HOSEA 11:6 - Edisana ñwed Abasi Ibom

⁶ Ndien eyefuŋ ofut ke mme obio mmɔ, ndien enye eyebiat eto-usuŋ mmɔ, onyuŋ ata mmɔ abaŋa uduak mmɔ.

HOSEA 11:6 ပူးပေါင်းရင်းမြစ်များ

ŊWED MME PSALM 106:39

Ntre ke mmɔ esabare idem-mmɔ ke ŋkpɔ eke mmɔ ekenamde, enyuŋ enam use ke idiɔk ido mmɔ.

ŊWED MME PSALM 106:43

Enye anyaŋa mmɔ ediwak ini, ndien mmɔ esɔŋ ibuot ke uduak mmɔ, ndien etaha ke idiɔk ido mmɔ.

ISAIAH 18:5

Koro ke mika-ikemke ke ini ukpeŋe, ke ama asiak ikɔŋ ama, ikɔŋ oro ama onyuŋ akabare edi ŋkim-ŋkim mfri eke akade ke eridat enye eyekpi ŋkɔk esie ke ikwa, onyuŋ esep ubɔk esie osio efep.

ISAIAH 27:10

Koro obio ibibene edide ndobo, iduŋ eke ewɔrɔde enyuŋ ekpɔŋde nte wilderness: do ke eyen enaŋ edita mbiet, do ke enye edinyuŋ ɔsuhɔre ana, onyuŋ ata ŋkɔk esie ama.

ISAIAH 30:1

JEHOVAH ɔdɔhɔ ete, Ifɔnke fɔn inɔ nditɔ nsɔŋ-ibuot, emi enamde uduak, edi itoho mi: enyuŋ ediomide ediomo, edi itoho spirit mi, man ekɔt idiɔk ido ke idiɔk ido.

ISAIAH 9:14

Ndien Jehovah omosibe ibuot ye isim, ye mkpabak ye mkpɔŋ-isɔŋ ke Israel efep, ke usen kiet.

JEREMIAH 5:17

Ndien mmɔ eyeta ibokpot fo ye uyo fo, eyeta nditɔ-iren fo ye nditɔ-iban fo: eyeta ŋkpri ufene fo ye enaŋ fo: eyeta vine fo ye fig fo: eyeda ofut ewuri obio ibibene fo emi afo ɔbuɔtde idem fo ke esit.

JEREMIAH 50:35

Jehovah ɔdɔhɔ, ete, Ofut omodoro mme Chaldean ke idem, omodoro mme andiduŋ Babylon ke idem, omodoro ke idem mbɔŋ esie, ye eke mme ɔfiɔk-ŋkpɔ owo esie.

ŊWED ESEME 2:9

Mme itim esie ebuhɔ ke isɔŋ; enye abiat onyuŋ obuŋ eto usin-usuŋ esie: edidem esie ye mbɔŋ esie edu ke otu mme idut; ŋwed mbet iduhe: prophet esie inyuŋ ikwe ŋkukut eke otode Jehovah.

EZEKIEL 20:47

nyuŋ dɔhɔ akai edem usuk-usuk, ete, Kop uyo Jehovah, Ntem ke Ɔbɔŋ ɔdɔhɔ ete, Sese, ami mmɔŋ ŋkim fi ikaŋ ke idem, ndien enye eyeta kpukpru nsehe eto ye kpukpru edisat eto ke ufɔt fo: edisak ikaŋ idinimeke, ndien kpukpru iso, ɔtɔŋɔde ke usuk tutu osim ke edere, eyesak ke esit.

HOSEA 10:14

Ndien ndutime otibe ke otu mbio-obio fo, eyenyuŋ esobo kpukpru mkpɔsɔŋ ebiet fo, kpa nte Shalman okosobode Beth-arbel ke usen ekɔŋ: ekesuok eka ekɔrɔ ye nditɔ esie.

HOSEA 10:6

Mmɔ eyenyuŋ eda enye eka Assyria, esɔk edidem Jareb ke enɔ: Ephraim eyeda esuene, but eyenyuŋ anam Israel abaŋa item esiemɔ.

HOSEA 13:16

Samaria eyesio isop; koro enye ɔsɔŋde ibuot ye Abasi esie: mmɔ eyeduɔŋɔ ke ofut. Eyesuok abak-inua mmɔ mbai-mbai, enyuŋ esiak iban mmɔ eke eyomode idibi.

HOSEA 4:16

Koro Israel ɔsɔŋde ibuot nte ɔsɔŋ-ibuot abak-enaŋ: kemi Jehovah eyebɔk mmɔ nte eyen erɔŋ ke ntaŋwaŋ ebiet.

HOSEA 4:17

Ephraim emeyire ye ndem; yak enye kpɔŋ.

LEVITICUS 26:25

Nyenyuŋ nda ofut eke edisiode usiene ediomi mi, ntiene mbufo: ndien adaŋemi mbufo ebonode ke obio mbufo, nyedɔŋ idiɔk udɔŋɔ utom ke otu mbufo; ndien mbufo eyesine mme asua mbufo ke ubɔk.

LEVITICUS 26:31

Nyenyuŋ ŋwuri mme obio mbufo, nnyuŋ nnam mme edisana ebiet mbufo ekabare ndon, ndinyuŋ ŋŋwuneke edinem utebe mbufo.

LEVITICUS 26:33

Nyenyuŋ nsuan mbufo ke otu mme idut, nnyuŋ ndabare ofut mbine mbufo; ndien isɔŋ mbufo eyedobo, mme obio mbufo eyenyuŋ ewure.

AMOS 6:8

Ɔbɔŋ Jehovah otomo idem esie, ete, Ntem ke Jehovah Abasi mme udim ɔdɔhɔ, ete, Ami nse iseri Jacob ke mbubiam, nnyuŋ nsua ikpɔ ufɔk esie: ndien nyeda obio ye se iyɔhɔde ke esit nyak nnɔ.

MICAH 5:11

nyenyuŋ nsibe mme obio isɔŋ fo mfep, nnyuŋ ŋwuri kpukpru mkpɔsɔŋ ebiet fo:

MALACHI 4:1

KORO, sese, usen oro ke edi, ke asak nte usaŋ-uyo: ndien kpukpru mbon iseri, ye kpukpru mme anam idiɔk eyekabare edi etak nnyanyaŋa: ndien usen eke edidide eyeta mmɔ, Jehovah mme udim ɔdɔhɔ, emi midisuhɔke oruŋ midinyuŋ isuhɔke ŋkɔk inɔ mmɔ.

DEUTERONOMY 28:52

Ndien enye eyekan fi okuk ke kpukpru obio fo, tutu ŋkokoŋo ye mkpɔsɔŋ ibibene fo, emi afo ɔbuɔtde idem fo ke esit, eduɔŋɔ ke ofuri isɔŋ fo: ndien enye eyekan fi okuk ke kpukpru obio fo, ke ofuri isɔŋ fo emi Jehovah Abasi fo ɔnɔde fi.

DEUTERONOMY 32:25

Ofut ke aŋwa, ye ndik ke ubet etera mkparawa ye nditɔ-iban, eyen-nsek, ye owo eke otibede iwat.