HAGGAI 2:19 - Edisana ñwed Abasi Ibom

¹⁹ Nte mkpasip odu kaŋa ke ebiet unim udia? Vine ŋko, ye eto fig, ye pomegranate, ye eto olive ika-iŋwumke kaŋa. Toto ke mfin emi nyediɔŋ mbufo.

HAGGAI 2:19 ပူးပေါင်းရင်းမြစ်များ

GENESIS 26:12

Ekem Isaac awari mkpasip ke isɔŋ oro, ndien ke isua oro enye okut ikikie; Jehovah onyuŋ ɔdiɔŋ enye.

ŊWED JOB 39:12

Nte edikpɔŋ utom fo ɔnɔ enye? Nte edibuɔt idem ye enye, ete ke enye edibiom mkpasip fo aka ke ufɔk, onyuŋ ataŋ se idude ke ɔtɔ-ubek-ibokpot fo obon?

ŊWED MME PSALM 133:3

emi ɔsuhɔrede ke ikpɔ obot Zion: koro do ke Jehovah owuk ŋkpɔ ufɔn, kpa nwem nsinsi.

ŊWED MME PSALM 84:12

O Jehovah mme udim, ɔfɔfɔn ɔnɔ owo eke ɔbuɔtde idem esie ye afo.

JEREMIAH 31:12

Ndien mmɔ eyedi edikwɔ ke obot Zion, enyuŋ ebuŋɔ edi ke mfɔn Jehovah: ebaŋa ibokpot ye obufa wine, ye aran, ye nditɔ ŋkpri ufene, ye nditɔ enaŋ: ndien ukpɔŋ mmɔ eyebiet iŋwaŋ eke ɔŋwɔŋde mmɔŋ; ndien mmɔ idiyemekede aba.

JEREMIAH 31:14

Nyenyuŋ nnɔ mme oku ikpɔŋ unam eyuhɔ, ikɔt mi eyenyuŋ edia mfɔn mi eyuhɔ: ke edi Jehovah ɔdɔhɔ.

JOEL 1:12

Vine amasat: eto fig ŋko etie meŋe-meŋe: pomegranate, ye eyop ŋko, ye apple, kpa kpukpru eto iŋwaŋ, emesat; koro idara asatde ke otu nditɔ owo.

JOEL 2:14

Anie ɔfiɔk mme enye eyekabare onyuŋ atua mkpɔfiɔk, onyuŋ ɔkpɔŋ eti ŋkpɔ ke edem esie, kpa inuak-udia ye uwa ediŋwɔŋ-ŋkpɔ, ɔnɔ Jehovah Abasi mbufo?

HAGGAI 1:11

Ami nnyuŋ ŋkot nda-eyo, nte anam isɔŋ, ye ikpɔ obot, ye ibokpot, ye obufa wine, ye aran, ye se isɔŋ odukde, ye owo, ye ufene, ye ofuri utom ubɔk owo.

MALACHI 3:10

Mbufo eda kpukpru ɔyɔhɔ mbak duop edisin ke ufɔk unim-ŋkpɔ, man udia odu ke ufɔk mi, ndien eda emi edomo mi, Jehovah mme udim ɔdɔhɔ, mme ami ndiberekede window heaven nnɔ mbufo, nnyuŋ ŋŋwaŋa nti ŋkpɔ nnɔ mbufo, tutu akaha.

MATTHEW 6:33

Ekam ebem iso eyom Obio Ubɔŋ Esie ye edinen ido Esie; ndien eyedian kpukpru ŋkpɔ emi enɔ mbufo.

DEUTERONOMY 15:10

Kutre ndinɔ enye, esit fo okunyuŋ ɔdiɔk ke ini afo ɔnɔde enye: koro ŋkpɔ emi eyesin Jehovah Abasi fo ɔdiɔŋ fi ke kpukpru utom fo, ye ke kpukpru se afo ayande ubɔk fo ke esit.

DEUTERONOMY 28:22

Jehovah eyeda ndiɔkidem, ye ufiopidem, ye ŋkunya, ye oyo, ye ofut, ye ikaŋ-ekpo, ye mfut, amiŋa fi: ndien mmɔ eyebine fi tutu esobo fi ema.