HOSEA 13:2 - Edisana ñwed Abasi Ibom

² Ndien ke emi mmɔ edediɔŋ enam idiɔk; enyuŋ etara silver mmɔ enam mbiet ke idem mmɔ, adaŋa nte efiɔkde, kpa ibɔk; mbon-usɔ enam mmɔ kpukpru: mmɔ edɔhɔ ebaŋa mmɔ, ete, Yak owo eke ewade uwa etim nditɔ-enaŋ inua.

HOSEA 13:2 ပူးပေါင်းရင်းမြစ်များ

1 NDIDEM 19:18

Edi mma nsuhɔ tɔsin owo itiaba ke Israel nnɔ idem mi, kpukpru mme edɔŋ eke mikenuhɔke inɔ Baal, ye kpukpru mme inua eke miketimke enye.

2 CHRONICLES 28:13

enyuŋ edɔhɔ mmɔ, ete, Mbufo ekuda mme mmɔ emi mbufo eketaŋde efep, eduk ken: koro man nnyin idue Jehovah isop, mbufo ekere ndinam idiɔk-ŋkpɔ nnyin ye isop nnyin edediɔŋ eka iso: koro isop nnyin okponde eti, ndien ikaŋ iyaresit odoro Israel ke idem.

2 CHRONICLES 33:23

enye inyuŋ isukke idem esie ke iso Jehovah, nte emi Manasseh ete esie okosukde idem: edi Amon ɔdɔdiɔŋ anam idiɔk aka iso.

ŊWED MME PSALM 2:12

Etim Eyen inua, mbak Enye ediyat esit, ndien mbufo ebiara ke usuŋ, koro ke ini esisit iyaresit esie eyesak. Ɔfɔfɔn ɔnɔ kpukpru mmɔ eke ebuɔtde idem ye Enye.

ISAIAH 1:5

Edinam didie esuk emia mbufo? Mbufo edediɔŋ ekabare ekpɔŋ mi: ofuri ibuot ke ɔdɔŋɔ, ofuri esit ke onyuŋ akpa.

ISAIAH 30:1

JEHOVAH ɔdɔhɔ ete, Ifɔnke fɔn inɔ nditɔ nsɔŋ-ibuot, emi enamde uduak, edi itoho mi: enyuŋ ediomide ediomo, edi itoho spirit mi, man ekɔt idiɔk ido ke idiɔk ido.

ISAIAH 44:11

Sese, but eyenam kpukpru mme nsaŋa esie, mbon-usɔ ke idem mmɔ enyuŋ eto ke owo: kpukpru mmɔ eyesop idem, etuak eda, edikhe, but eyenam mmɔ akpaimɔ.

ISAIAH 45:20

Mbufo mbio mme idut eke ebɔhɔde, esop idem edi; esaŋa ɔtɔ kiet ekpere; mmɔ eke ebiomde eto edisɔi mbiet mmɔ, enyuŋ enamde mkpe ubɔk enɔ Abasi eke mikemeke ndinyaŋa, ifiɔkke ŋkpɔ.

ISAIAH 46:6

Mme ɔduɔŋɔ-ŋkpɔ eyesio gold ye silver ke ekpat, edomo ke balance, eyekpe owo-usɔ inyene: ndien enye ada enye anam abasi: mmɔ enuhɔ, enyuŋ etuak ibuot.

ISAIAH 46:8

Mbufo eti ŋkpɔ emi, enyuŋ enam ido nte owo: mbufo mme ɔsɔŋ ibuot enim enye ke esit.

JEREMIAH 10:4

Mmɔ ebana enye ke silver ye gold; eda okpukwak ye hammer enam enye ɔsɔŋ, ndien enye isehekede.

JEREMIAH 10:8

Ndien mmɔ etie nte unam, enyuŋ edi ndisime ɔtɔ kiet: ikpikpu item! ke edi eto!

JEREMIAH 8:5

Nsinam ndien mbio-obio Jerusalem emi efiakde nsinsi mfiak-edem? mmɔ emum abiaŋa ekama, inyimeke ndinyɔŋ ndi.

HOSEA 10:1

ISRAEL edi vine eke asiahade, enye oŋwum mfri ɔnɔ idem esie: adaŋa nte mfri esie awakde, itie-uwa esie enyuŋ ewak; adaŋa nte ɔfɔnde ye isɔŋ mmɔ, mmɔ enam edifɔn mbiet ŋkpɔ.

HOSEA 10:5

Mme andiduŋ Samaria efehe ndik ebaŋa nditɔ-enaŋ Beth-aven: koro ikɔt esie eyetua ebaŋa enye, mme oku eyenyuŋ efut ebaŋa enye, ebaŋa ubɔŋ esie, koro enye adahade ɔkpɔŋ enye.

HOSEA 11:2

Mmɔ ekot mmɔ, ntem ke mmɔ edaha ekpɔŋ mmɔ: mmɔ ewa uwa enɔ Baal, enyuŋ efɔp ŋkpɔ enɔ ndisɔi mbiet.

HOSEA 11:6

Ndien eyefuŋ ofut ke mme obio mmɔ, ndien enye eyebiat eto-usuŋ mmɔ, onyuŋ ata mmɔ abaŋa uduak mmɔ.

HOSEA 14:3

Asshur idinyaŋake nnyin: nnyin ididoroke ke horse: idinyuŋ idɔhɔke aba ye se ubɔk nnyin ekenamde, ite, Abasi nnyin: koro afo atuade eyen eke ananade ete mbɔm.

HOSEA 2:8

Ndien enye ikɔfiɔkke, ite ke edi ami ŋkɔnɔ enye ibokpot oro, ye obufa wine, ye aran, ndien mmɔ eda silver oro ŋkanamde awak ɔnɔ enye, ye gold, enam ŋkpɔ enɔ Baal.

HOSEA 4:17

Ephraim emeyire ye ndem; yak enye kpɔŋ.

HOSEA 8:4

Mmɔ enim owo ke ndidem, edi itoho mi: enim owo ke mbɔŋ, ndien ami mfiɔkke: mmɔ eda silver mmɔ ye gold mmɔ enam mbiet ŋkpɔ enɔ idem mmɔ, man esibe mmɔ efep.

HOSEA 8:5

Samaria, Enye afiari eyen enaŋ fo ɔduɔk; iyaresit mi asak ye mmɔ: adaŋa didie ke mmɔ midikemeke ndisana?

HOSEA 8:6

Koro emi ŋko otode ke Israel: mbon-usɔ ekenam enye; ndien enye idige Abasi: koro eyenenaŋ Samaria eyekabare edi nsuhɔ-nsuhɔ.

NUMBERS 32:14

Ndien sese, mbufo mme udim mme idiɔk owo, emedahada ke ibuot mme ete mbufo, kpaŋ iyaresit Jehovah ɔdɔdiɔŋ ofiop ye Israel aka iso.

ŊWED MBON ROME 11:4

Edi uyo Abasi ɔbɔrɔ enye didie? Mma nsuhɔ nnɔ Idem Mi thousand owo itiaba emi mikɔtɔŋɔke edɔŋ inɔ Baal.

ŊWED MBON ROME 2:5

edi ke nsɔŋesit fo ye unana erikabare-esit fo, ɔkɔ iyaresit onim ɔnɔ idem fo ke usen iyaresit ye eriyarare edinen ubiere-ikpe Abasi;

2 ŊWED TIMOTHY 3:13

Edi ndiɔi owo ye mbon abiaŋa eyedɔdiɔŋ ediɔk eka iso, ebiaŋa owo, owo eyenyuŋ ebiaŋa mmɔ.

1 SAMUEL 10:1

NDIEN Samuel ada ekpeme aran ɔtɔhɔ enye ke ibuot, ndien otim enye inua, onyuŋ ɔdɔhɔ ete, Nte idige koro Jehovah eyetde fi aran onim ke etubom udeme esie?