HOSEA 11:9 - Edisana ñwed Abasi Ibom

⁹ Ndinamke ke ifiopesit mi, nditɔŋɔke ntak mbiat Ephraim: koro ami ndide Abasi, ndige owo; ndi Edisana (Abasi) ke otu mbufo: ndien ndidukke ke obio.

HOSEA 11:9 ပူးပေါင်းရင်းမြစ်များ

2 SAMUEL 20:10

Edi Amasa isehe ofut oro odude Joab ke ubɔk: ndien enye (Joab) okim enye ke idibi, osioŋo nsia esie ɔduɔk ke isɔŋ, itɔŋɔke ntak ikim enye; ndien enye akpa. Ndien Joab ye Abishai eyen-ete esie ebine Sheba eyen Bichri.

ŊWED MME PSALM 46:5

Abasi odu enye ke esit; enye idisehekede: Abasi eyenyeŋa enye ke ata usenubɔk.

ŊWED MME PSALM 78:38

Ndien enye enyene-mbɔm osio isop idiɔk ido mmɔ, inyuŋ isoboke mmɔ: Edi awak ndikabare ŋkpɔŋ iyaresit esie, inyuŋ idemekede ofuri ifuresit esie.

ŊWED MME PSALM 85:4

Fiak tiene nnyin, O Abasi erinyaŋa nnyin; nyuŋ tre iyaresit fo ye nnyin.

ISAIAH 12:6

Sio mkpɔ idara, nyuŋ kwɔ, O andiduŋ Zion: koro Edisana Abasi Israel omokpon ke ufɔt fo.

ISAIAH 31:1

IFƆNKE fɔn inɔ mmɔ eke esuhɔrede ke Egypt eyom owo eke aŋwamde mmɔ; enyuŋ eberede idem ke horse, enyuŋ ebuɔtde idem mmɔ ke chariot, koro ewakde; ye ke mbio horse, koro mmɔ esɔŋɔde eti-eti; edi mmɔ isehe Edisana Abasi Israel, inyuŋ iyomke Jehovah!

ISAIAH 41:14

Kufehe, afo Jacob utuŋ, ye mbufo mbio Israel; Jehovah ɔdɔhɔ ete, Ami mmaŋwam fi; ndien andifak fi edi Edisana Abasi Israel.

ISAIAH 41:16

Afo eyesak mmɔ, ndien ofum eyemen mmɔ efep, idio eyenyuŋ asuan mmɔ: ndien afo eyedara Jehovah, onyuŋ obure mbure ke Edisana Abasi Israel.

ISAIAH 48:9

Nyekpɔnɔre kaŋa iyaresit mi nnim mbaŋa enyiŋ mi, nyenyuŋ mmum enye ŋkama nnɔ fi mbaŋa itoro mi, mbak ndisibe fi mfep.

ISAIAH 5:24

Mmɔdo nte edemikaŋ atade etak nnyanyaŋa, ye nte edisak mbiet ɔduɔde, kpa ntre oruŋ mmɔ edibiet mbumbu eto, ikɔŋ mmɔ eyenyuŋ ɔdɔk nte obu: koro mmɔ emende ibet Jehovah mme udim eduɔk, enyuŋ esinde uyo Edisana Abasi Israel ke ndek.

JEREMIAH 26:3

mme mmɔ kiet kiet eyekop enyuŋ efiak ekpɔŋ idiɔk usuŋ mmɔ, man ŋkabare ŋkpɔŋ idiɔk-ŋkpɔ emi ami ŋkekerede ndinam mmɔ mbaŋa mme idiɔk ido mmɔ.

JEREMIAH 30:11

Koro ami ndude ye afo, nte nnyaŋa fi. Jehovah ɔdɔhɔ: koro nyenam kpukpru mme idut eke ŋkasuande fi do etak, edi ndinamke fi atak: edi nyetunɔ fi nte enende, ndien ndiyakke fi ɔbɔhɔ ikpikpu.

HOSEA 12:1

EPHRAIM adia ofum, onyuŋ ebine ofum ikɔrabak: enye awak nsu ye ŋkanubɔk ofuri usen; mmɔ enyuŋ ediomi ediomi ye Assyria; owo enyuŋ eda aran esɔk ke Egypt.

HOSEA 14:4

Nyenam mfiak-edem mmɔ okure; nyeda ima-esit mma mmɔ; koro iyaresit mi amakabare ɔkpɔŋ mmɔ.

MALACHI 3:6

Koro ami ndide Jehovah, ŋkpuhɔkede; ndien isoboke mbufo nditɔ Jacob ima.

NUMBERS 23:19

Abasi idige owo eke enye okposude nsu, inyuŋ idige eyen owo eke enye ɔkpɔkpuhɔre. Nte enye ɔdɔhɔ, ndien etre ndinam?

DEUTERONOMY 13:17

Ndien baba ofuri ŋkpɔ nsobo oro kiet okudiana fi ke ubɔk: man Jehovah akpadahado ke ikaŋ iyaresit esie, onyuŋ atua fi mbɔm, onyuŋ okop fi uduk, ndien anam fi ɔtɔt, kpa nte enye ɔkɔŋwɔŋɔde ɔnɔ mme usɔ:

1 SAMUEL 26:8

Ndien Abishai ɔdɔhɔ David, ete, Abasi amada usua fo esin fi ke ubɔk mfin emi: mbɔk, kam yak nda eduat ŋkim enye ndian ke isɔŋ ini kiet, ndien ndikim ke enye utim ikaba.