HOSEA 13:3 - Edisana ñwed Abasi Ibom

³ Mmɔdo mmɔ ebietde ntuhube usenubɔk, ye mbara emi abakde adaha, ebiet mbio ibokpot eke asuanade ke ɔtɔ ubek-ibokpot efep, enyuŋ ebiet nsuŋikaŋ eke otode ke window ɔwɔrɔ.

HOSEA 13:3 ပူးပေါင်းရင်းမြစ်များ

ŊWED JOB 21:18

Mmɔ ebiet nnyanyaŋa ke iso ofum, enyuŋ ebiet mbio eke oyobio ɔkpɔride efep.

ŊWED JOB 30:15

Ŋkpɔ ndik akabare esim mi: ebin ubɔŋ mi nte ofum: ifure mi onyuŋ asuana nte obubit enyɔŋ.

ŊWED MME PSALM 1:4

Mme idiɔk owo itiehe ntem; edi mmɔ ebiet mbio eke ofum asuande.

ŊWED MME PSALM 68:2

Afo eyesuan mmɔ kpa nte nsuŋikaŋ asuanade: kpa nte mbukpa ɔkwɔk atarade ke iso ikaŋ, eyesobo mme idiɔk owo ke iso Abasi.

ISAIAH 17:13

Ata ediwak owo ekpot nte akamba mmɔŋ okpotde: edi Enye aduat mmɔ, ndien mmɔ efeŋe anyan usuŋ, enyuŋ ebine mmɔ nte mbio ibokpot ke enyɔŋ obot ke iso ofum, ye nte ŋwewere ŋkpɔ ke iso oyobio.

DANIEL 2:35

Ndien ukwak oro, ye mbat-eso, ye okpoho, ye silver, ye gold enuaha mbak-mbak, enyuŋ ekabare ebiet mbio emi otode ke ɔtɔ ubek-ibokpot ke nda-eyo, ndien ofum ɔkpɔri mmɔ efep, ndien ikwe aba ebiet eke mmɔ edude. Ndien itiat oro akanuakde mbiet akabare edi akamba obot, onyuŋ ɔyɔhɔ ke ofuri isɔŋ.

HOSEA 6:4

Ndinam nso ye afo, O Ephraim? O Judah, ndinam nso ye afo? Ŋkɔm ima (Abasi) mbufo ebiet ntuhube usenubɔk, ye mbara emi abakde adaha.

ZEPHANIAH 2:2

ke ewuhɔ mika-imanke kaŋa; usen eyebe nte mbio ibokpot; ke ikaŋ iyaresit Jehovah mika-isimke kaŋa mbufo.

ZECHARIAH 8:12

Koro mkpasip eyetɔt; vine eyenɔ mfri esie, isɔŋ eyenyuŋ ɔnɔ mbuŋwum esie, ikpa-enyɔŋ eyenyuŋ ɔnɔ mbara esie; ndien nyenam mbio emi esuhɔde eda kpukpru ŋkpɔ emi enyene.