HOSEA 11:8 - Edisana ñwed Abasi Ibom

⁸ O Ephraim, ndinam didie nda fi nnɔ? nnyuŋ mmen fi nyak O Israel? ndinam didie nda fi nnɔ nte Admah? nnyuŋ nnim fi nte Zeboim? Esit mi amakabare odoro mi; mbɔm etimere mi ini kiet.

HOSEA 11:8 ပူးပေါင်းရင်းမြစ်များ

GENESIS 14:8

Ndien edidem Sodom ɔwɔrɔ ye edidem Gomorrah, ye edidem Admah, ye edidem Zeboim, ye edidem Bela, enye edi Zoar, ndien mmɔ edi ediŋwana ekɔŋ ye mmɔ ke itihere Siddim;

2 SAMUEL 24:16

Ndien adaŋemi angel oro anyande ubɔk esie ese Jerusalem, ete isobo enye, mbɔm idiɔk-ŋkpɔ oro anam Jehovah, enye onyuŋ ɔdɔhɔ angel oro, ete, Ekem, ndien: fep ubɔk fo. Ndien angel Jehovah ada ke ɔtɔ ubek ibokpot Araunah Jebusite.

1 NDIDEM 3:26

Ndien ŋwan emi odu-uwem eyen edide esie, ɔdɔhɔ edidem, koro itɔŋ eyen esie ɔdɔŋde enye, ete, Mbɔk, ɔbɔŋ mi, mbufo enɔ enye odu-uwem eyen, kuwot enye baba; edi enye eken ɔdɔhɔ ete, Okunyene mi, okunyuŋ enyene fi: mbufo ebahare.

2 NDIDEM 13:23

Ndien Jehovah ɔfɔn mfɔn ye mmɔ, onyuŋ atua mmɔ mbɔm, onyuŋ akabare ese mmɔ, abaŋa ediomi esie ye Abraham, ye Isaac, ye Jacob, inyuŋ inyimeke ndisobo mmɔ, inyuŋ imenke mmɔ kaŋa ke iso esie iduɔk.

2 CHRONICLES 36:15

Ndien Jehovah Abasi mme ete mmɔ ɔdɔŋ mme isuŋ esie utom ke ɔtɔ mmɔ, abak ɔdɔŋ; koro enye enyenede mbɔm ye ikɔt esie ye ebiet iduŋ esie:

ŊWED MME PSALM 106:45

onyuŋ eti ediomi esie ɔnɔ mmɔ, onyuŋ atua mmɔ mbɔm ke uwak ima esie.

ISAIAH 16:11

Mmɔdo nsia mi oyomode nte harp abaŋa Moab, ŋkpɔ esit idibi mi oyomo abaŋa Kir-heres.

ISAIAH 63:15

Tie ke heaven tiŋ enyin, nyuŋ tie ke edisana ebiet iduŋ fo, ye iduŋ ubɔŋ fo, se: ufup fo ye nsɔŋidem fo edu mmɔŋ? Nte emum uyom nsia fo ye mbɔm fo oro afo ekenyenede ye ami.

JEREMIAH 18:8

ndien edieke obio oro ŋkɔdɔhɔde mbaŋa, akabarede ɔkpɔŋ idiɔk ido mmɔ, nyefen idiɔk-ŋkpɔ oro ŋkaduakde ndinam mmɔ.

JEREMIAH 3:12

Ka kɔkwɔrɔ ikɔ emi se edem edere, nyuŋ dɔhɔ, ete, Jehovah ɔdɔhɔ, ete, O Israel ama-mfiak-edem, fiak edem; ndibɔpke iso mi nse mbufo: koro ami ndide ima, ŋkɔhɔkede ke nsinsi; uyo Jehovah edi emi.

JEREMIAH 31:20

Nte Ephraim edi edima eyen mi? Nte enye edi eyenɔwɔŋ eke enemde owo esit? Koro adaŋa ini nte ndɔhɔde mbaŋa enye, ntreke nditi enye kaŋa: oro esin nsia oyomo mi abaŋa enye; nditreke nditua enye mbɔm: Jehovah ɔdɔhɔ.

JEREMIAH 42:10

Edieke mbufo ediduŋde ke isɔŋ emi, ndien nyediɔŋ mbufo, ndiwurike, nyetɔ mbufo, ndidibekede: koro mbɔm idiɔk-ŋkpɔ oro nnamde mbufo anamde mi.

JEREMIAH 9:6

Jehovah ɔdɔhɔ ete, Iduŋ fo odu ke ufɔt nsu; nsu esin mmɔ minyimeke ndifiɔk mi.

JEREMIAH 9:7

Mmɔdo ntem ke Jehovah mme udim ɔdɔhɔ, ete, Sese, ami mmɔŋ ntara mmɔ, nnyuŋ ndomo mmɔ: koro ndinam didie mbaŋa adiaha ikɔt mi?

ŊWED ESEME 1:20

O Jehovah, sese: koro mmetie ke itie ukut: nsia oyomo mi; esit ɔduɔ mi ke idem; koro ŋkpɔ ododoro mi eti-eti: ofut adia ke aŋwa, ke ufɔk ke ebiet mkpa.

ŊWED ESEME 3:32

koro enye ama otuk owo, enye eyenyuŋ atua owo mbɔm nte ekemde ye ediwak ima esie.

ŊWED ESEME 3:33

Koro enye minamke ŋkpɔ abiak owo minyuŋ itukke nditɔ owo ke ima esit esie.

EZEKIEL 33:11

Dɔhɔ mmɔ, ete, Ɔbɔŋ Jehovah ɔdɔhɔ, ete, Ma uwem mi, mkpa idiɔk owo inemke mi esit, edi idiɔk owo akam akabare ɔkpɔŋ usuŋ esie, ndien odu uwem: mbufo, O ufɔk Israel, ekabare, ekabare; koro nsinam mbufo ekpekpaŋa?

EZEKIEL 6:9

Ndien mmɔ eke ebɔhɔde ke otu mbufo eyeti mi ke otu mme idut eke editaŋde mmɔ efep eka do: koro ami nyenuak mmɔ esit use, emi ɔwɔŋɔrede ɔkpɔŋ mi, nyenuak enyin mmɔ emi esede use ebine mme ibɔk mmɔ: ndien mmɔ eyese idem mmɔ ke ndek ebaŋa mme idiɔk ido emi mmɔ enamde ke kpukpru mbubiam mmɔ.

HOSEA 6:4

Ndinam nso ye afo, O Ephraim? O Judah, ndinam nso ye afo? Ŋkɔm ima (Abasi) mbufo ebiet ntuhube usenubɔk, ye mbara emi abakde adaha.

HOSEA 7:1

KE adaŋemi ndade ikɔt mi emi mmɔ eketaŋde efep, nnyɔŋ ndi; ke ini nnamde idiɔk okure Israel, ndien eyeyarare idiɔk ido Ephraim ye mme ukwaŋ-ŋkpɔ Samaria: koro mmɔ enamde abiaŋa; inɔ onyuŋ oduk edi, udim owo ewo ke mme efak.

AMOS 4:11

Ami nyut ndusuk mbufo ŋkabare nnim, kpasuk nte Abasi okoyutde Sodom ye Gomorrah, mbufo enyuŋ ekabare ebiet ifia eke edabarede ke ikaŋ: edi mbufo ifiakke edem itiene mi; uyo Jehovah edi emi.

AMOS 7:3

Emi esin Jehovah akabare ido: Jehovah ɔdɔhɔ, ete, Ididige.

AMOS 7:6

Emi esin Jehovah akabare ido. Ɔbɔŋ Jehovah ɔdɔhɔ, ete, Emi ŋko ididige.

MICAH 5:3

Mmɔdo enye eyeyak mmɔ ɔnɔ, tutu ŋwan eke amande aman ama: ndien nditɔ-ete esie eke esukde eyefiak etiene nditɔ Israel.

ZEPHANIAH 2:9

Jehovah mme udim Abasi Israel ɔdɔhɔ, ete, Ma uwem mi, mmɔdo Moab miditreke ndi-biet Sodom: nditɔ Ammon idinyuŋ itreke ndibiet Gomorrah: ebiet eke nettle ɔkɔride, ye obube inuŋ, ye nsinsi ndon: ikɔt mi eke edisuhɔde eyebume mmɔ, nditɔ idut mi eke esuhɔde eyeda mmɔ enyene.

MATTHEW 23:37

O Jerusalem, Jerusalem, emi owotde mme prophet, onyuŋ ɔtɔŋɔde mmɔ eke edɔŋde etiene fi ke itiat. Adaŋa ediwak ini didie ke ŋkoyom ndibon nditɔ fo ɔtɔ kiet, kpa nte unen obonde nditɔ esie ke idak mba esie, ndien mbufo ikonyimeke.

DEUTERONOMY 29:22

ndien emana nditɔ mbufo emi editienede mbufo edem edaha da ke ini iso, ye esen owo ŋko eke editode ke anyan idut, eyedɔhɔ, ke ini mmɔ edikutde ufen isɔŋ oro, ye udɔŋɔ esie eke Jehovah anamde enye ɔdɔŋɔ;

DEUTERONOMY 29:23

nte ofuri isɔŋ esie edide brimstone, ye inuŋ, ye edisak ikaŋ, itɔhɔ ŋkpɔ ke esit, ŋkpɔ itibeke ke isɔŋ, baba ikɔŋ kiet inyuŋ ikɔrike ke esit, ebiet nsobo Sodom, ye eke Gomorrah, ye eke Admah, ye eke Zeboiim, emi Jehovah okosobode ke iyaresit esie ye ke ifiopesit esie:

DEUTERONOMY 32:36

Koro Jehovah eyekpe ikpe ikɔt esie, eyenyuŋ ɔkpuhɔre ido ye ifin esie, ke ini enye okutde nte odudu ɔbɔhɔde mmɔ, ye nte ofin ye eyen isɔŋ miduhe aba.

2 PETER 2:6

edieke Enye onyuŋ ɔfɔpde mme obio Sodom ye Gomorrah ekabare ntɔŋ, ke ini Enye adade nsobo obiom mmɔ ikpe onyuŋ anamde mmɔ edi uwut-ŋkpɔ ɔnɔ mmɔ eke midibakke Abasi;

JUDE 1:7

Kpasuk ntre ŋko ke Enye ama osio Sodom ye Gomorrah ye ŋkpet-ŋkpet obio eken, emi ekonyuŋ etienede mmɔ esin idem ke use ye ido eke mikemke, onim nte uwut-ŋkpɔ, mmɔ enyuŋ ekut ufen nsinsi ikaŋ.

ERIYARARE 11:8

Okpo mmɔ eyenyuŋ ena ke efak akwa obio oro esiode enye enyiŋ Sodom ye Egypt ke usem spirit, kpa obio oro Ɔbɔŋ mmɔ nde ɔkɔkɔŋɔde ke cross ke esit.

ERIYARARE 18:18

eda nsan-nsan ese nsuŋ-ikaŋ emi enye ɔfɔbɔde ke esit, efiori ete, Ewe obio etie nte akwa obio?

JUDGES 10:16

Mmɔ enyuŋ esioŋo isen abasi ke otu mmɔ efep, enyuŋ enam ŋkpɔ Jehovah: ndien mbɔm ukut Israel anam enye ukpɔŋ.