HAGGAI 1:9 - Edisana ñwed Abasi Ibom

⁹ Mbufo ke edori enyin ke uwak, ndien sese esisit; ndien ke ini mbufo edade enye edi ke ufɔk, ami mfuri ke esit. Ke abaŋa nso? Jehovah mme udim ɔdɔhɔ. Ke abaŋa ufɔk mi emi abiarade ntem; ndien mbufo kpukpru efeŋe eka ufɔk mbufo.

HAGGAI 1:9 ပူးပေါင်းရင်းမြစ်များ

2 SAMUEL 21:1

NDIEN akaŋ odu ke ini David ke ofuri isua ita, ke isua, ke isua; ndien David oyom iso Jehovah. Ndien Jehovah ɔdɔhɔ ete, Oto Saul ye ufɔk iyip esie, koro enye okowotde mme Gibeonite.

2 SAMUEL 22:16

Ndien ekut afua mmɔŋ, se ererimbot eberede ke esit ayarare, ke nduari Jehovah, ke ibifik ofimede ke ibuo esie.

2 NDIDEM 19:7

Sese, nyesin enye spirit ke idem, ndien enye eyekop etop, onyuŋ afiak ke edem mmɔ; ndien nyenam enye ɔduɔ ke ofut ke edem mmɔ.

ŊWED JOB 10:2

Nyedɔhɔ Abasi, nte, Kunam ikpe obiom mi; sian mi se afo ɔtɔhɔde ye ami abaŋa.

MME ŊKE 11:24

Enyene owo eke asuande, ndien enye ɔdɔdiɔŋ ɔtɔt; ndien owo eke afamde akan nte enende, osuk akabare obuene.

MME ŊKE 27:20

Obio ekpo ye nsobo iyuhɔke: kpa ntre ke enyin owo inyuŋ iyuhɔke.

ECCLESIASTES 1:8

Kpukpru ikɔ ekpa mba; owo ikemeke nditiŋ mmɔ; erise iyuhɔke enyin, erikop inyuŋ iyuɔhɔke utɔŋ.

ISAIAH 40:7

ediye ikɔŋ onyuŋ akpa: koro ibifik Jehovah ofuride ke esit: ke akpanikɔ kpukpru owo edi mbiet.

ISAIAH 5:10

Koro iŋwaŋ-vine eke enaŋ iba-iba ke itie duop efuŋde, ewɔrɔ abaŋ kiet, mkpasip ke homer kiet eyenyuŋ anam ephah.

JEREMIAH 12:13

Mmɔ eketɔ wheat ke isɔŋ, ndien ekpeŋe mbarekpe: ekpa mba, edi idikwe udori: mmɔ eyekut but ebaŋa mbuŋwum mbufo, oto ke ikaŋ iyaresit Jehovah.

EZEKIEL 21:31

Ndien nyeŋwaŋa fi ikpahesit mi ke idem, nyeda ikaŋ iyaresit mi mfuri fi, nnyuŋ nda fi nsin ke ubɔk mbon afai, mbon-usɔ ŋkpɔ eke osobode nsobo.

LEVITICUS 19:25

Ndien edia mfri esie ke ɔyɔhɔ isua ition, man mbuŋwum esie ɔtɔt ɔnɔ mbufo: ami ndi Jehovah Abasi mbufo.

HAGGAI 1:4

Nte edi ini eke mbufo ekpeduŋde ke ufɔk mbufo eke ekɔŋde ke obukpɔk, ndien ufɔk emi abiara?

HAGGAI 1:6

Mbufo etetɔ ediwak ŋkpɔ ke isɔŋ, ndien ekut esisit; edia ŋkpɔ, edi ikemke: eŋwɔŋ, edi iyuhɔke; esine ŋkpɔ ke idem, edi ikopke ufiop; anam-utom ke utip onyuŋ esin utip ke ekpat eke otibede ndudu.

MALACHI 2:2

minyuŋ inimke ke esit, minyuŋ inɔŋɔ enyiŋ mi ukpono, Jehovah mme udim ɔdɔhɔ, nyedɔŋ isuŋi oro utom ke ɔtɔ mbufo, nnyuŋ nnam nti ŋkpɔ mbufo ekabare edi isuŋi: mma nnyuŋ nsuŋi mmɔ mma, koro mbufo mikereke ke esit.

DEUTERONOMY 28:38

Afo eyesio ediwak mkpasip aka iŋwaŋ, edi editaŋ esisit: koro ŋkukuŋkpɔyɔriyɔ editade enye.

ERIYARARE 2:4

Edi mmenyene se ndade mbiom fi, emi ɔkɔkpɔŋde akpa ima fo.

ERIYARARE 3:19

Ami nsasua nnɔ kpukpru mmɔ emi mmade, nnyuŋ ntunɔ mmɔ; nyene ifiopesit ndien, nyuŋ kabare esit.