HOSEA 13:5 - Edisana ñwed Abasi Ibom

⁵ Ami ŋkɔfiɔk fi ke wilderness; ke isɔŋ nsat-itɔŋ.

HOSEA 13:5 ပူးပေါင်းရင်းမြစ်များ

GENESIS 31:40

Ŋketie ntem: ke uwemeyo mfɔbɔ ufiop, ndien ke okoneyo ŋwebe tuep; idap mi onyuŋ atam mi ke enyin.

ŊWED MME PSALM 1:6

Koro Jehovah ɔfiɔkde usuŋ nti owo: edi usuŋ mme idiɔk owo eyebiara.

ŊWED MME PSALM 142:3

Ke ini spirit mi etiede ke mfuhɔ, ndien afo ɔfiɔk isaŋ mi. Mmɔ emekɔk afia enɔ mi ke usuŋ emi nsaŋade.

ŊWED MME PSALM 31:7

Ima fo eyenem onyuŋ adat mi esit: emi afo okutde ukut mi; onyuŋ ɔfiɔkde ndutuhɔ esit mi;

ŊWED MME PSALM 63:1

O ABASI, afo edi Abasi mi; nyebak nyom fi. Itɔŋ fo ɔdɔŋ mi ukpɔŋ, obukidem mi oyoyom fi ke isɔŋ nsat ye mba, eke mmɔŋ miduhe;

EXODUS 2:25

Ndien Abasi ese nditɔ Israel, Abasi onyuŋ ɔfiɔk.

JEREMIAH 2:2

ntem ke Jehovah ɔdɔhɔ ete, Mmeti fi, mfɔnido uyen fo ye ima fo ke ini oro afo ekedide ŋwan ndɔ, nte afo akasaŋade mi ke edem, ke wilderness, ke isɔŋ eke mitɔhɔ ŋkpɔ ke esit.

JEREMIAH 2:6

Enye Jehovah emi akadade nnyin ke isɔŋ Egypt ɔdɔk? Emi akadade nnyin usuŋ ke wilderness, ke isɔŋ desert ye obube, ke edisat isɔŋ, ye isɔŋ mfut mkpa, ke isɔŋ eke baba owo kiet misaŋake ke esit ibe, eke owo minyuŋ iduŋke do?

HOSEA 5:3

Ami mmɔfiɔk Ephraim, Israel inyuŋ idibeke mi: koro ke emi ke afo anam use, O Ephraim, Israel onyuŋ edehe ŋko.

HOSEA 9:10

Ŋkokut Israel nte mfri vine ke ikɔt; ŋkese mme ete mbufo nte akpa mfri, eto fig ke eritɔŋɔ esie: edi mmɔ eka ke ɔtɔ Baal-poer, enyuŋ edianare idem mmɔ enɔ ŋkpɔ but oro: enyuŋ ekabare edi mbubiam ŋkpɔ nte se mmɔ emade.

NAHUM 1:7

Jehovah ɔmɔfɔn, edi ɔkpɔsɔŋ ebiet ke usen ukut; enye onyuŋ ɔfiɔk mmɔ eke ebuɔtde idem mmɔ ye enye.

1 ŊWED CORINTH 8:3

edi edieke owo amade Abasi, Abasi ɔmɔfiɔk enye.

ŊWED MBON GALATIA 4:9

Edi ke emi mbufo ema ekefiɔk Abasi, ŋkpakam ndɔhɔ nte, ke emi Abasi ama ɔkɔfiɔk mbufo, nsinam mbufo efiakde ebine mmeme nditaha mme odudu oro, enyuŋ eyom nditɔŋɔ ntak nduk ufin nnɔ mmɔ?

DEUTERONOMY 2:7

Koro Jehovah Abasi fo ama ɔdiɔŋ fi ke kpukpru utom ubɔk fo: enye ɔmɔfiɔk nte afo akasaŋade ke akwa wilderness emi: Jehovah Abasi fo ama odu ye afo ke isua mbaba emi; ukananake ŋkpɔ ndomo kiet.

DEUTERONOMY 32:10

Enye okokut enye ke isɔŋ desert, ye ke wilderness, ebiet emi mme unam etuade; akan enye okuk, onyuŋ etiŋ enye enyin ke idem, ekpeme enye nte eyen enyin.

DEUTERONOMY 8:15

emi akadade fi usuŋ ke akwa ye akpakop wilderness oro, ebiet ikaŋ-ikaŋ urukikɔt, ye eke scorpion, ye eke nsat-itɔŋ, emi mmɔŋ mikoduhe ke esit; emi okosiode mmɔŋ ke itiat a fransi ɔnɔ fi;