HOSEA 1:4 - Edisana ñwed Abasi Ibom

⁴ Ndien Jehovah ɔdɔhɔ enye, ete, Sio enye enyiŋ Jezreel (Abasi eyewari): koro osuk esisit, ndien nda iyip Jezreel ndori ufɔk Jehu, nnyuŋ nnam ubɔŋ ufɔk Israel etre.

HOSEA 1:4 ပူးပေါင်းရင်းမြစ်များ

2 NDIDEM 10:1

NDIEN nditɔ Ahab owo ata ye duop edu ke Samaria. Ekem Jehu ewet ŋwed ɔnɔ esɔk mme etubom Jezreel ke Samaria, ye mbiowo, ye mme andibɔk ubon Ahab,

2 NDIDEM 10:17

Ekem adaŋemi enye osimde ke Samaria, enye owot kpukpru ikɔt Ahab emi esuhɔde ke Samaria, tutu atak enye ama, ke uyo Jehovah oro enye eketiŋde ɔnɔ Elijah.

2 NDIDEM 15:29

Ke eyo Pekah edidem Israel, Tiglath-pileser edidem Assyria edi edida Ijon, ye Abel-beth-maacah, ye Janoah, ye Kedesh, ye Hazor, ye Gilead, ye Galilee, kpa ofuri isɔŋ Naphtali; onyuŋ ataŋ mmɔ ɔnyɔŋ ke Assyria.

2 NDIDEM 15:8

Ke ɔyɔhɔ isua Azariah edidem Judah edip ye efureta, Zechariah eyen Jeroboam ada ubɔŋ Israel ke Samaria, ke ɔfiɔŋ itiokiet.

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

ISAIAH 8:3

Ndien ntiene prophet aŋwan; ndien enye oyomo, aman eyen-eren. Ndien Jehovah ɔdɔhɔ mi, ete, Sio enye enyiŋ Maher-shalal-hash-baz.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

JEREMIAH 20:3

Edikem mkpɔŋ, Pashhur osio Jeremiah ke ebuka. Ndien Jeremiah ɔdɔhɔ enye, ete, Jehovah ikotke aba enyiŋ fo, ite, Pashhur (uforo kpukpru,) edi okot, ete, Margor-missabib (ndik akan okuk.)

JEREMIAH 23:2

Mmɔdo ntem ke Jehovah Abasi Israel ɔdɔhɔ abaŋa mme ɔbɔk erɔŋ emi ebɔkde ikɔt mi, ete: Mbufo emesuan ufene mi, enyuŋ ebin mmɔ efep, inyuŋ itiŋke mmɔ enyin ise: sese, ami nyenɔ mbufo ufen mbaŋa idiɔk ido mbufo: emi edi uyo Jehovah.

JEREMIAH 3:8

Ndien Judah eyen-eka esie ama-nsu okut. Ndien okposuk edi nte efibe oro Israel ama-mfiakedem ekesinde, edi ofuri ntak emi ŋkosiode enye, nnyuŋ nnɔde enye ŋwed usio-ndɔ, ŋkut nte ke Judah eyen-eka esie aŋwan ama-nsu ifeheke ndik, edi aka akanam use, kpa enye ŋko-ŋko.

EZEKIEL 23:10

Mmɔ efuhɔre enye iferi: eda nditɔ-iren esie ye nditɔ-iban esie, enyuŋ ewot enye ke ofut: ndien enye akabare edi enyiŋ ke otu iban: ndien mmɔ enɔ enye ufen.

EZEKIEL 23:31

Afo asaŋa ke usuŋ eyen-uka aŋwan; ndien mmɔŋ nda cup esie nsin fi ke ubɔk.

HOSEA 1:6

Ndien enye ɔtɔŋɔ ntak oyomo, onyuŋ aman eyen-aŋwan. Ndien Abasi ɔdɔhɔ enye, Sio enye enyiŋ Lo-ruhamah (Ituaha enye mbɔm): koro mmendituaha aba ufɔk Israel mbɔm: koro mmenditreke ndimen mmɔ mfep.

HOSEA 1:9

Ndien enye (Abasi) ɔdɔhɔ, ete, Sio enye enyiŋ, ete, Lo-ammi (idige ikɔt mi): koro mbufo midige ikɔt mi, ami ndinyuŋ ndige eke mbufo.

HOSEA 2:13

Nyenyuŋ nnɔ enye ufen, mbaŋa mme usen Baal emi enye ɔkɔfɔpde ŋkpɔ ɔnɔ mmɔ, okonyuŋ abanade idem esie ke mkpanuen ibuo esie, ye ŋkwa itɔŋ esie, ndien ebine mmɔ eke emade enye, onyuŋ efre mi. Uyo Jehovah edi emi.

HOSEA 2:22

isɔŋ eyenyuŋ eyere ibokpot ye obufa wine ye aran; ndien mmɔ eyeyere Jezreel.

HOSEA 9:17

Abasi mi eyeduɔk mmɔ: koro mmɔ mikopke uyo esie: ndien mmɔ eyedi mbon eke eyode ke otu mme idut.

AMOS 9:8

Sese, Ɔbɔŋ Jehovah etiŋ enyin ke idiɔk idut emi, nyenyuŋ nsobo enye ke iso ererimbot mfep; edi ndisoboke ufɔk Jacob kpukpru;

MATTHEW 1:21

Ndien enye eyeman nyen eren; afo eyenyuŋ osio Enye enyiŋ JESUS, koro edi Enye eyenyaŋa ikɔt Esie osio ke mme idiɔk-ŋkpɔ mmɔ.

LUKE 1:13

Edi angel ɔdɔhɔ enye ete, Kufehe ndik, Zechariah; koro ema ekop mkpe-ubɔk fo; ndien ŋwan fo Elizabeth eyeman eyen eren ɔnɔ fi, afo eyeyuŋ osio enye enyiŋ John.

LUKE 1:31

Ndien sese, afo eyeyomo, onyuŋ aman eyeneren, onyuŋ osio Enye enyiŋ JESUS.

LUKE 1:63

Enye ete enɔ imɔ itiat-ŋwed, onyuŋ ewet ete, Enyiŋ esie edi John.

JOHN 1:42

Ada enye edi ke ɔtɔ Jesus. Jesus owuk enyin ese enye, ete enye, Afo edi Simon, eyen John; edikot fi Cephas (oro ɔwɔrɔ ete, Peter).

JOSHUA 19:18

Ndien adaŋa mmɔ ana aka Jezreel, ye Chesulloth,