HOSEA 10:12 - Edisana ñwed Abasi Ibom

¹² Mbufo ewari mkpasip ke idem mbufo ke nti ido, ndien mbufo eyekpeŋe nte ekemde ke ima (Abasi); mbufo ediɔŋ adaŋdaŋ ke idem mbufo: ndien ekem ke ini eke ekpeyomde Jehovah, tutu enye edikpep mbufo eti ido.

HOSEA 10:12 ပူးပေါင်းရင်းမြစ်များ

ŊWED MME PSALM 105:4

Mbufo ebine Jehovah ye odudu esie: eyom iso esie kpukpru ini.

ŊWED MME PSALM 72:6

Enye eyesuhɔre nte edim ke mbiet eke etemde, nte ŋkeŋe-nkeŋe edim ke ebebit isɔŋ.

MME ŊKE 11:18

Idiɔk owo anam utom ikpikpu: edi owo eke ɔtɔde eti ido itreke ndidia utip.

MME ŊKE 18:21

Mkpa ye uwem edu edeme ke ubɔk: ndien mmɔ eke emade enye eyedia mfri esie.

ECCLESIASTES 11:6

Suan mkpasip fo ke usenubɔk; kunyuŋ ufara ubɔk fo ke mbubreyo: koro afo mufiɔkke ubak eke ediwɔrɔde usuŋ, mme emi mme oro; unyuŋ ufiɔkke mme mbiba edifɔn ukem-ukem.

ISAIAH 30:23

Ndien enye eyeda edim ɔnɔ mkpasip fo emi afo adade ɔtɔ ke iŋwaŋ; ye udia eke iŋwaŋ oŋwumde, enye eyenyuŋ esehe onyuŋ awak. Ufene fo eyedia udia ke akwa ebiet mbiet ke usen oro:

ISAIAH 31:1

IFƆNKE fɔn inɔ mmɔ eke esuhɔrede ke Egypt eyom owo eke aŋwamde mmɔ; enyuŋ eberede idem ke horse, enyuŋ ebuɔtde idem mmɔ ke chariot, koro ewakde; ye ke mbio horse, koro mmɔ esɔŋɔde eti-eti; edi mmɔ isehe Edisana Abasi Israel, inyuŋ iyomke Jehovah!

ISAIAH 32:20

Ɔfɔfɔn ɔnɔ mbufo emi etɔde ŋkpɔ ke mben kpukpru mmɔŋ, emi esanade enaŋ ye ass ukot eyak.

ISAIAH 44:3

Koro nyeŋwaŋa mmɔŋ nnɔ owo nsat-itɔŋ, nyewaŋa idim ke edisat isɔŋ; nyeŋwaŋa spirit mi nduɔk nditɔ fo ke idem, nyeŋwaŋa nti ŋkpɔ mi nnɔ ubon fo.

ISAIAH 45:8

Mbufo mme heaven ke enyɔŋ ekeŋe, yak mbubit enyɔŋ enyuŋ eŋwaŋa edinen ido: yak isɔŋ ɔkubɔre, yak erinyaŋa ye edinen ido esiaha, yak enye oŋwum mmɔ ini kiet: ami Jehovah mbot enye.

ISAIAH 48:18

Afo akpakam akpaŋ utɔŋ ke mbet mi! ndien emem fo ekpebiet akpa mmɔŋ, edinen ido fo ekpebiet mbufut inyaŋ.

ISAIAH 5:6

ndien nyebiat enye mma: owo idisepke enye, idinyuŋ idiɔŋke; edi akpap ye ŋkukim eyetibe; nyenyuŋ ŋwuk obubit enyɔŋ, nte edim okudep ke esit:

ISAIAH 54:14

Eti ido eyenam fi ɔsɔŋɔ ada: nyomo-nsia eyeyom usuŋ ye afo: koro afo mududikheke; afo eyeyom usuŋ ke akpakop ndik: koro enye midisaŋake ikpere fi. Sese, mmɔ eyesop idem, edi itoho ye ami.

ISAIAH 55:6

Mbufo eyom Jehovah, ke ini ekemede ndikut enye, eseme ekot enye, ke ini enye ekperede:

JEREMIAH 50:4

Jehovah ɔdɔhɔ, ete, Ke mme usen oro ye ke ini oro, nditɔ Israel eyedi, mmɔ ye nditɔ Judah ɔtɔ kiet, eyesaŋa edi etua eyet, eyenyuŋ eyom Jehovah Abasi mmɔ.

EZEKIEL 34:26

Ndien nyenam mmɔ ye akamba obot mi emi akande okuk, edi se idiɔŋde (owo): nyenyuŋ nnam edim edep ke ekem ini esie; edim nti ŋkpɔ eyedu.

HOSEA 12:6

Afo ndien fiak tiene Abasi fo: nim ima ye ikpe, nyuŋ dori enyin ye Abasi fo kpukpru ini.

HOSEA 14:1

O ISRAEL, fiak tiene Jehovah Abasi fo: koro afo ɔmɔduɔ ke idiɔk ido fo.

HOSEA 6:3

Ndien nnyin iyefiɔk, nnyin iyebine ikɔfiɔk Jehovah: enye iditreke ndiwɔrɔ nte usiere, eyenyuŋ osim nnyin nte edim, nte akpa ye ukperedem edim ebitde isɔŋ.

HOSEA 8:7

Koro mmɔ eketɔde ofum ke isɔŋ, ndien mmɔ eyedɔk oyobio: etak iduhe ke esit: mbuŋwum esie idinamke ndom-uyo; ama anam, isen owo eyemen enye esin ke idibi.

AMOS 5:15

Mbufo esua idiɔk, enyuŋ ema eti, enyuŋ ewuk edinen ikpe ke inua-otop: mme Jehovah Abasi mme udim eyetua nsuhɔ Joseph mbɔm.

AMOS 5:4

Koro ntem ke Jehovah ɔdɔhɔ ufɔk Israel, ete, Mbufo etiene mi, enyuŋ edu uwem:

AMOS 5:6

Mbufo eyom Jehovah, enyuŋ edu uwem, mbak enye edibumere nte ikaŋ ke ufɔk Joseph, onyuŋ ata enye, ndien baba owo kiet eke onimede enye iduhe ke Bethel.

AMOS 5:8

enye akanam Pleiades ye Orion, onyuŋ akabare mfut mkpa edi usenubɔk, anam uwemeyo ebire nte okoneyo: okot mmɔŋ inyaŋ edi, onyuŋ aŋwaŋa enye ke iso isɔŋ: Jehovah edi enyiŋ esie.

LUKE 13:24

Edi Enye ɔbɔrɔ mmɔ ete, Mbufo eŋwana eti-eti ndibe ke mfafaha inua-otop nduk: koro ndɔhɔ mbufo nte, ediwak owo eyeyom ndiduk, ndien idikemeke.

UTOM MME APOSTLE 2:18

Ke eyo oro nyeŋwaŋa Spirit Mi Ndori ifin iren Mi ye ifin iban Mi; Mmɔ eyenyuŋ etiŋ prophecy.

2 ŊWED CORINTH 9:10

Edi Enye emi ɔnɔde ɔtɔ-iŋwaŋ mkpasip nditɔ, onyuŋ ɔnɔde udia ete adia, eyenɔ mbufo mkpasip nditɔ, eyenyuŋ anamɔtɔt, onyuŋ anam mfri edinen ido mbufo awak akan.

JAMES 3:18

Ndien etɔ mfri edinen ido ke emem enɔ mme anam emem.