obio mmɔ: eyeta kpukpru owo eke ewɔŋɔde ke esit: koro mme idiɔk ido mmɔ ewakde, mfiakedem mmɔ onyuŋ ɔdɔdiɔŋ ɔsɔŋ.

ŊWED ESEME 3:10

Enye ebiet bear udibe ye ami, ebiet lion ke ndibe ebiet.

HOSEA 5:14

Koro ami ntiede nte lion ye Ephraim, ntie nte akparawa lion ye ufɔk Judah: ami kpa ami nyewai ndien nnyɔŋ; nyemen mfep, ndien baba owo kiet eke anyaŋade ididuhe.

AMOS 1:2

Ndien enye ɔdɔhɔ ete, Jehovah etie ke Zion ofiori, onyuŋ etie ke Jerusalem okuni: ndien mbiet mme ekpeme-ufene etuaŋa, ibuot Carmel onyuŋ asat.

AMOS 3:4

Nte lion okuni ke akai ke ini enye mikwe unam eke awaide? Nte akparawa lion ana ke nna esie osioro uyo, ke ini enye mimumke ŋkpɔ?

AMOS 3:8

Lion okuni, anie mididikheke? Ɔbɔŋ Jehovah ɔdɔhɔ, anie miditiŋke prophecy?

ERIYARARE 13:2

Unam oro ŋkutde ebiet ekpe, ukot esie enyuŋ ebiet ukot bear, inua esie onyuŋ ebiet inua lion; dragon ama onyuŋ ayak ukeme esie, ye ebekpo esie, ye akwa nsɔŋ-uyo esie ɔnɔ enye.