HOSEA 13:16 - Edisana ñwed Abasi Ibom

¹⁶ Samaria eyesio isop; koro enye ɔsɔŋde ibuot ye Abasi esie: mmɔ eyeduɔŋɔ ke ofut. Eyesuok abak-inua mmɔ mbai-mbai, enyuŋ esiak iban mmɔ eke eyomode idibi.

HOSEA 13:16 ပူးပေါင်းရင်းမြစ်များ

2 NDIDEM 15:16

Ndien Menahem oto ke Tirzah ɔwɔrɔ aka akasuan Tiphsah ye kpukpru se idude ke esit, ye mme adaŋa esie: koro mmɔ misioho usuŋ inɔ enye, mmɔdo enye asuande mmɔ: onyuŋ asiak kpukpru iban mmɔ eke eyomode idibi.

2 NDIDEM 17:18

Ndien Jehovah ayat esit ye Israel eti-eti, ndien enye emen mmɔ ke iso esie efep; isuhɔke baba kiet ke mibɔhɔke esien Judah ikpɔŋ-ikpɔŋ.

2 NDIDEM 17:5

Ntem ke edidem Assyria ɔdɔk asaŋa ke ofuri isɔŋ ebe, onyuŋ ɔdɔk aka ke Samaria, akakan enye okuk ke isua ita.

2 NDIDEM 17:6

Ke ɔyɔhɔ isua Hoshea usukkiet, edidem Assyria ada Samaria, onyuŋ ataŋ Israel ɔnyɔŋ ke Assyria, okonim mmɔ ke Halah, ye ke Habor, ke mben akpa Gozan, ye ke mme obio nditɔ Media.

2 NDIDEM 8:12

Ndien Hazael obup ete, Ɔbɔŋ mi atua nso? Ndien enye ete, Koro mfiɔkde mme idiɔk-ŋkpɔ emi afo edinamde nditɔ Israel; afo eyekim ikaŋ ke mkpɔsɔŋ ebiet mmɔ, onyuŋ owot mkparawa mmɔ ke ofut, onyuŋ oyibi nditɔwɔŋ mmɔ, onyuŋ asiak iban mmɔ eke eyomode idibi.

ISAIAH 13:16

Eyeyibi nditɔ-ɔwɔŋ mmɔ ke iso mmɔ ŋko; eyebume ufɔk mmɔ, enyuŋ ebiat iban mmɔ.

ISAIAH 17:3

Ndien ɔkpɔsɔŋ ebiet eyekure ke Ephraim, ubɔŋ eyenyuŋ etre ke Damascus, ye ke ubak Syria eke ɔsuhɔde: mmɔ eyebiet ubɔŋ nditɔ Israel. Emi edi uyo Jehovah mme udim.

ISAIAH 8:4

Koro ke eyenɔwɔŋ emi mika-ifiɔkke nte okotde, ete, Ete mi, ye eka mi! mmɔ eyemen inyene Damascus, ye mbume Samaria, ebiom ke iso edidem Assyria.

HOSEA 10:2

Ebahare esit mmɔ; mmɔ eyesio isop idahemi: enye eyewuri itie-uwa mmɔ, eyebiat mbiet-ŋkpɔ mmɔ.

HOSEA 11:6

Ndien eyefuŋ ofut ke mme obio mmɔ, ndien enye eyebiat eto-usuŋ mmɔ, onyuŋ ata mmɔ abaŋa uduak mmɔ.

HOSEA 7:14

Ndien mmɔ isemeke inɔ mi ke esit mmɔ, edi ena ke bed mmɔ etuaŋa: esop idem ebaŋa ibokpot ye obufa wine, ekabare enam ikɔ ye ami.

AMOS 1:13

Ntem ke Jehovah ɔdɔhɔ, ete, Idiɔk ido nditɔ Ammon ita ye inan iyakke mi ŋkabare enye (ufen) mfep; koro mmɔ esiakde iban idibi ke Gilead, man esehere adaŋa mmɔ.

AMOS 3:9

Mbufo ekwɔrɔ ke ikpɔ ufɔk Ashdod, ye ke ikpɔ ufɔk isɔŋ Egypt, enyuŋ edɔhɔ, ete, Mbufo esop idem ke enyɔŋ ikpɔ obot Samaria, enyuŋ ese ikpɔ ndutime ke ufɔt esie, ye nnama emi odude ke esit.

AMOS 9:1

ŊKOKUT Ɔbɔŋ adade ke edem itie-uwa: ndien enye ɔdɔhɔ mi, ete, Yibi mbuot adaha man mme asaŋ-udɔk enyek, nyuŋ nuak mmɔ duɔk kpukpru ke ibuot; ndien nyewot mme ekpere-edem mmɔ ke ofut: baba owo mmɔ kiet eke otibede itɔk idifeheke: baba owo mmɔ kiet eke eyomde ndibɔhɔ idinyuŋ ibɔhɔke.

MICAH 1:4

Ndien ikpɔ obot eyetara ke idak esie, mme itihere eyenyuŋ esiaha, kpa nte obukpa ɔkwɔk ke enyin ikaŋ, kpa nte mmɔŋ eke eŋwaŋade ke ŋwewere.

MICAH 6:16

Ndien mmɔ enim mme ewuhɔ Omri, ye kpukpru se ufɔk Ahab akanamde, ndien mbufo esaŋa ke mme uduak mmɔ, man nnim fi ke ŋkpɔ nditaha, nnim mme andiduŋ enye ke se eside: mmɔdo mbufo eyebiom esuene ikɔt mi.

NAHUM 3:10

Mmɔ eketaŋ enye efep ŋko, enye aka nte mbuot ekɔŋ: mmɔ enyuŋ esuok nditɔ-wɔŋ esie mbak-mbak ke mbuot kpukpru efak: enyuŋ esin afia ebaŋa mbɔŋ esie, enyuŋ ekɔŋ kpukpru ikpɔ owo esie ke ŋkpɔkɔbi.