HAGGAI 2:7 - Edisana ñwed Abasi Ibom

⁷ nyenyuŋ nnyeŋe kpukpru mme idut, ndien se mme idut eyomde eyedi: ndien nyesin ubɔŋ ke ufɔk emi nyɔhɔ, Jehovah mme udim ɔdɔhɔ ntem.

HAGGAI 2:7 ပူးပေါင်းရင်းမြစ်များ

GENESIS 22:18

kpukpru mme idut ke ererimbot eyenyuŋ ekut mfɔn eke otode ke ubon fo, koro afo ama okokop uyo mi.

GENESIS 3:15

eyenyuŋ adia ntɔŋ ke ofuri ini uwem fo: nyenyuŋ nsin usua ke ufɔt fo ye ŋwan, ye ke ufɔt ubon fo ye ubon esie: enye eyenuak fi ibuot, afo eyenyuŋ anuak enye nditiŋ-ikpat.

GENESIS 49:10

Mmɔnyɔ idikpɔŋke Judah, eto ɔbɔŋ idinyuŋ ikpɔŋke ŋkpatian-ukot esie, tutu Shiloh edi; mme idut eyenyuŋ ekop enɔ

1 NDIDEM 8:10

Edikem adaŋemi mme oku etode ke edisana ubet ewɔŋɔ, obubit enyɔŋ ɔyɔhɔ ke ufɔk Jehovah;

1 NDIDEM 8:11

ndien obubit enyɔŋ oro iyakke mme oku eda enam ŋkpɔ: koro ubɔŋ Jehovah ɔyɔhɔde ke ufɔk Jehovah.

2 CHRONICLES 5:14

Ndien obubit enyɔŋ oro iyakke mme oku eda enam ŋkpɔ: koro ubɔŋ Jehovah ɔyɔhɔde ke ufɔk Abasi.

ŊWED MME PSALM 80:1

O ANDIBƆK Israel, emi adade Joseph usuŋ nte otu ufene, kpaŋ utɔŋ; emi etiede ke otu mme cherubim, yama.

ŊWED MME PSALM 85:9

Erinyaŋa esie emekpere mmɔ eke ebakde enye ikpɔŋ-ikpɔŋ, man ubɔŋ oduŋ ke edem nnyin.

ISAIAH 2:19

Ndien mmɔ eyeduk ke aba itiat, ye ke ndudu isɔŋ, ebaŋa ndik Jehovah, ye ubom ubɔŋ esie, ke ini enye adahade ke enyɔŋ ndidikhe isɔŋ.

ISAIAH 60:4

Menere enyin fo kabare kuk, nyuŋ se; kpukpru mmɔ ebono edi ke ɔtɔ fo: nditɔ-iren fo eyeto ke anyan ebiet edi, eyenyuŋ ebiom nditɔ fo iban ke ŋkaŋ.

ISAIAH 60:7

Kpukpru otu ufene Kedar eyebono ke ɔtɔ fo, okukim Nebaioth eyenam ŋkpɔ enɔ fi: eyedɔk ke itie-uwa mi nte ŋkpɔ inem; nyenyuŋ mbana ediye ufɔk mi.

EZEKIEL 21:27

Nyeyut, nyeyut, nyeyut enye ŋkabare nnim: emi idinyuŋ iduhe, tutu enye emi edikpede ikpe edi; ndien nyeda nnɔ enye.

EZEKIEL 31:16

Ŋkenyeŋe mme idut ke uyom iduɔ esie, ke nnamde enye ɔsuhɔre ke udi, ye mmɔ emi esuhɔrede eduk ke obube: ndien mmɔ emi edude ke idak isɔŋ ekop ndɔŋesit, kpa kpukpru eto Eden, ata nti ye ndimek eto Lebanon, kpukpru mmɔ eke ekeŋwɔŋde mmɔŋ.

EZEKIEL 38:19

Nyenyuŋ nda ufup mi, nda ikaŋ ifuresit mi ndɔhɔ, nte, Akamba unyek-isɔŋ iditreke ke isɔŋ Israel;

EZEKIEL 44:4

Ekem enye ada mi oduk ke usuŋ edem edere edi ke iso ufɔk, ndien ŋkut, ndien, sese, ubɔŋ Jehovah ɔyɔhɔ ke ufɔk Jehovah: ndien nduɔ ke isɔŋ ŋkubi iso mi.

HAGGAI 1:8

Mbufo edɔk ke obot eda eto edi, enyuŋ ebɔp ufɔk emi, ndien enye eyenem mi esit, nyenyuŋ nda ukpono, Jehovah ɔdɔhɔ.

MALACHI 3:1

SESE, ami nyedɔŋ angel mi, ndien enye eyebem mi iso ɔdiɔŋ usuŋ: ndien ɔbɔŋ emi mbufo eyomde, kpa angel ediomi emi enemde mbufo esit, eyebuat mbufo ke temple esie ke idaha kiet. Sese, enye ke edi: Jehovah mme udim ɔdɔhɔ.

LUKE 19:47

Ndien Enye ekekpep mmɔ ŋkpɔ ke usen ke usen ke temple. Edi ikpɔ oku ye mme scribe ye mme etubom-mbio-obio eyom usuŋ nte ekpowotde Enye;

LUKE 2:27

Ndien enye asaŋa ke Spirit oduk ke temple: ekem ke adaŋemi ete ye eka edade Eyen, kpa Jesus, eduk, man enam ye Enye nte ido ibet edide,

LUKE 2:46

Edikem ke usen ita ema ekebe, mmɔ ekut Enye ke temple, nte etiede ke ufɔt mme andikpep, akpaŋ utɔŋ okop se mmɔ etiŋde, onyuŋ obup mmɔ mbume:

LUKE 20:1

EDIKEM ke mme usen oro kiet, nte Enye ekpepde mbio-obio ŋkpɔ ke temple, onyuŋ ɔkwɔrɔde gospel, ikpɔ oku ye mme scribe ye mbiowo etiene Enye;

LUKE 21:38

Ndien kpukpru owo ebak etiene Enye ke temple ke usenubɔk, ete ikop ikɔ Esie.

JOHN 1:14

Ndien IKƆ akabare edi obukidem onyuŋ oduŋ ye nnyin (nnyin inyuŋ ikut ubɔŋ Esie, utɔ ubɔŋ emi ikpɔŋ eyen ɔbɔde ke ubɔk ete) ɔyɔhɔ ye mfɔn ye akpanikɔ.

ŊWED MBON GALATIA 3:8

Edi ŋwed Abasi, sia ekebemde iso okut ete Abasi eyetebe mme Gentile ikpe ke ntak mbuɔtidem, ebem iso ɔkwɔrɔ ikɔ ufɔn ɔnɔ Abaraham ete, Oto fi ke kpukpru mme idut eyekut ufɔn.

ŊWED MBON COLOSSAE 2:9

Koro ofuri Uyɔhɔ Abasi ke ododuŋ Enye ke idem; mbufo enyuŋ enyene uyɔhɔ mbufo ke Enye;