HAGGAI 2:23 - Edisana ñwed Abasi Ibom

²³ Jehovah mme udim ɔdɔhɔ, ete, Ke usen oro nyeda fi Zerubbabel eyen Shealtiel, owo mi, Jehovah ke ɔdɔhɔ, nnyuŋ nnim fi seal: koro mmemek fi, ke edi uyo Jehovah mme udim.

HAGGAI 2:23 ပူးပေါင်းရင်းမြစ်များ

ŊWED MME PSALM 65:5

Afo eyeda akpakop ŋkpɔ ndik ɔbɔrɔ nnyin ke edinen ido, O Abasi, andinyaŋa nnyin, iberedem kpukpru mme utit ererimbot, ye eke inyaŋ, kpa eke mmɔ eke eyomde usuŋ.

IKWƆ SOLOMON 8:6

Nim mi nte seal ke esit fo, ye nte seal ke ubɔk fo: koro ima ɔmɔsɔŋ nte mkpa; ufup onyuŋ ɔsɔŋ ubɔk nte udi: edemikaŋ esie esesak nte edemikaŋ Jehovah.

ISAIAH 42:1

SE owo mi; nyemum enye ŋkama: se edimek owo mi emi adatde mi esit; mmodori enye spirit mi ke idem: enye eyenam ikpe ɔwɔrɔ ɔnɔ mme idut.

ISAIAH 43:10

Jehovah ɔdɔhɔ, ete, Mbufo edi ntiense mi, ye owo emi ŋkemekde: man mbufo efiɔk enyuŋ enim uyo mi ke akpanikɔ, enyuŋ ekut ete ke ami ndi enye: ikebemke mi iso ibot Abasi, baba kiet idinyuŋ itieneke mi edem.

ISAIAH 49:16

Sese, mmakap fi nsin ke eka-ubɔk mi: ibibene fo esuk edu mi ke iso kpukpru ini.

JEREMIAH 22:24

Jehovah ɔdɔhɔ, ete, Ma uwem mi, Coniah eyen Jehoiakim edidem Judah ekpetie nte ŋkpɔ ufik-ŋwed ke ubɔk nnasia mi, ŋkpetreke ndifɔrɔde fi mfep ke esit;

MATTHEW 12:18

Sese owo Mi emi ŋkemekde; Ama Mi emi nnemde esit ye Enye: Nyedori Enye Spirit Mi ke idem, Ndien Enye eyenam ikpe ɔwɔrɔ ɔnɔ mme Gentile.

JOHN 6:27

Ekuŋwana udia eke edibiarade, edi eŋwana udia eke ebigide ɔsuŋɔ nsinsi uwem, emi Eyen Owo edinɔde mbufo: koro edi Enye ke Ete, kpa Abasi, ekefik Enye idiɔŋɔ ke idem.

2 ŊWED TIMOTHY 2:19

Edi ɔkpɔsɔŋ isɔŋ, eke Abasi okowukde ufɔk Esie ke esit, ɔsɔŋɔ ada; ndien enyene idiɔŋɔ ke esit ntem, ete, Abasi ɔmɔfiɔk mmɔ emi enyenede Enye; Ye, Yak kpukpru owo emi esemede ekot enyiŋ Ɔbɔŋ edianare ekpɔŋ ukwaŋkpɔ.

1 PETER 2:4

Mbufo ema enyuŋ etiene Enye, emi edide odu-uwem Itiat, emi mme owo ekesinde, edi Abasi ekemekde, onyuŋ abatde ke ŋkpɔ uto,