HOSEA 1:7 - Edisana ñwed Abasi Ibom

⁷ Edi nyetua ufɔk Judah mbɔm, nyenyuŋ nda Jehovah Abasi mmɔ nnyaŋa mmɔ, edi ndidaha utiga, ye ofut, ye ekɔŋ, ye horse, ye mbon horse nnyaŋa mmɔ.

HOSEA 1:7 ပူးပေါင်းရင်းမြစ်များ

2 NDIDEM 19:29

Ndien emi edi idiɔŋɔ fo, Mbufo edia se itibede ke idem esie mbun, enyuŋ edia se itibede ke idem esie ebem; ndien ke ɔyɔhɔ isua ita mbufo ewari mkpasip enyuŋ ekpeŋe; enyuŋ etɔ iŋwaŋ-vine, enyuŋ edia mfri mmɔ.

2 NDIDEM 19:34

Ami nyenyuŋ ŋkpeme obio emi, nnyuŋ nnyaŋa enye mbaŋa idem mi, ye David owo mi.

2 NDIDEM 19:35

Edikem ke okoneyo oro angel Jehovah ɔwɔrɔ, okowot tɔsin, tɔsin owo ke itie ikie ye anaŋ ye ition ke nna-ekɔŋ Assyria: ndien adaŋemi mmɔ ebakde edemere ke usenubɔk, sese, kpukpru mmɔ edi okpo.

2 NDIDEM 6:18

Ndien adaŋemi mmɔ esuhɔrede etiene enye, Elisha ekpe Jehovah ubɔk, ete, Mbɔk, nam enyin okim mbio emi. Ndien enye anam enyin okim mmɔ ke uyo Elisha.

ŊWED MME PSALM 33:16

Idige akwa odudu anyaŋa edidem; owo uko ibɔhɔke ke akwa nsɔŋidem.

ŊWED MME PSALM 44:7

Koro afo anyaŋade nnyin osio mme asua nnyin ke ubɔk, onyuŋ anamde mbon utɔk nnyin ekut but.

EXODUS 14:13

Ndien Moses ɔdɔhɔ kpukpru owo, ete, Mbufo ekufehe ndik, etuak eda, enyuŋ ekut erinyaŋa Jehovah, emi enye edinyaŋade mbufo mfin emi: koro nte emi mbufo ekutde nditɔ Egypt mfin emi, mbufo idikwe aba mmɔ ke nsinsi.

EXODUS 14:30

Ntem ke Jehovah anyaŋa nditɔ Israel osio ke ubɔk nditɔ Egypt, ke usen oro; ndien Israel okut mme okpo nditɔ Egypt enade ke mben inyaŋ.

ISAIAH 12:2

Sese, Abasi edi erinyaŋa mi; nyebuɔt idem, ndinyuŋ ndikheke: koro Jah Jehovah edide odudu mi, ye ikwɔ mi; onyuŋ akabare edi erinyaŋa mi.

ISAIAH 30:18

Ndien oto oro Jehovah eyebet, man atua mbufo mbɔm, oto oro nko Enye eyedaha ke enyɔŋ, man ɔfɔn ido ye mbufo: koro Jehovah edide Abasi edinen ido: ɔfɔfɔn ɔnɔ kpukpru mmɔ eke ebetde enye.

ISAIAH 49:6

Ndien enye ɔdɔhɔ, ete, Emi afo edide owo mi emi edinamde mme esien Jacob edaha ke enyɔŋ, onyuŋ adade nditɔ Israel emi enimde, afiak edi, ekpekpri, ami nyenyuŋ nnim fi ke uŋwana mme idut, man afo ekpedi erinyaŋa mi tutu osim ke utit ererimbot.

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

JEREMIAH 25:5

Mbɔk mbufo kiet kiet ekabare ekpɔŋ mme idiɔk usuŋ mbufo, ye mme idiɔk ido mbufo, enyuŋ eduŋ ke isɔŋ emi Jehovah ɔkɔnɔde mbufo ye mme ete mbufo ke nsinsi:

JEREMIAH 25:6

mbufo ekunyuŋ ebine abasi efen, man enam ŋkpɔ mmɔ, enyuŋ etuak ibuot enɔ mmɔ; ekunyuŋ eyat mi esit ke se ubɔk mbufo enamde; ndien ndidiɔkke ye mbufo.

JEREMIAH 33:26

ndien nyemen ubon Jacob ye ubon David owo mi ŋko nduɔk, ndinyuŋ nsioho aba owo eke edikarade ubon Abraham, ye Isaac, ye Jacob, ke ubon esie: koro nyeda nditɔ mmɔ emi eketaŋde efep mfiak ndi, nnyuŋ ntua mmɔ mbɔm.

HOSEA 1:8

Ekem enye (eka) anam Lo-ruhamah adaha ke eba; ndien oyomo onyuŋ aman eyen-eren.

HOSEA 11:12

Ephraim ada nsu akan mi okuk, ufɔk Israel onyuŋ ada abiaŋa akan mi okuk: Judah onyuŋ osuk asaŋa otime-otime ye Abasi, ye edisana mbon akpanikɔ ŋko.

ZECHARIAH 4:6

Ndien ndɔhɔ nte, Ih ih, Ɔbɔŋ mi. Ndien enye ɔbɔrɔ onyuŋ ɔdɔhɔ mi, ete, Ikɔ emi ke Jehovah ɔdɔhɔ Zerubbabel, ete, Itoho ke odudu, inyuŋ itoho ke nsɔŋidem, edi oto spirit mi, Jehovah mme udim ɔdɔhɔ.

1 SAMUEL 17:47

Ndien ofuri esop emi eyefiɔk ete ke Jehovah idaha ofut, inyuŋ idaha eduat, iŋwana: koro ekɔŋ enyenede Jehovah, ndien enye eyeda mbufo esin nnyin ke ubɔk.