HOSEA 11:4 - Edisana ñwed Abasi Ibom

⁴ Nda mme oruk owo, kpa mme idut ima, ndudi mmɔ; ami nnyuŋ ntie ye mmɔ nte mmɔ eke edororede ɔkpɔnɔ ke mbaŋ mfep, nnyuŋ nnyan udia nnɔ enye adia.

HOSEA 11:4 ပူးပေါင်းရင်းမြစ်များ

2 SAMUEL 7:14

Ami nyedi ete esie, ndien enye eyedi eyen mi; emi ke ini enye anamde ukwaŋ ido, nyeda eto owo, ye ikpa eyen owo ntunɔ enye:

ŊWED MME PSALM 105:40

Mmɔ ebeŋe, ndien enye ada nduduɔk edi, onyuŋ ɔnɔ mmɔ udia heaven eyuhɔ.

EXODUS 16:32

Ndien Moses ɔdɔhɔ ete, Ŋkpɔ emi ke Jehovah okowuk, ete, Mbufo esin enye ke omer eyɔhɔ, enim enɔ mme emana mbufo; kpaŋ mmɔ ekpekut udia emi mbɔkde mbufo ke wilderness, ke ini ŋkadade mbufo nto ke isɔŋ Egypt.

IKWƆ SOLOMON 1:4

Dudi mi, yak nnyin ibine fi. Edidem ama ada mi oduk ke ubet esie: nnyin iyenem esit, inyuŋ idara fi, iyetoro ima fo ikan wine: mmɔ ema fi nte enende.

ISAIAH 63:9

Ke ofuri ukut mmɔ enye idige usua mmɔ baba, ndien angel iso esie akanyaŋa mmɔ: ima esie ye mbɔm esie esin enye afak mmɔ; enye onyuŋ emen mmɔ akama ke ofuri eyo oko.

HOSEA 2:8

Ndien enye ikɔfiɔkke, ite ke edi ami ŋkɔnɔ enye ibokpot oro, ye obufa wine, ye aran, ndien mmɔ eda silver oro ŋkanamde awak ɔnɔ enye, ye gold, enam ŋkpɔ enɔ Baal.

LEVITICUS 26:13

Ami ndi Jehovah Abasi mbufo, ami ŋkosio mbufo ke isɔŋ Egypt mfep, man mbufo ekudi ifin mmɔ: ŋkonyuŋ mbuŋ eto ɔkpɔnɔ mbufo, nnyuŋ nnam mbufo eneŋere esaŋa.

JOHN 12:32

Ndien Ami, ke ema emen Mi ekpɔŋ isɔŋ, nyedudi kpukpru owo etiene Mi.

2 ŊWED CORINTH 5:14

Koro ima Christ efefik nnyin; koro ida ntem ite, Owo kiet ama akakpa abaŋa kpukpru owo, kpukpru owo ekpaŋa ndien;

DEUTERONOMY 32:12

(kpa ntre ke) Jehovah ikpɔŋ-ikpɔŋ ada enye usuŋ, esen abasi inyuŋ iduhe ye enye.

DEUTERONOMY 32:14

edibari mmɔŋ eba enaŋ, ye mmɔŋ-eba ŋkpri ufene, ye ikpɔŋ nditɔ erɔŋ, ye okukim oruk Bashan, ye okpo ebot, ye wheat ikpɔŋ ekput; afo onyuŋ ɔŋwɔŋ iyip grape, kpa wine.